Board logo

標題: [認真] 再講高鐵~ [打印本頁]
作者: Alex_山    時間: 29-9-2017 01:28     標題: 再講高鐵~

小弟由2007年上CGF至入已十年有多，經歷過CGF論壇大小二事。
其中之一係當年2010年炒得熱烈的高鐵方案，各位師兄理論得熱烈!
時至今天2017年，西九高鐵亦已預期明年通車。
在這一過程中, 未知當年支持或反對師兄至今仍有何高見?
做對了或是做錯了?從哪一角度對待?


小弟先講，當年只年少無知，分析片面，無仔細理解條文方案，
以為高鐵雖然成本貴，但帶來經濟效益理應可以帶來一番新局面。
今日再看過程種種，只驚覺無恥之極，所託非人，香港進一步大陸化，
所謂經濟效率只為破皮一張，政治考慮大於一切! 絕非港人之福...........

[ 本帖最後由 Alex_山 於 29-9-2017 19:06 編輯 ]
作者: gtoray    時間: 29-9-2017 03:31

從來無覺得有必要
大陸想同化, 溝淡你已經係顯而易見
近十年都響台灣用緊, 希望果邊守得住

無得走, 唯有受
作者: sealsman    時間: 29-9-2017 04:12

將起高鐵成本 放係醫療 旅遊 科技發展經濟效益都大過高鐵
可惜港豬何其多 見利忘義
英國人年代管治 遠見 形象工程 絕對比港共做得好

港英末代港督彭定康於一九九六年最後一份施政報告結語說：「我感到憂慮的，不是香港的自主權會被北京剝奪，而是這項權利會一點一滴地斷送在香港某些人手裏。
作者: 暈又暈    時間: 29-9-2017 08:42

想太多啦，就算權貴們從來都沒有攪任何大少動作
男男女女既下半身，都會促成中港融合
(廢柴麻甩x灶罅村姑)
作者: Lolanto    時間: 29-9-2017 09:40

引用:
原帖由 sealsman 於 29-9-2017 04:12 發表
將起高鐵成本 放係醫療 旅遊 科技發展經濟效益都大過高鐵
可惜港豬何其多 見利忘義
英國人年代管治 遠見 形象工程 絕對比港共做得好

港英末代港督彭定康於一九九六年最後一份施政報告結語說：「我感 ...
論管治，英國佬接管香港時，毛共始祖馬克思都未發表共產主義，一早就輸在起跑線了。
作者: horenhim    時間: 29-9-2017 09:55

我等埋D 義工同零毛入來發表意見先
作者: loveless    時間: 29-9-2017 10:43

引用:
原帖由 horenhim 於 29-9-2017 09:55 發表
我等埋D 義工同零毛入來發表意見先
我等人革命, 革命is good business.
作者: pbay    時間: 29-9-2017 10:57

如此巨大成本, 換來如此短的行車距離, 世所罕見地蠢的工程.
如今政府才承認不知何時可收回成本, 根本早就知就無效益可言.

加上大部份班次上到深圳都要落車轉車, 甚麼直通全國根本就大話連編
更顯毫無必要在港做一地兩檢, 破壞一國兩制.

說穿了只是軍事鎮壓用途, 順手呃錢掠水.
作者: horenhim    時間: 29-9-2017 11:22

引用:
原帖由 loveless 於 29-9-2017 10:43 發表


我等人革命, 革命is good business.
HI
作者: ++朗++    時間: 29-9-2017 13:46

其實高鐵好有經濟效益

1. 軍事, 所有軍事物資可以直達香港
2. 政治, 顯示中港一家親
3. 商業, 大大個藉口送錢比工程公司

方便北上? sorry
呢個只係附加功能
做到就做
做唔到就…who cares?
作者: FBC1    時間: 29-9-2017 15:34

引用:
原帖由 gtoray 於 29-9-2017 03:31 發表
從來無覺得有必要
大陸想同化, 溝淡你已經係顯而易見
近十年都響台灣用緊, 希望果邊守得住

無得走, 唯有受
同感。
作者: LCH925    時間: 29-9-2017 16:33

只可以講，依家鬧得最高興的人，都係唔會坐高鐵的人
假如試過去廣州南坐高鐵，就會知道條廣深港係有佢的用處
作者: horenhim    時間: 29-9-2017 17:18

引用:
原帖由 LCH925 於 29-9-2017 16:33 發表
只可以講，依家鬧得最高興的人，都係唔會坐高鐵的人
假如試過去廣州南坐高鐵，就會知道條廣深港係有佢的用處
高速直達廣州(南)
作者: loveless    時間: 29-9-2017 17:32

覺得班工程師好無奈
作者: reniless    時間: 29-9-2017 17:37

香港高鐵配合大灣區發展先係發揮到最大效益。
作者: Epxaiual    時間: 29-9-2017 19:00

引用:
原帖由 gtoray 於 29-9-2017 03:31 發表
從來無覺得有必要
大陸想同化, 溝淡你已經係顯而易見
近十年都響台灣用緊, 希望果邊守得住

無得走, 唯有受
同意。
作者: Lolanto    時間: 29-9-2017 20:40

引用:
原帖由 horenhim 於 29-9-2017 17:18 發表


高速直達廣州(南)
45分鐘到廣州，同以前3個鐘真係差好遠。
不過幾何無啦啦返廣州
作者: LCH925    時間: 29-9-2017 21:01

引用:
原帖由 horenhim 於 29-9-2017 17:18 發表


高速直達廣州(南)
如果你對返大陸的定義只係限於廣東省
咁條高鐵的確好無謂

但我好相信如果只係返廣州，通常D人會過落馬洲關轉地鐵，唔係用高鐵
作者: sealsman    時間: 29-9-2017 21:25

引用:
原帖由 LCH925 於 29-9-2017 21:01 發表

如果你對返大陸的定義只係限於廣東省
咁條高鐵的確好無謂

但我好相信如果只係返廣州，通常D人會過落馬洲關轉地鐵，唔係用高鐵
希望睇到師兄高見
作者: LCH925    時間: 29-9-2017 21:39

引用:
原帖由 sealsman 於 29-9-2017 21:25 發表

希望睇到師兄高見
高見唔敢講，只係高鐵一通，長江以南可以用高鐵去到
咁第日就算坐飛機，都會少D延誤
作者: sealsman    時間: 29-9-2017 22:11

引用:
原帖由 LCH925 於 29-9-2017 21:39 發表

高見唔敢講，只係高鐵一通，長江以南可以用高鐵去到
咁第日就算坐飛機，都會少D延誤
有高鐵>坐飛機少D延誤
飛機delay好似關空管事喎 起好高鐵會少左空管
求指教
作者: LCH925    時間: 29-9-2017 23:18

引用:
原帖由 sealsman 於 29-9-2017 22:11 發表

有高鐵>坐飛機少D延誤
飛機delay好似關空管事喎 起好高鐵會少左空管
求指教
如果起好左高鐵，好多人第時去江南應該會用高鐵去，因為扣返D delay時間兩者其實差不多，高鐵仲要平左同埋有風景睇
分流左班人去江南，空中交通壓力相對地細，就算等都理論上等得快d

當然去淮水以北的話，個價錢同坐飛機冇分別，有次打算去敦煌，一查，高鐵仲要貴飛機一百蚊

不過高鐵勝在準時，講好幾時幾分就真係幾時幾分。即使飛機實際上需時更短，但長久delay令人煩躁，高鐵冇呢個問題（而且好多內陸機仲要冇電腦玩，頂）
所以「一地兩檢」方案，明顯係首先出於交通部建議
因為高鐵停車頂多三至五分鐘，呢個時間肯定唔夠過關
你又冇可能叫成車人係到等，等到個個埋曬位先再開車，因為大陸都有人要上車

而更明顯係正常人根本冇可能會坐高鐵只係去廣州南。因為實際上係價錢方面，落馬洲轉地鐵仲實際（政府條片明顯都有問題，佢自己都捉唔住問題核心，剩係同人宣傳去廣州有幾快，根本本末倒置）

高鐵系統係中國國內run得幾好，坐過一次就知。重點在於香港邊界有個關口，一下子就卡死曬成套系統。「一地兩檢」係單純交通角度，係最快最方便的解決方案
當然提升到法律同政治問題，又係另一回事
作者: MG-42    時間: 30-9-2017 05:44

提示: 作者被禁止或刪除 內容自動屏蔽
作者: wongmanhong2    時間: 30-9-2017 08:03

引用:
原帖由 MG-42 於 30-9-2017 05:44 發表
人地睇未來大局去諗:
係引國內人方便入來香港做商貿, 港珠澳大橋一樣 , 自由行亦係引國內人落香港洗錢 , 令香港保持區域優勢唔好比人爬頭 ! 人地係諗增加十幾億國內人落香港會方便左, 引錢入來增加商貿機會 !

短 ...
繼續抗拒同大陸接軌，香港只會進退兩難。
錢就洗咗，寄望將來配套改善發揮高鐵優點。
作者: queen    時間: 30-9-2017 11:54

其實重點係接唔接受香港係中國的一部份，接受的不論多浪費高鐵也要起；不接受高鐵一定無用.....

首先講實際作用，個人認為高鐵基本上係廢的，由於香港同深圳實在太近，即使由紅磡站坐火車經落馬洲連出關轉深圳地鐵去深圳北，大概都係個半鐘(上水去仲快)，所以以實際用途香港起高鐵絕對係無用。
但如果接受香港係大陸一部份，高鐵就係必需，因為以大陸城市計，如果無高鐵就好難做到一級城市，如果悟想日後被邊緣化，就一定要起
作者: MG-42    時間: 1-10-2017 00:25

提示: 作者被禁止或刪除 內容自動屏蔽
作者: LCH925    時間: 1-10-2017 01:28

引用:
原帖由 MG-42 於 1-10-2017 00:25 發表


試試想像下你係一個國內老闆一身西裝帶住兩個下屬由武漢落來中環傾大生意, 要你武漢搭到去深圳地鐵落馬洲, 再坐迫爆火車落馬洲企住迫十幾個站先到紅磡站... 落離傾生意就死得啦,搭過一次你重敢再來?    其實參 ...
所以先話政府條片捉唔住重點
高鐵面向全國，偏偏就只係著重話去廣州南有幾快幾快
有部分有心人士就不點破，直接用呢個點話返政府：上廣州用火車仲好啦！

一步錯，步步錯
作者: gtoray    時間: 1-10-2017 12:22

引用:
原帖由 MG-42 於 1-10-2017 00:25 發表


試試想像下你係一個國內老闆一身西裝帶住兩個下屬由武漢落來中環傾大生意, 要你武漢搭到去深圳地鐵落馬洲, 再坐迫爆火車落馬洲企住迫十幾個站先到紅磡站... 落離傾生意就死得啦,搭過一次你重敢再來?    其實參 ...
國內老闆
兩個下屬
一身西裝
大生意

即係寶藥黨?
作者: loveless    時間: 1-10-2017 13:14

引用:
原帖由 MG-42 於 1-10-2017 00:25 發表


試試想像下你係一個國內老闆一身西裝帶住兩個下屬由武漢落來中環傾大生意, 要你武漢搭到去深圳地鐵落馬洲, 再坐迫爆火車落馬洲企住迫十幾個站先到紅磡站... 落離傾生意就死得啦,搭過一次你重敢再來?    其實參 ...
俾定正確答案你
A.國內老闆關我X事o羊
B.有錢o米搭飛機o羅
C.納稅人D錢黎o架
Bonus combo hit:傾生意關我X事o羊

要明白個邏輯
我唔接受唔承認中國，
但國慶放假係我既權利
作者: Dave    時間: 1-10-2017 13:46

引用:
原帖由 gtoray 於 1-10-2017 12:22 發表


國內老闆
兩個下屬
一身西裝
大生意

即係寶藥黨?
黑龍江有機水
作者: Alex_山    時間: 1-10-2017 16:02

高鐵計劃除左鐵路建設以外, 另一個好重要部分係所謂 一地兩檢 安排!
此安排同高鐵計劃密不可分，不可只考慮鐵路建設而無視過境安排。
個人認為 現在所知一地兩檢方案絕對成為日後擴大內地在香港正式執法缺口，
當年CGF師兄們討論係無視左法律相關安排，前議員吳靄儀亦有文章指明一地兩檢有違基本法
而且係夾硬黎做，無"租地"一事只有割地!  
政府過就高鐵行事安排就有如溫水煮蛙，從一開始就大話連編!
六國論有云 :今日割五城，明日割十城，然後得一夕安寢。
最後香港仲係唔係香港?或者有人會覺得過多十幾年都到退休唔關自己事啦。

以前我都會認為政府為大角度著想，雖然有爭論，但仍可以本著香港市民服務心態去推行計劃。
但經多年觀察，此政府已不是單為香港市民服務，更重要為北大人服務。 所以我對政府已無信心，信唔過!
作者: LCH925    時間: 1-10-2017 16:51

引用:
原帖由 loveless 於 1-10-2017 13:14 發表


俾定正確答案你
A.國內老闆關我X事o羊
B.有錢o米搭飛機o羅
C.納稅人D錢黎o架
Bonus combo hit:傾生意關我X事o羊

要明白個邏輯
我唔接受唔承認中國，
但國慶放假係我既權利
國內老闆只係一個例子
比多個例子你：依家國內物流會用高鐵運貨，因為第一班高鐵會試車，之後先比人用。物流公司就會順便用呢班試車運貨，於是貨物交通就快一步
用於香港就係國內產品可以更快、更多地抵步，對平穩物價有幫助
你有錢唔用國內貨係你事，但不要忘記有相當數量港人都仲要用國貨渡日

再講「納稅人錢」論
大型基建上馬，一方面提供即時性工作（工人），呢批工人搵到錢之後又會用於消費，造成一系列經濟增長，架仔戰後都係呢套理論而成功（當然仲有其他因素）
而大型基建落成之後，亦會提供大量工作機會比其他人，最少可以比班畢業出來的學生
你有工返係你事，但不要忘記有相當數量學生搵工唔易

至於唔起係咪會變死港呢？咁又唔係
不過後生仔冇工開燥底；物價高草根用唔起物品
到時佢地咪又係要問政府拎錢用
「納稅人D錢黎架」

PS：放國慶假當然係你權利，因為無論你承唔承認接唔接受，香港都係中國一部分
作者: 48191    時間: 1-10-2017 16:52

黑龍江啲女好呀！白白淨冇暗病。
黑龍江有_水就真。
一車車咁用高鐵新鮮直送香港做七日鮮，總算對香港有少少貢獻。
引用:
原帖由 Dave 於 1-10-2017 13:46 發表


黑龍江有機水
[ 本帖最後由 48191 於 1-10-2017 16:53 編輯 ]
作者: loveless    時間: 1-10-2017 17:24

引用:
原帖由 LCH925 於 1-10-2017 16:51 發表

國內老闆只係一個例子
比多個例子你：依家國內物流會用高鐵運貨，因為第一班高鐵會試車，之後先比人用。物流公司就會順便用呢班試車運貨，於是貨物交通就快一步
用於香港就係國內產品可以更快、更多地抵步，對平 ...
教導我持平係浪費精力，信我o拉
作者: LCH925    時間: 1-10-2017 17:27

引用:
原帖由 loveless 於 1-10-2017 17:24 發表


教導我持平係浪費精力，信我o拉
「公正持平」呢家野從來都唔存在
人亦都只能說服同自己有相近立埸的人

所以都係打和啦，SUPER
作者: loveless    時間: 1-10-2017 18:23

引用:
原帖由 LCH925 於 1-10-2017 17:27 發表

「公正持平」呢家野從來都唔存在
人亦都只能說服同自己有相近立埸的人

所以都係打和啦，SUPER
所以不論全心反中共,定全意反佔中既各方自封義仕烈士，
好少會真正嘗試去明白點解永遠砌唔低對方
作者: Lolanto    時間: 1-10-2017 19:10

引用:
原帖由 Alex_山 於 1-10-2017 16:02 發表
高鐵計劃除左鐵路建設以外, 另一個好重要部分係所謂 一地兩檢 安排!
此安排同高鐵計劃密不可分，不可只考慮鐵路建設而無視過境安排。
個人認為 現在所知一地兩檢方案絕對成為日後擴大內地在香港正式執法缺口，
當 ...
唔好成日以為無一地兩檢，香港就有保障。銅鑼灣書店案好清楚話比大家知，毛共要執行家法時，係唔會通知你亦唔需要你批准。主權移交係一個事實，你接受就安定繁榮，你唔接受就一係改變環境(推翻毛共統治獨立，但有冇可能呢？)，唔係就改變自己身處的環境(搞移民，不過有冇能力呢？)。一係改變自己心態(接受毛共統治)。
作者: queen    時間: 1-10-2017 19:51

引用:
原帖由 MG-42 於 1-10-2017 00:25 發表


試試想像下你係一個國內老闆一身西裝帶住兩個下屬由武漢落來中環傾大生意, 要你武漢搭到去深圳地鐵落馬洲, 再坐迫爆火車落馬洲企住迫十幾個站先到紅磡站... 落離傾生意就死得啦,搭過一次你重敢再來?    其實參 ...
你個例子就唔乎合國情啦.....

第一如果係啲有少少規模的老闆，一定唔會咁樣搭香港，一般似少少樣的老闆，即使係坐高鐵到深圳再直接租車直到香港啦，要同你迫火車地鐵的老闆.....
作者: Lolanto    時間: 1-10-2017 21:52

引用:
原帖由 queen 於 1-10-2017 19:51 發表

你個例子就唔乎合國情啦.....

第一如果係啲有少少規模的老闆，一定唔會咁樣搭香港，一般似少少樣的老闆，即使係坐高鐵到深圳再直接租車直到香港啦，要同你迫火車地鐵的老闆.....
呢個係高鐵未直通香港時情況，通左車後老闆既然可以迫火車地鐵落深圳，點解唔搭多兩個站落西九呢？
作者: Dave    時間: 1-10-2017 22:34

其實老闆唔一定要司機車出車入既...我識既內地老闆可能都會問我西鐵答到邊個站落車...
可能呢D 老闆唔夠格卦...身家當然唔知...做街市的...不過係成個批發市場買起黎做果隻
作者: loveless    時間: 1-10-2017 23:39

小弟第一個中國老闆... 係上世紀末，佢原本係舊公司既客，經常經深圳落黎香港，成日買好多雜誌同日用品，話同事叫佢買，次次見佢大抽細抽搭過境巴士上去，非常娘爆。
直到有日佢開聲問我肯唔肯上去做一兩年，叫我趁長假上一上去深圳係甘意都interview一下。當時我真係有點不以為然，但反正得閒就上左去。
港燦係乜意思？應該就係小弟。去到原來深圳只係分公司，响福田最新既大
作者: loveless    時間: 1-10-2017 23:41

小弟第一個中國老闆... 係上世紀末，佢原本係舊公司既客，經常經深圳落黎香港，成日買好多雜誌同日用品，話同事叫佢買，次次見佢大抽細抽搭過境巴士上去，非常娘爆。
直到有日佢開聲問我肯唔肯上去做一兩年，叫我趁長假上一上去深圳係甘意都interview一下。當時我真係有點不以為然，但反正得閒就上左去。
港燦係乜意思？應該就係小弟。去到原來深圳只係分公司，响福田最新既大(夏)佔五層，淨係HR有廿人，隔離個sever房擺滿HP UX機...
間公司原來有過千員工，新年係包起觀瀾湖酒店幾日，飛晒員工同家屬黎任飲任食.
而呢個大抽細抽迫巴士既娘爆老闆，原來係全資擁有呢間後來我服務左年半既企業。
中國，從來都係一個奇怪既地方，太多野需要去批評，亦太多野值得去學習。
作者: MG-42    時間: 2-10-2017 00:22

提示: 作者被禁止或刪除 內容自動屏蔽
作者: 美味炸雞脾    時間: 2-10-2017 07:02

提示: 作者被禁止或刪除 內容自動屏蔽
作者: mkmonkey    時間: 2-10-2017 12:17

引用:
原帖由 LCH925 於 1-10-2017 16:51 發表

國內老闆只係一個例子
比多個例子你：依家國內物流會用高鐵運貨，因為第一班高鐵會試車，之後先比人用。物流公司就會順便用呢班試車運貨，於是貨物交通就快一步
用於香港就係國內產品可以更快、更多地抵步，對平 ...
作為香港有實際使用者，我只係見到比集運快一點既速度。但價錢方面不見得有優勢。
如果香港並非實際使用者，香港作為貨倉會比內地更便宜？如果真係要貨，由福田運過黎，都係一日。

如果以玩槍既角度黎計，就係你買左枝無改既 Marui M4 電槍，根住配就走去配枝全新真品 ACOG，全新真品 RIS/RAS，再加個真 PMAG 皮既彈匣一樣。有無好處？有好處，用黎(目及)野 show off 都方便 d 啦。實際用途？係喎，睇野遠少少清少少，但打 game 可能不過分別唔大。
如果以音樂黎計，就係黑膠 vs CD vs MD vs MP3。

呢樣野，係 nice to have，唔係 must have。無一個新既運作模式，所謂新方法根本就係無太大意思。
但錢倒是無底深潭咁使左去，法律問題就更加係霸皇硬上弓。
作者: mkmonkey    時間: 2-10-2017 12:22

引用:
原帖由 美味炸雞脾 於 2-10-2017 07:02 發表
其實啲反對聲音都好無謂... 係咪你好想搭高鐵，但唔支持香港有高鐵?
反對起源既係 ... 點解要有高鐵？唔起，咪唔會有今日既問題。
唔會有成近千億都未填完既坑，唔會有法治問題。

幾十億使左去既唔止高鐵，仲有郵輪碼頭，又係呢類大白象，nice to have 但要市民埋單既。

[ 本帖最後由 mkmonkey 於 2-10-2017 12:25 編輯 ]
作者: mkmonkey    時間: 2-10-2017 12:39

引用:
原帖由 wongmanhong2 於 30-9-2017 08:03 發表

繼續抗拒同大陸接軌，香港只會進退兩難。
錢就洗咗，寄望將來配套改善發揮高鐵優點。
進退兩難自九七後已經係，仲要考慮呢個問題就已經太 out。
要確保香港競爭力，只有確保香港既獨立性，而唔係同大陸溶為一體。

至於"錢就洗左"，固然係要將佢個效用最大化。
但更重要係，要防止呢類假大空既項目再上馬，而唔係再任由佢地胡作非為，然後以"錢就洗左"再不停開坑。
作者: loveless    時間: 2-10-2017 12:45

引用:
原帖由 mkmonkey 於 2-10-2017 12:39 發表

要確保香港競爭力，只有確保香港既獨立性，而唔係同大陸溶為一體。
唔明，願聞其詳
作者: mkmonkey    時間: 2-10-2017 12:51

引用:
原帖由 loveless 於 2-10-2017 12:45 發表


唔明，願聞其詳
如果香港同大陸一樣，仲有邊個會要黎香港投資？直接走去大陸投資就得。
作者: loveless    時間: 2-10-2017 12:58

引用:
原帖由 mkmonkey 於 2-10-2017 12:51 發表


如果香港同大陸一樣，仲有邊個會要黎香港投資？直接走去大陸投資就得。
原來如此，多謝高見
作者: jn_jona    時間: 2-10-2017 13:18

引用:
原帖由 mkmonkey 於 2-10-2017 12:51 發表


如果香港同大陸一樣，仲有邊個會要黎香港投資？直接走去大陸投資就得。
特別係法治...人地黎香港都係想有法律保障
大陸都開始去完善法規 但d人唔經正常法律程序姐
作者: rho837    時間: 2-10-2017 13:37

呀陶傑在光明頂吹水！ 不如班拿BNO嘅香港人（30萬人左右）去英國叫英國政府出一塊地做個新香港！ 到時咪可以從頭來過！ 掙取英國搞新香港容易得多！
作者: sealsman    時間: 2-10-2017 13:38

引用:
原帖由 jn_jona 於 2-10-2017 13:18 發表

特別係法治...人地黎香港都係想有法律保障
大陸都開始去完善法規 但d人唔經正常法律程序姐
我爸是李剛

http://hk.apple.nextmedia.com/news/art/20170924/20162414
我係高層朋友

完善完法規 都要有人執行先得架
作者: LCH925    時間: 2-10-2017 14:39

引用:
原帖由 mkmonkey 於 2-10-2017 12:17 發表


作為香港有實際使用者，我只係見到比集運快一點既速度。但價錢方面不見得有優勢。
如果香港並非實際使用者，香港作為貨倉會比內地更便宜？如果真係要貨，由福田運過黎，都係一日。

如果以玩槍既角度黎計，就 ...
從九龍城經大馬路入元朗、上水、屯門車程大抵都係九個字到一個鐘
同坐架地鐵差不多

咁係咪代表因為有大馬路就唔需要係上述地區起地鐵？
作者: jn_jona    時間: 2-10-2017 15:20

引用:
原帖由 sealsman 於 2-10-2017 13:38 發表

我爸是李剛

http://hk.apple.nextmedia.com/news/art/20170924/20162414
我係高層朋友

完善完法規 都要有人執行先得架
唔講法律 最近摩天輪單野都處理得好肉酸...
作者: 48191    時間: 2-10-2017 15:31

其實點解冇乜人提起香港關係法？
引用:
原帖由 mkmonkey 於 2-10-2017 12:39 發表


進退兩難自九七後已經係，仲要考慮呢個問題就已經太 out。
要確保香港競爭力，只有確保香港既獨立性，而唔係同大陸溶為一體。

至於"錢就洗左"，固然係要將佢個效用最大化。
但更重要係，要防止呢類假大空既 ...
作者: mkmonkey    時間: 2-10-2017 16:48

引用:
原帖由 LCH925 於 2-10-2017 14:39 發表

從九龍城經大馬路入元朗、上水、屯門車程大抵都係九個字到一個鐘
同坐架地鐵差不多

咁係咪代表因為有大馬路就唔需要係上述地區起地鐵？
從前係幾耐之前？講緊 20 年前，我由太子去元朗係一個鐘頭多 d 既車程。由觀塘去將軍澳要大約一小時多 d。
呢 d 地方係我地主要既居住地方，而且亦都非常容易濟塞。所以強化交通網絡係必需。唔係根本吸引唔到人去遷移去住。
我地既鐵路主要係要連接居住既地方，咁我地既居住地點幾時延申左去大陸？
而且上面咁多位講既不外乎物流，引入外資，同大陸接軌，同本港鐵路既本意相同？係為左本地人口既分佈同發展？定單純為左引入一 d 未知既投資？
作者: 48191    時間: 2-10-2017 16:52


香港政府用錢一直都「用得其所」㗎啦⋯⋯

[ 本帖最後由 48191 於 2-10-2017 18:04 編輯 ]
作者: MG-42    時間: 3-10-2017 00:03

提示: 作者被禁止或刪除 內容自動屏蔽
作者: MG-42    時間: 3-10-2017 00:11

提示: 作者被禁止或刪除 內容自動屏蔽
作者: LCH925    時間: 3-10-2017 00:53

引用:
原帖由 mkmonkey 於 2-10-2017 16:48 發表


從前係幾耐之前？講緊 20 年前，我由太子去元朗係一個鐘頭多 d 既車程。由觀塘去將軍澳要大約一小時多 d。
呢 d 地方係我地主要既居住地方，而且亦都非常容易濟塞。所以強化交通網絡係必需。唔係根本吸引唔到人 ...
你自己都已經講左個答案
當然,假如你單純地認為香港只有「住」的用途,這個城市冇其他交流、功能,咁就算了

唔好當一切都理所當然啦
明朝人仲以為航海冇必要,結果五百年後我地比人打到狗彩

[ 本帖最後由 LCH925 於 3-10-2017 06:06 編輯 ]
作者: 美味炸雞脾    時間: 3-10-2017 01:44

提示: 作者被禁止或刪除 內容自動屏蔽
作者: MG-42    時間: 3-10-2017 04:38

提示: 作者被禁止或刪除 內容自動屏蔽
作者: Lolanto    時間: 3-10-2017 09:04

十一黃金週，公路大塞車，直通巴士1x個鐘上廣州，直頭可以搭轉飛機去杜拜。高鐵唔會有塞車問題吖
作者: horenhim    時間: 3-10-2017 10:27

所以我幾時都話人類最偉大既力量係愛!
最可怕的暴力係盲目的愛!
作者: pbay    時間: 3-10-2017 10:54

引用:
原帖由 mkmonkey 於 2-10-2017 12:51 發表


如果香港同大陸一樣，仲有邊個會要黎香港投資？直接走去大陸投資就得。
好多傻人仲未明,
香港咁細咁貴成本點解仲有咁多人來投資, 來開公司, 來買奶粉月餅益力多藥物衛生巾,
就係因為香港同大陸制度唔同唔接軌, 反而同西方制度同價值觀, 多D相同多D接軌.

7,80年代香港同大陸乜軌都無接, 大陸人就算游水爬山都要死落黎.
他日香港腐化到同大陸一樣果陣, 你起20條高鐵都無用, 大陸人已經無來港必要.

簡單來講, 只要文化及制度差異一消失, 香港就會滅亡.

所以全部同大陸融合既政策, 都係打爛緊香港人自己飯碗,
你上去賺錢上去投資上去交易, 係你既事, 但唔好倒轉頭支持破壞香港呢個home base既獨特性,
咁做係害緊成個香港, 害緊呢度下幾代人.
作者: queen    時間: 3-10-2017 12:00

引用:
原帖由 Lolanto 於 3-10-2017 09:04 發表
十一黃金週，公路大塞車，直通巴士1x個鐘上廣州，直頭可以搭轉飛機去杜拜。高鐵唔會有塞車問題吖
買到動車/高鐵飛, 無比黃牛hold起D飛先講la....

我以前試過清明之後第2日中午去廣州南想買高鐵飛返深圳, 已經無飛但黃牛就大把......
作者: pbay    時間: 3-10-2017 12:22

引用:
原帖由 LCH925 於 3-10-2017 00:53 發表

你自己都已經講左個答案
當然,假如你單純地認為香港只有「住」的用途,這個城市冇其他交流、功能,咁就算了

唔好當一切都理所當然啦
明朝人仲以為航海冇必要,結果五百年後我地比人打到狗彩;no ...
可能你有少少誤解.
其實宋朝至明朝係航海技術,科技,社會制度頂峰,發展都幾先進. 唔係輸在科技落後.
係清朝先至因科技倒退而俾人打到狗彩.

明朝同期係世界大航海時代, 明朝軍事上無俾呢D殖民者征服,
打個平手之後開始通商, 賣絲綢茶葉瓷器賺到成為白銀帝國.
明朝船艦技術在鄭和下西洋後有躍進, 火炮技術與殖民者交手後有學習改進(如運用佛朗機炮一類後膛炮, 及改良火槍, 配合戰車去防守邊境及朝鮮戰役中使用效果一流)
民間科技反映於<天工開物>, 及眾多理學著作, 一D都唔落後.
制度上明朝君主權力下放到接近行憲地步, 皇帝不上朝數十年國家仍運作正常, 其實係好超前.
明朝對北方蠻族態度甚為堅決, 但對海外商旅及傳教士態度算半開放, 唔係鎖國政策.
明朝只係輸響一連串天災同小冰河期手上, 人力難救既大環境問題.

可能因為清朝遺民影響, 近代好多中史書都抺黑宋明, 好似唔多公平.
宋明都係力抗北方, 但開放南方從海外吸收知識同貿易, 生存方式同香港都好似.
作者: pbay    時間: 3-10-2017 12:30

所謂開放, 所謂學習新科技
香港一路以來都向全世界開放, 只係唔向大陸開放; 一路都向世界學習, 只係唔向北方學習, 所以香港以前遍地黃金.

向南向西向東開放都係香港生路, 向北開放係死路. 所以搞到依家遍地"黃金"
作者: Lolanto    時間: 3-10-2017 15:10

引用:
原帖由 pbay 於 3-10-2017 12:30 發表
所謂開放, 所謂學習新科技
香港一路以來都向全世界開放, 只係唔向大陸開放; 一路都向世界學習, 只係唔向北方學習, 所以香港以前遍地黃金.

向南向西向東開放都係香港生路, 向北開放係死路. 所以搞到依家遍地"黃金 ...
講到言之鑿鑿咁。6、70年代香港有工業都仲可以食自己。但到左8、90年代香港工廠搬晒上大陸，靠的是轉口貿易，即係將大陸的產品運出，及將原材料運入大陸，令當時香港有中國南大門之稱，90年代貨櫃碼頭吞吐量站世界第一。但隨著10號貨運碼頭被否決，鹽田碼頭落成，香港貨櫃碼頭吞吐量於2005年及2007年跌至第二及第三。
現時香港靠的是金融業，亦即係炒股炒樓，繼續吸納呢D資金都不是實際生產，而且靠的是大陸資金多，呢啲資金會隨大陸不穩定政策所影響，泡沫經濟隨時爆破。而且炒樓令樓檟標升，受害的是香港居民而唔係炒家。
而高鐵可以貫穿大陸，能唔能夠繼續成為中國南大門，就睇下香港人係咪閉關自守，固步自封了。
作者: pbay    時間: 3-10-2017 15:33

引用:
原帖由 Lolanto 於 3-10-2017 15:10 發表

而高鐵可以貫穿大陸，能唔能夠繼續成為中國南大門，就睇下香港人係咪閉關自守，固步自封了。
香港一直都沒閉過關, 問題其實是"應向誰開放 ?".  
這數十年經驗得出, 最有利是香港人向北要閉關, 向外國要盡量開放, 追貼.

就算有水流, 流向都盡量要單向. 只能南向北, 流向一錯就死了.

活水在東南西方, 北方的是毒水.
你可以投活水進毒潭, 可以入毒潭奪奇寶, 那是你的選擇,
但將毒水倒轉放入活潭, 就累人累物了.
作者: queen    時間: 3-10-2017 16:24

引用:
原帖由 Lolanto 於 3-10-2017 15:10 發表

講到言之鑿鑿咁。6、70年代香港有工業都仲可以食自己。但到左8、90年代香港工廠搬晒上大陸，靠的是轉口貿易，即係將大陸的產品運出，及將原材料運入大陸，令當時香港有中國南大門之稱，90年代貨櫃碼頭吞吐量站世界 ...
香港在金隔業同資金漂白業上依舊係中國的南大門，唇齒相依，大陸班友無香港幫手走資，佢哋有排頭痕...

香港一直的成功都係靠大陸，以前係宜家算係而以後都會係(四十年代靠走難來的資金，五六七八十年代靠大陸來港努動力同幫大陸做出入口等...)，但未來仲靠轉口業做南大門，傻的嗎？？香港本來有的優勢係香港人國際視野普遍比大陸人好，法治及制度成熟，創意、轉數及適應力高....香港地少人多，早就應該放棄工業同轉口業，轉為發展高增值創科文化業，但過去二十年就係比政府同某D人夾便要同大陸隔合，而放棄發展.....
作者: mkmonkey    時間: 3-10-2017 19:00

引用:
原帖由 LCH925 於 3-10-2017 00:53 發表

你自己都已經講左個答案
當然,假如你單純地認為香港只有「住」的用途,這個城市冇其他交流、功能,咁就算了

唔好當一切都理所當然啦
明朝人仲以為航海冇必要,結果五百年後我地比人打到狗彩;no ...
唔好偷換概念，你問港鐵有無需要接駁去各"新市鎮"，並唔等同有無需要有高鐵去接駁大陸。唔好用"鐵路"一詞黎混淆視聽。

至於高鐵有其他功能，我唔否認，但呢 d 功能係咪有急切需要，甚至係咪有需要，都成疑問。我一開始已經講，呢個係 Nice to Have，唔係 Must Have。
至於其他你所謂既"交流"，"功能"，有幾多新既野係一定要透過高鐵去實行？如果現有模式係能夠滿足到，點解唔係加強呢類模式，而係一定要開一種新方法？
而且呢類 Nice to have 既功能，相比起近千億既消費，法治帶來既問題，真係有其興建既價值？
作者: LCH925    時間: 3-10-2017 20:30

引用:
原帖由 pbay 於 3-10-2017 12:22 發表

可能你有少少誤解.
其實宋朝至明朝係航海技術,科技,社會制度頂峰,發展都幾先進. 唔係輸在科技落後.
係清朝先至因科技倒退而俾人打到狗彩.

明朝同期係世界大航海時代, 明朝軍事上無俾呢D殖民者征服,
打個平手 ...
明初基於儒家思想，明朝對外並沒有擴張，重商主義亦因儒家思想未能成事
其後商家勾結東林黨，以致所謂「重農輕商」，農稅重收，商稅輕放
經濟上由於重八哥對經濟欠缺認識，因此出現數次經濟不穩，直到張江凌改革先稍有改善
漢人對土地情懷熱衷，對資本亦以儲蓄為主，資金沒有流動，以致社會經濟停頓

雖然明軍火器先進，而且一直有發展，但一來明朝對工人對待差，監工不力，以致明軍火炮質量不佳
二來軍事改革一直基於財力未能大規模應用。最佳例子就係中日朝鮮之役，明軍參戰主為李成梁部隊，火器極多。
整埸戰爭中明軍直接常駐部隊一直不過十萬，但消耗錢財基本上食空大半個明朝

沒有資本流動及原材收集，輕視商業（或指不重收商稅），輕視工業發展，軍隊冗多
當初下西洋時不擴張、不殖民或建立商貿，明朝已經輸左先手

另外對外經商方面，不要忘記中國（特別明清）外貿主要基於朝貢制度，當中貿易並沒有過於多元化，利潤亦不是想像那麼高

一兩件武器先進容易，整個體制進步難。明輔當初沒有走向全世界，沒有改變思想，已是一步錯，步步錯
用返係香港，都一樣
作者: LCH925    時間: 3-10-2017 20:41

引用:
原帖由 mkmonkey 於 3-10-2017 19:00 發表


唔好偷換概念，你問港鐵有無需要接駁去各"新市鎮"，並唔等同有無需要有高鐵去接駁大陸。唔好用"鐵路"一詞黎混淆視聽。

至於高鐵有其他功能，我唔否認，但呢 d 功能係咪有急切需要，甚至係咪有需要，都成疑問。 ...
從來「交通」都係發展的最基本，睇返歷史，每位明君都會首先重視生產，其次改善交通
每當有新的交通技術，人們都會選擇去更新，而不是討論「must have」或「nice to have」的問題，因為答案一早就好清楚

香港，作為技術輸出中心、轉口港、人民幣離岸結算中心，從來都係係中國大陸有一個重要的位置
但既然是一個重要的位置，就更不應該與大陸保持距離，而是硬應該強化交通配套

韓國全國縱深也不知足不足夠500公里，要行的話六個小時都可以行完，但佢地仍然改善自己交通，唔會話因為有腳唔起公路，有公路唔起鐵路，有鐵路唔發展高鐵

你才是不要偷換概念的人，不要以為一時的繁榮等同一世的繁榮，因而可以孤芳自憐，故步自封
遙想當初絲綢之路也是繁極一時的交通道路，結果人地一發現海路仲快仲平，立時改路，絲綢之路由舉足輕重變得可有可無

世界好殘酷，一時跟不上就分分鐘一世跟不上。不要知以為像「改革開放」的奇蹟是一種可以套用的公式，它的再現性非常低，低到到現在亦搵不到第二個有相似成功的例子進行類比。
作者: mkmonkey    時間: 4-10-2017 00:37

到底香港高鐵有無打算運貨，我唔知道。但以就車站結構上黎講，唔見高鐵有貨運起卸區。先假設有吧。

首先，會用高鐵運載貨件，數量及酬載量有多少還成疑問。高鐵運作左咁多年，到底有幾多係用於拉”貨件”？現有的，我知道文件倒不少(如順豐)。但這個已跟一般常規物流業無關，反而應該話只跟速遞行業有關，主力貨件還是依賴一般鐵路而非高鐵。不過，文件對於飛機黎講，呢類貨件根本係微不足道，完全對航空業界無構成任何壓力。飛機 Delay 5 小時？由北京到香港大約 5 小時，加起黎 10 小時？還是比起任何高鐵都要快。國內中短距離 …  本身已有正常火車連接。

如果沒有打算用來做主要貨運渠道，咁之前討論既根本對物流業無任何明顯影響。更不用談什麼物流業界的提升。

強化交通網絡係有必要，但高鐵係咪唯一出路倒是很值得懷疑。除了增加運輸渠道外，簡化現有運輸清關時間亦可大大加快物流所需時間。問題係，大陸方面有無咁做呢？

如果真係有意欲去加強對外交通/物流，為什麼現在中國海關查驗制度既沒改革，甚至變本加勵？之前講過集運並唔係單純作為笑話咁講。如果中國海關無意作出呢方面既改革，貨件依然可以等抽查等半日，等一日，甚至等兩日，任何高速運輸既優點都會被完全抵消。那麼，請問大陸海關係咪已經配合好更新處理模式？至少，到現時呢一刻，我就無聽過大陸海關放寬任何限制。

至於旅客，現在香港是收緊自由行，已經說明內地遊客帶來香港的負荷已遠超一般水平。現在卻說用高鐵吸引更多內地旅客？這不是自相矛盾嗎？

咁高額既投資，但完全不對等既回報/效用，呢類如果唔叫 Nice to have，咁我都唔知應該叫乜。
作者: MG-42    時間: 4-10-2017 02:58

提示: 作者被禁止或刪除 內容自動屏蔽
作者: LCH925    時間: 4-10-2017 04:58

引用:
原帖由 mkmonkey 於 4-10-2017 00:37 發表
到底香港高鐵有無打算運貨，我唔知道。但以就車站結構上黎講，唔見高鐵有貨運起卸區。先假設有吧。

首先，會用高鐵運載貨件，數量及酬載量有多少還成疑問。高鐵運作左咁多年，到底有幾多係用於拉”貨件”？現有的 ...
又是一個「沒遇過小偷所以門鎖無用」的例子
物流當然係其中一個例子，高鐵並不是只有運貨的功能
當然此時提出其他用處，便有迴避問題之嫌，所以還是直接回答好了

高鐵運貨聽上去很不可思議，但大陸現時基本上不時有用，說是常態是誇張，但不等於是再現性低的例子
最簡單不過的例子便是早排光棍節，阿里巴巴直接買了高鐵票運貨

當然常規火車也可以運貨，亦正如閣下所說，是運貨的主力
但另一方面，有了高鐵的疏導，在火車的人流減少了，能夠運貨的火車數量自然就可以相認增加了

關中地區早在先秦便有渭水，何以秦初要開直道、隋朝要開運河？
或者切身一點，既然有了天星小輪，為什麼要起紅隧、東隧、西隧？
不過是運力的問題而已，新的交通取代舊的交通，使地區與地區之間的交流更快更方便

海關問題雖說現時未能避免，但運貨途中的物理時間還是可以節省的
假如說海關檢查雖時兩天，那麼以往火車運輸需時一天是1+2=3
現在高鐵是五小時2+0.2=2.2
簡單的數學題

交通與重工業都是無名功臣，即時是看不到成效的，但不能沒有，也不能不更新
民國人人只辦搵錢的輕工業，結果比人打到狗彩
法國不更新其重工業設備及成果，拎D FT-17出來開片，結果也是比人打到狗彩

並不是說小偷沒來就可以拆掉門鎖的。相反，隨著小偷科技越來越高明，門鎖級數只會越來越高
當然，若是家徒四壁，無半點銀兩，的確可以不裝門鎖。

肉眼上的短視可以用眼鏡解決，精神上的短視就只能用見聞補足

[ 本帖最後由 LCH925 於 4-10-2017 05:05 編輯 ]
作者: ++朗++    時間: 4-10-2017 10:29

引用:
原帖由 mkmonkey 於 4-10-2017 00:37 發表
到底香港高鐵有無打算運貨，我唔知道。但以就車站結構上黎講，唔見高鐵有貨運起卸區。先假設有吧。

首先，會用高鐵運載貨件，數量及酬載量有多少還成疑問。高鐵運作左咁多年，到底有幾多係用於拉”貨件”？現有的 ...
你肯定係扣一兩日關?
周不時公司啲件報哂關都扣我半個月



歡迎光臨 CGF (http://www.wargamehk.com/cgf/) Powered by Discuz! 6.0.0