CGF - Powered by Discuz! Board

標題: [others] 今時今日買AEG電槍好抵 [打印本頁]

作者: jacky2038 時間: 1-5-2019 11:54 標題: 今時今日買AEG電槍好抵

提示: 作者被禁止或刪除內容自動屏蔽

作者: mashymre 時間: 1-5-2019 12:15

因為D師兄覺得AEG係玩具
GBB唔係丫嘛

作者: tf141 時間: 1-5-2019 12:18

正正因為GBB係玩具，所以先有價有市
反而AEG係我眼中只屬工具，當然你可以話人人睇法唔同，但主流大眾係點諗，市場已經俾咗答案

作者: olw0978 時間: 1-5-2019 13:03

在我眼中，不論什麽槍，也不論長或短，只要是落場用來殺敵的都是工具

作者: mashymre 時間: 1-5-2019 13:32

如果你比較番VFC HK416 AEG同GBB
價錢其實又差唔多
平價AEG都係膠身或者國狗
國狗都有平價GBB

作者: olw0978 時間: 1-5-2019 15:33

國狗 GBB 可免則免，否則無 spare parts 配，等於免修即棄，又何苦呢。。。

作者: mkmonkey 時間: 1-5-2019 16:31

引用:

原帖由 olw0978 於 1-5-2019 15:33 發表
國狗 GBB 可免則免，否則無 spare parts 配，等於免修即棄，又何苦呢。。。

用黎做下樣，砌下自 high 下 OK，落場就 ... 唔知打唔打得。

作者: jacky2038 時間: 1-5-2019 16:53

提示: 作者被禁止或刪除內容自動屏蔽

作者: olw0978 時間: 1-5-2019 17:56 標題: 回覆 8# 的帖子

貌似有很多"新人"呀。。。

http://www.wargamehk.com/cgf/viewthread.php?tid=184119

http://www.wargamehk.com/cgf/vie ... page%3D1&page=3

作者: kornhill401 時間: 2-5-2019 11:49

我唔覺得現時AEG好抵.我在'老虎網','中國九'和'卡士army'.見佢地D價錢都唔平.

又'馬老二'D AEG槍,日本紙雖然7算,同一支PSG-1,都比以前的貴差不多一倍.

以上可能係我摸到大象的腳吧.

作者: Dave 時間: 2-5-2019 12:48

引用:

原帖由 tf141 於 1-5-2019 12:18 發表
正正因為GBB係玩具，所以先有價有市
反而AEG係我眼中只屬工具，當然你可以話人人睇法唔同，但主流大眾係點諗，市場已經俾咗答案

價格高不代表認受性高，而是多人參與發售，多競爭者參與開發類同貨品，或是貨量大，自然可以賣得便宜。
精品類或是獨家村可以賣得貴，像GBLS 這種全世界只有他有的產品，哪怕不見得非常吊打市面系統，但亦可賣個萬多二萬元，
市場大不大不知道，銀碼很大就是了。
又或反過來說，新系統MWS GBBR 新出時才2980 HKD ，比市面上大部份新槍都便宜，也不見得沒價沒市。
AEG 有國狗數百元一柄金身，GBBR 也有數百元一柄全鋼，平價市場大家也有，質量暫且不談就是了。
用價格跟認受程度掛鉤恐怕稍嫌主觀。
另外一個讓GBBR 愈來愈貴的原因，說起又是牙痛，就是版權費...今時今日買一柄GBBR ，說3 成保護費恐怕說少了。
以前數百元一柄GBB 手槍，今時今日1300 元是基本，這個升幅跟大部份其他品牌來比較都是來得高。
之前看過一個很顯眼的例子，就是WE 的P90，
新出時2000 還是2100 ，之後出了一個「FN 授權版」，同一支槍多加1000 HKD...就是加了5 成價格，非常痴線。

學子華話齋，屋企食，十蚊，出街食，一百蚊，就是說出街食，就是食十蚊野，再給人家90 元洗碗...
今時今日看著一堆付著昂貴版權費的玩具槍，也有相同感受也。

尚記得數年前在WGY ( 已執 ) 壇時，FAKE 師兄的一席話，
當時一個帖在談版權甲由，FAKE 師兄提及，這種花錢買版權，讓槍支做得更精美的生態，
十年之內也可以撐著GBBR 市場，他沒有談及十年後會如何，但恐怕現在高昂版權費的反噬已是答案。

[ 本帖最後由 Dave 於 2-5-2019 13:00 編輯 ]

作者: tf141 時間: 2-5-2019 13:35

引用:

原帖由 Dave 於 2-5-2019 12:48 發表

價格高不代表認受性高，而是多人參與發售，多競爭者參與開發類同貨品，或是貨量大，自然可以賣得便宜。
精品類或是獨家村可以賣得貴，像GBLS 這種全世界只有他有的產品，哪怕不見得非常吊打市面系統，但亦可賣個 ...

所以我話GBB係有價有市
GBLS果d叫做有價冇市；而現今既傳統AEG已慢慢開始有市冇價

作者: gainax 時間: 2-5-2019 13:47

Aeg啲2手價平到連幾百蚊都買到支馬記,但手槍長火二手價硬到仍有人爭。。港台市場漸漸轉型,花無百日紅畢竟元組aeg系統風光左廿幾年前無古人算十分成功,如果現今世代aeg冇突破表演仍出元組功能產品,冇吸引力價錢走下坡亦好合理。。

作者: 罪與佛 時間: 2-5-2019 19:14

AEG市場玩左多年, R&D費用/ copy廠開生產線之成本早已平衡,市場又多選擇,系統本身又耐用,價格慢慢跌是正常

而樓上都有師兄講,其實外觀精美的AEG價格不輸GBB多少, 而買來把玩不下場的人大多會買GBB(唔好睇少此市場,即使一個每星期落場既gamer,可能落場就一把aeg一把gbb咁大把,但家中掛牆把玩就成張牆紙咁多槍。

作者: mashymre 時間: 2-5-2019 23:06

GBB都唔代表保值
好似我們scar 呢D問題比較多, 我都係賤價先放到

[ 本帖最後由 mashymre 於 2-5-2019 23:09 編輯 ]

作者: 48191 時間: 2-5-2019 23:17

WE設計唔差，款多價平。但材料同耐用性就...
台灣槍嘛⋯⋯台灣人的普遍收入相比香港人是低的，有多選擇又平（所謂便宜又大碗）是非常有市場。買日本貨又膠身，有要求就換金身、哭泣座、某P牌內管乜乜乜已經叫好鬼大花筒。
AEG少人玩咗，某程度上同GBB技術越來越成熟，價錢越來越大眾化（有要求就另計）和相比AEG更有實感，玩時更富戰略性不無關係。小弟玩第一枝長火係馬記FA-MAS同WA M92FS始。經過漫長的打AEG生涯，越打越冇癮。龜、9 Full、鬥一雞唔知幾多飛、意粉激光炮...
直到開始玩GBB，鬥彈多就已經行唔通，9 Full!? 咁可能要帶廿9幾隻匣，慘過擔泥。咁就慢慢發展出戰術式打法，要令到差不多每打一飛都要去計，真實感又大增。
唔係話而家AEG已經不合時宜，Marui始終冇放棄過AEG市場，EBB係一個新開始，只不過有少少生不逢時。但保養上始終比GBB容易，抹抹內管叉叉電已經OK，又有限彈、回膛震動，俾入門師兄弟玩一樣樂趣滿分的。

引用:

原帖由 mashymre 於 2-5-2019 23:06 發表
GBB都唔代表保值
好似我們scar 呢D問題比較多, 我都係賤價先放到

[ 本帖最後由 48191 於 2-5-2019 23:35 編輯 ]

作者: gainax 時間: 3-5-2019 00:06

引用:

原帖由 罪與佛 於 2-5-2019 19:14 發表
AEG市場玩左多年, R&D費用/ copy廠開生產線之成本早已平衡,市場又多選擇,系統本身又耐用,價格慢慢跌是正常

而樓上都有師兄講,其實外觀精美的AEG價格不輸GBB多少, 而買來把玩不下場的人大多會買GBB(唔好睇少此市場 ...

Lzt ak 同 gxk ak同一質量外皮, 但2手價值差得遠
甚至連eml ak外皮做得更靚2手賣千零仍未必易甩手,相反如果見gxk ak2千樓下基本一堆pm,由此可見aeg同gbb市場吸引力差異,

如果純種aeg仲走以前路線,(eg以前吉打幾千蚊只得套kit,砌支馬記全改成皮)係呢個年代咁賣幾難有人津問,但gbb砌一萬幾千大有人在,終歸原始aeg結構已經滿足唔到而家流行gbb個種像真體驗,吸引唔到市場自然要降價提升吸引力其實係好符合銷售政策。。。
掉轉如果有市場有價值既話做老闆會唔會大平賣ip?

清舊貨出新機d上代都唔平得幾多比你

作者: 48191 時間: 3-5-2019 00:10

其實RS同E&L個殼咁靚仔，有冇可能塞套GBB Kit落去？
到時搞枝五六式GBB不是夢⋯⋯

引用:

原帖由 gainax 於 3-5-2019 00:06 發表

Lzt ak 同 gxk ak同一質量外皮, 但2手價值差得遠
甚至連eml ak外皮做得更靚2手賣千零仍未必易甩手,相反如果見gxk ak2千樓下基本一堆pm,由此可見aeg同gbb市場吸引力差異,

如果純種aeg仲走以前路線,(eg以前吉打幾 ...

作者: 天翔翼 時間: 3-5-2019 00:23

引用:

原帖由 48191 於 3-5-2019 00:10 發表
其實RS同E&L個殼咁靚仔，有冇可能塞套GBB Kit落去？
到時搞枝五六式GBB不是夢⋯⋯

結構差N多，學LCT咁整EBB kit都仲有可能，要變GBB恐怕都要好大手筆先搞得起

作者: 48191 時間: 3-5-2019 00:29

但當年方仗都係靠D Boy AK塞GBB Kit起家，咁睇嚟要搞吹啤啤Kit嘅投資額唔細...

引用:

原帖由 天翔翼 於 3-5-2019 00:23 發表

結構差N多，學LCT咁整EBB kit都仲有可能，要變GBB恐怕都要好大手筆先搞得起

作者: gainax 時間: 3-5-2019 00:43

引用:

原帖由 48191 於 3-5-2019 00:10 發表
其實RS同E&L個殼咁靚仔，有冇可能塞套GBB Kit落去？
到時搞枝五六式GBB不是夢⋯⋯

塞gxk 第一代GBB Kit落去仲有可能, 用而家正式gbb系統難度就大

如果馬記同rx/eml合作出ak Z系統就

希望在明天

作者: 48191 時間: 3-5-2019 01:11

.......
咁真係一個夢......

引用:

原帖由 gainax 於 3-5-2019 00:43 發表

塞gxk 第一代GBB Kit落去仲有可能, 用而家正式gbb系統難度就大如果馬記同rx/eml合作出ak Z系統就
希望在明天

作者: gainax 時間: 3-5-2019 01:43

引用:

原帖由 48191 於 2-5-2019 23:17 發表
WE設計唔差，款多價平。但材料同耐用性就...
台灣槍嘛⋯⋯台灣人的普遍收入相比香港人是低的，有多選擇又平（所謂便宜又大碗）是非常有市場。買日本貨又膠身，有要求就換金身、哭泣座、某P牌內管乜乜乜已 ...

其實馬記都因受市場影響先重點開發出Z系統m4,但會某程度打返自家次代袋市場,
當年出次世袋係受ptvv影響先搞支出黎,但快頻風魔一時最熱潮個幾年時間基本好少人掉錢玩ebb玩意而唔去大改意粉,直至後來wa m4同其後氣動推出帶出全新gbb爽快體驗成功衝擊市場轉型(全開膛,近真數薄身尺寸,真數拆解,大撞擊blowback唔同ebb微型震動,開槍響聲同aeg差異明顯) 就係呢兩個原因次世袋做唔到衝擊市場表現夾住中間,前景閘住左當年先流行唔到, 如果冇gbbr出現快頻大眾玩厭應該到次世袋慢慢取代舊aeg系統同ptvv競爭市場,

至於Gbb係日本非主流原因最大問題係日本要限J局用134a唔夠動能,同成日太低温影響發揮唔到gbb正常表現少左人玩,
而係港台熱到飛起又長期15度以上仍行得順gbb,正正限制少左先令gbb流行發展至今起來變成主流一種,

講真,如果真心鐘意玩槍或會研究背後資料既軍事迷,非單單只喜愛打wargame呢個活動背後對槍同軍事冇興趣,可以講玩過gbb既都好少玩返電,除非真係氣温同圈子局限左選擇,最記得當年砌最後一支aeg搞掂後,首次打過gbbr就後悔點解之前用左咁多時間金錢投入一堆aeg到。。。重新開始幾痛苦

作者: Dave 時間: 3-5-2019 09:56

引用:

原帖由 48191 於 2-5-2019 23:17 發表
WE設計唔差，款多價平。但材料同耐用性就...
台灣槍嘛⋯⋯台灣人的普遍收入相比香港人是低的，有多選擇又平（所謂便宜又大碗）是非常有市場。買日本貨又膠身，有要求就換金身、哭泣座、某P牌內管乜乜乜已 ...

其實問題從來都不在於動力，而是打法，如果GBBR 都可以玩一雞1000 RD ( HPA ) ，一樣會平衡崩潰。
限彈打法其實算是一條出路，成班AEG 一齊玩彈弓匣OR 限三幾百粒一節，一樣可以迫到大家提升戰術和技術

至於馬記根本從來都是主力AEG 市場，相信不是甚麼骨氣，而是統計，
君不見今時今日UTUBER 有時還有些歐美玩家開箱MARUI 膠身槍，或者是舊AEG 或者是HIGH CYCLE ，
G&G 也是靠賣歐美發達的，可見對許多台仔港仔來說一定要有的要求 ( 金身像真乜乜），套用在全世界可能會有點不盡相同。

[ 本帖最後由 Dave 於 3-5-2019 10:29 編輯 ]

作者: Dave 時間: 3-5-2019 10:17

引用:

原帖由 gainax 於 3-5-2019 01:43 發表

其實馬記都因受市場影響先重點開發出Z系統m4,但會某程度打返自家次代袋市場,
當年出次世袋係受ptvv影響先搞支出黎,但快頻風魔一時最熱潮個幾年時間基本好少人掉錢玩ebb玩意而唔去大改意粉,直至後來wa m4同其後氣動 ...

G 兄呢句「轉型」由WGY 講起都六、七年了，很可惜AEG 仍然沒被取代，但希望在明天，等下吧，TESLA 都認為電動車才是新世界的方向云云...
至於甚麼GBB 砌萬幾蚊的大有人在，除了全鋼精品槍和比賽槍外，在下記得就是明搶門口那柄MWS 膽改KIT ，萬二還是萬四，在下身邊真是有人買了...
WE 還有一柄M14 EBR 可以改到天價，V 記改到萬元的GBBR G 兄可以舉舉例子。
順帶一題，PTW 基本價格隨便都過萬了，玩真品裝身數萬待閒事，一樣是行電一樣沒有像真內購，確實不明白G 兄「GBB 因為像真所以大家願意花錢改」的理據。
MWS 內購非常假，但改起來的價格恐怕在現行GBBR 系統中算數一數二貴，因為對許多人來說一柄高性能低像真的玩具比起外觀優異內部靈異的視覺GBBR 更有花錢的價值。

至於次世代的定位是取代舊世代膠身AEG，不是攻打PTW 或GBBR ，
PTW 比次世代出生得早，行的是真數，快反應，真操作，電子雞，快拆BOLT 等，
很抱歉次世代基本上一樣都沒有學，而是玩AEG 系統+ 震震槍加少少像真操作 ( 無彈斷電按球拍 )，
用次世代去打PTW 這個推斷恐怕是腦洞了些。

日本仔從來都是一副 WHO F CARE 的態度做玩具，大家都爭GBBR 市場時他去攪次世代，
到大家都認為GBBR 市場已經飽和時他在參一腳還要直接吊打市面上9 成 GBBR 性能，
無論多憎TM 也好，不得不否認日本仔的產品就是黑科技。
至於打自己次世代市場又是想多了，次世代2007 年左右出現都十多年了，
有興趣次世代的都買了，覺得GBBR 好玩過次世代的也走去玩GBBR了，
相隔近十年( 2015 年11 月 ) 才出支MWS 對自家已站穩十年的次世代來說影響有限。
最被搶的應該是喜歡GBBR 但又對性能有要求的玩家群，還有歐美市場天寒地凍134A 還可以FULL AUTO ，
別忘了世界不是只有東南亞，歐美市場是非常龐大，槍界業內有句話說只靠賣香港台灣兩地的話真是食得X 了，想風山水起一定是靠歐美地區。

[ 本帖最後由 Dave 於 3-5-2019 10:23 編輯 ]

作者: 48191 時間: 3-5-2019 11:17

Me too...

引用:

原帖由 gainax 於 3-5-2019 01:43 發表

其實馬記都因受市場影響先重點開發出Z系統m4,但會某程度打返自家次代袋市場,
當年出次世袋係受ptvv影響先搞支出黎,但快頻風魔一時最熱潮個幾年時間基本好少人掉錢玩ebb玩意而唔去大改意粉,直至後來wa m4同其後氣動 ...

作者: 罪與佛 時間: 3-5-2019 12:15

歐美市場玩GBB既考慮會變更多
比如天氣太凍打唔爽
Gas貴(港台的gas價格十分經濟)
Outdoor要求玩家打bio彈(要知道GBB成日撞爆不夠硬身的彈)
地大,令每個州/地區玩家基數細,而開不了GBB game限彈game之類

就算係亞洲,匣平,耐用,保養容易亦可保留到aeg用家(但同時,耐用又會減少市場對新槍既需求,想像下你買一支AEG打限彈game,一星期打1000,2000發,好有可能你打足幾年連小修都不用,但GBB很難)

作者: 天翔翼 時間: 3-5-2019 16:28

Airsoft好靠歐美市場呢句真
識人CA到做，每年賣去美國果個量真係大到不得了，港台個量基本上冇得比

歐美玩家要玩Gas Blow Back一係HPA一係CO2
一嚟Green Gas貴，香港買罐Green Gas係平到不得了，但美國買罐Green Gas就鬼咁貴
而且12kg氣香港冬天打有時都唔一定清匣，鬼佬冬天就更加唔駛提，有時更係凍到連電槍舊電都收埋皮
所以多數都要打CO2或者隊罐HPA上去，天氣凍啲都仲打到無問題

但因為運作原理天生問題，鬼佬頂多係把手槍果啲會用GBB(而且最起碼一定要原裝或者改左頂得順CO2)
落場主槍基本上係AEG，連EBB都好少見，都係可靠性重於好玩同像真

作者: gainax 時間: 4-5-2019 01:03

引用:

原帖由 Dave 於 3-5-2019 10:17 發表

G 兄呢句「轉型」由WGY 講起都六、七年了，很可惜AEG 仍然沒被取代，但希望在明天，等下吧，TESLA 都認為電動車才是新世界的方向云云...
至於甚麼GBB 砌萬幾蚊的大有人在，除了全鋼精品槍和比賽槍外，在下記得就 ...

其實我冇up過gbb會取代aeg唔好誤會

轉型係指市場風氣,連馬記都比gbb市場影響到要插旗玩埋一份想做一哥, 有留意馬記設計既gbbr完全唔同aeg轉做次世袋咁簡單,
重新由設計開發電轉氣動完全唔同結構要成功係要幾大開發難度?重點係馬記為左想係gbb市場佔重量角色,推出首支推出mws加入全新前無古人Z系統同量產些啦曲重度投資開發係以前完全冇發生過,
正式第二支國民槍做埋3連發咁有誠意唔會係所謂有d次世袋斷彈都冇混水摸魚。。。

,如果馬記認為gbb冇市場/市場細都唔會哂咁大投資出手係已經有咁大競爭既gbb市場,自己繼續出多d次世袋同aeg加aep賺大錢唔好? 有幾多牌子係同馬記一樣做開電又加入玩埋一分甚至有新牌子出現專出gbb槍&件? 淨係gas已經比以前唔流行個陣多左十款8款選擇,唔係得猛將同紅氣,其實事實擺係眼前慢慢轉型,gbbr帶動既衝擊影響連打法都比以前大改變,唔敢話gbb會取代aeg,應該話冇可能百貨應百客,但只up現時gbb事實係令唔少玩開aeg玩家轉會同時吸納新人加入,而市場風氣事實討論gbb>aeg,二手價值gbb>aeg,旗艦新產品/配件 gbb>aeg,得出結論市場風氣流行叉氣好合道理冇需要再拗掛?

至於投資幾銀去支玩具到係每個人自由喜好,只可以up可以唔參考市場價值用好多銀繼續砌aeg好gbb又好,但唔好話冇良心提醒,唔玩個日d 砌到貴一貴aeg想賣返好價錢先後悔冇人吼。。。
另外ptvv係出先過次世袋, 明眼人知馬記係人地出完見有市場先自己出,咁次世袋為乜原因出就見仁見智了

作者: Dave 時間: 4-5-2019 01:36

引用:

原帖由 gainax 於 4-5-2019 01:03 發表

其實我冇up過gbb會取代aeg唔好誤會轉型係指市場風氣,連馬記都比gbb市場影響到要插旗玩埋一份想做一哥, 有留意馬記設計既gbbr完全唔同aeg轉做次世袋咁簡單,
重新由設計開發電轉氣動完全唔同結構要成功係要幾大 ...

或者G 兄唔明白「轉型」二字本身就是有「新類型興起，舊類型衰落」的意思，
說轉型但又說兩頭大百貨應百客，令人難以索解。
毫無疑問現今gbbr 是近十年興起最快的airsoft 類別，
十年前都有，但與起是這十年的事，幾乎都是台仔天下，但十年來真正「新手用gbbr」寥寥可數，g5 算是比較多人用的5.56 款。
另外有mp7 ksc/marui, kc 02 等...
正當一眾FORUM 都高舉「不懂修理GBBR 不要玩」之偉論時，馬記二話不說掟出一柄MWS 示範一下甚麼叫做原裝高性能，
現在如果要推介真正無痛落場新手GBBR ，不用在下多口，自行去查看也知一眾師兄在推介哪一款。
GBB 步槍在下也是早期便在玩，第一代V 記G36，G&P 磨到HI KIT 等，直至今日也有在玩，
但事實上當熟知GBBR 運作後，便知有其界限，基本上除非有一日黑科技有一種不會凍的GAS 作動力，否則性能面上永遠追不上電動槍的實用性。
性能面追不上可轉談心態，甚麼只求操作像真不求嬴輸射人云云，但不在此討論。

至於討論區討論gbbr 多於aeg ，亦要看討論的是甚麼，災情修理文都算是「討論」的話，一定是gbbr 嬴很多條街。
至於保值，玩具本身就是不保值的東西，配件類不太清楚因為在下不喜歡買配件裝身，
但某品牌旗艦級產品沙色416a5 出街半年，新品差不多36xx 轉眼有人賣2400 連兩匣，身邊有友人買了而且非常新淨，
還未計一出迎VERSION 之後舊版立刻值崩，哪怕新版可能只是改了幾粒零件，不知又有多保值了...

另外ptw recoil kit 是2011 年的產物，ptw 初版 2004 年左右，次世代 m4 2007 年左右，
說次世代抄ptw recoil model 真是服了...

在下認同GBBR 是一門很有趣的玩具項目，也有拿GBBR 落場玩，在匣重彈少的條件下是對操作有較高要求，
但性能面來說始終有限制，凍匣已是一個沒有解的死穴，輕則一熱一冷打不準，重則JAM 槍噴水，這些也是不能無視的事實，
就算MARUI MWS 曬太陽前後，遠距離著彈位置都有一定分別，叫做細一點而已。
另外有樣事情不太明白，就是有些人認為玩GBBR 後不會玩電槍，甚至妖魔化電槍，彷彿一拿電槍上手會自動無品，一拿GBBR 上手會技術提升一般，
事實上許多人是同時擁有氣動跟電動槍，家中位置多一點甚至再加一柄狙擊幾支留彈炮，亦無不可。
熱愛GBB 玩法是可以，但最好不要太宗教味道就好。

[ 本帖最後由 Dave 於 4-5-2019 02:07 編輯 ]

作者: gainax 時間: 4-5-2019 11:32

引用:

原帖由 Dave 於 4-5-2019 01:36 發表

或者G 兄唔明白「轉型」二字本身就是有「新類型興起，舊類型衰落」的意思，
說轉型但又說兩頭大百貨應百客，令人難以索解。
毫無疑問現今gbbr 是近十年興起最快的airsoft 類別，
十年前都有，但與起是這十年的 ...

廠商就係牆頭草邊期興乜就一堆廠做,只舉日本品牌例子,ksz做完mp7之後又到馬記做,馬記出完次世袋又到kfz加入,m870又一樣,田中出完像真版870當年大賣到停產後仍炒價,見有市場價值apx首出跳殻大賣又突然dn870彈出,各品牌gbb m4出左幾年賣到一街係馬記又插旗,廠商就係最留意市場走勢,如果冇吸金力試做完一水賺左頭淡湯後(或第一水都難清貨)九成潛水,

其實成日討論aeg同gbb唔是話要分高低,兩樣唔同賣點產品固然百貨應百客,外國市場aeg>>>gbb,因外國玩家好多可以容易接觸+合法擁有真鐵,滿足哂真鐵慾望自然唔需要係支玩具到寄情落去以實用性行先,但港台日呢d難以接觸+合法擁有,就要靠係玩具到體驗,所以係有好多軍事迷槍械迷買支槍返黎未玩過,已經準備大花金錢換真件換木件,膠身換膠身金身換金身做色做刻字呢d冇實際功能既消費,
正因gbbr成功衝擊市場令大眾關注像真度,乜原來玩具槍都可以咁疑真體驗+一班人像真打法係咁好玩,
呢廿幾年玩開aeg玩家有冇諗過玩具都有出鍛造槍身既一日?唔好話咁高階,aeg 年代cnc身基本好少見亦冇咩人願意幾千蚊買個cnc身裝去aeg到扮靚,個個年代好多人膠身馬記都照落場,重點花既錢只求大改入面唔太重視外皮除非好似有搖頭斷耳問題先局住換外皮,而家gbb的鍛造/cnc槍身一街係手槍乜乜cnc架一堆廠做,但明明有唔少已經用金屬做無壞之下仲係一班人去改,可能係市場風氣帶動人改我改,亦可能係好多玩家已玩厭aeg畢竟已有近30年暦吏,
有更大趣味既gbb結構選擇出現先願意洗錢打造更靚仔外觀,加上追求更像真同射擊操作爽度,
觀望而家市場走勢就係咁了,aeg重複左咁多年冇係仿真設計到有突破進展其實真是你唔厭我都厭(ptvv有突破改變所以仍然有一班支持者咁貴都玩,計返近年真係只有天價開膛個支先算係革命性aeg)。。。
或者未來gbb比全新設計更接近像真feel既平民價格電槍取代,
只可以up早玩早享受,好多人鐘意打wargame原因都係因為可以仿照真實戰場有打仗體驗,gbb正因完全食正條水到先流行至今,正常走勢wargame運動係應該有技巧有團隊合作有先好玩,而唔係一味掃同山頭互射鬥camp,不論繼續玩aeg定轉gbb市場風氣開始轉型係好事, 如果認真想體驗真實感,加入gbb感受更多樂趣

而家出左馬記Z系統已經冇以前唔穩定氣化差而又貴又易壞支歌仔唱了,
視符有冇興趣轉而己

作者: tinyau1134 時間: 4-5-2019 12:34

一啲都唔覺依家啲電槍/GBB抵買。

甚至覺得貴。

作者: RCman 時間: 4-5-2019 12:39

引用:

原帖由 tinyau1134 於 4-5-2019 12:34 發表
一啲都唔覺依家啲電槍/GBB抵買。

甚至覺得貴。

其實依傢所有玩具都貴，
一隻6寸高Marvel 膠公仔賣過千都大把人搶。
我覺得二三十寸氣鎗仲有金屬賣二三千真係幾平

作者: gainax 時間: 4-5-2019 13:37

引用:

原帖由 tinyau1134 於 4-5-2019 12:34 發表
一啲都唔覺依家啲電槍/GBB抵買。

甚至覺得貴。

要睇下支槍值唔值,千零蚊買到豬p啲oldschool m16a1 xm177 aeg金身一體管外觀ok可收藏又落場我覺得值,因砌支馬記幾千走唔甩仲要買返豬P件改

買支大蛇隨時一萬幾千,我們加刻字同colt灰又3,4千冇走雞,比著我而家係學生年代玩aeg經濟d。。

作者: gainax 時間: 4-5-2019 13:42

引用:

原帖由 RCman 於 4-5-2019 12:39 發表

其實依傢所有玩具都貴，
一隻6寸高Marvel 膠公仔賣過千都大把人搶。
我覺得二三十寸氣鎗仲有金屬賣二三千真係幾平

咁計唔洗玩模型了,買盒Mg高達比人全隻做+噴油2,3千冇走雞
膠公仔一買即玩已算平

作者: Dave 時間: 4-5-2019 14:34

引用:

原帖由 gainax 於 4-5-2019 11:32 發表

廠商就係牆頭草邊期興乜就一堆廠做,只舉日本品牌例子,ksz做完mp7之後又到馬記做,馬記出完次世袋又到kfz加入,m870又一樣,田中出完像真版870當年大賣到停產後仍炒價,見有市場價值apx首出跳殻大賣又突然dn870彈 ...

在下當年就是膠身marui m4 玩起，當時風氣肯肯定不是膠身照用，十個有九個都是新槍換金身，
就像今時今日的marui 手槍一般，三軍搬之前個死角位大量史前產品，馬記金身放滿一櫃。
最常見配搭是改金身改力就打，反而內管跟HOP 沒那麼講究。

當時很多時說「金身」已經大家自動興奮，就好像今時今日說CNC MADE 一般，
事實上不是說今時今日大家有要求才CNC ，而是CNC 今時今日真是不值錢，
一套鋁合金滑架模具三、四萬元港紙有了 ( 未計小零件 )，一條滑架連打磨拋光陽極上色不用一百蚊，
CNC 是看需要而用，也是加個十元八塊每件，整個產品連包裝造價不用一百人仔 ( 模具未計 )，
當然條數準不準後話，但今時今日全電腦化，要數準真是比以前簡單多了。
相同技術十年前十年後的價格是天同地比，君不見ARES 年代已經大量使用CNC，今時今日馬記槍條骨都是CNC 製作，
可見CNC 與否不是因為AEG 定GBB 決定，而是時代不同了。

比較認同G 兄的一句是百貨應百客，
GBB 市場興起是好事，起碼多一樣野玩，GBLS 出現是好事，但成皮幾野一支是壞事，
在下很有興趣但不願花這個錢，GBLS 如果5 K 以下在下一定是即買即玩即拆再開箱文簡介，但初出時貼近二萬，現在也是一萬二千...貴也。

談回GBBR ，真正談得上無痛落場元祖級應該是G5 ，後來者是MWS 而且M4 槍款更有賣點。
偶然也跟GBB ONLY 友人談及，對方也有相同看法，就是有些品牌的GBB 外觀真是一流，如果內部性能都好，也不要說跟MARUI 比肩，
只需要原裝爽順直，沒有大BUG 不會自爆，相信彼此家中家中都有一堆GBBR 作收藏，有興趣就拿落場玩一下爽爽也是有趣。
然而這些年來，許多時GBBR 買回家不是第一時間玩，而是第一時間整... 在下家中都有一堆根本下不了場的GBBR，
( 有時聽著一些玩家說VER 1 係差D 而家VER 2 好好多要追上時代云云又是激死，在下真金白銀買的VER 1 難道不是錢嗎？ )
要不連射不順，要不各種各樣小問題，要不打幾打漏氣爆件...而且如果懶得整，隔一段時間又出VER 2 ，
在下那柄417 第一版現在賣出去2000 元也不知有沒有( 見過有人賣第一版2100 兩匣 ... ) ，
非常淚目。
有時看著MARUI MWS 將整體要求拉高是可喜的，不是說MARUI 威威最開心，
而是以前間間廠都咁上下性能，打得出便算，之後出現了這樣的一柄原裝準直順的 GBBR ，玩家心理要求就會高了，
要求高了便會逼使廠商正視自身性能面的不足，對槍廠來說是難題，但對玩家來說是福音。

[ 本帖最後由 Dave 於 4-5-2019 14:39 編輯 ]

作者: gainax 時間: 4-5-2019 19:14

引用:

原帖由 Dave 於 4-5-2019 14:34 發表

在下當年就是膠身marui m4 玩起，當時風氣肯肯定不是膠身照用，十個有九個都是新槍換金身，
就像今時今日的marui 手槍一般，三軍搬之前個死角位大量史前產品，馬記金身放滿一櫃。
最常見配搭是改金身改力就打， ...

其實想經濟d落場玩返aeg都可以了,而家二手定全新好多aeg都抵執,
再唔係次世袋M4同416間中見過千幾兩千有set,執支過下手癮玩厭放返去唔蝕好多,而家電槍真係一兩支夠哂,gbb多野玩如果銀彈夠買下砌下隨時一屋係

作者: 車厘子 時間: 4-5-2019 19:55

而家係唔係都cnc
好老實講cnc 唔係咩新奇野，
而且未必cnc就係好野
街最易見應該係cnc蔗渣鋁
原料cnc 已好小見了

作者: 新手一隻 時間: 4-5-2019 20:20

提示: 作者被禁止或刪除內容自動屏蔽

作者: jacky2038 時間: 5-5-2019 02:21

提示: 作者被禁止或刪除內容自動屏蔽

作者: marco91919 時間: 6-5-2019 03:29

得罪講句靠亞洲地區鎗廠一早收左皮
外國一早需求大好多
淨睇香港既價格根本唔代表D咩((未計不斷咁流失長期打驚既人
君未見外國像真派打milsim 會比較多GBB
要公平都係彈匣限彈從來都係得華人乜乜77
公平唔公平 GBB勁D AEG係波箱加個殼 HPA屈哂機打GBB就代表技術好手拉就係神人向天拜 AEG一定係掃草

得罪講句 who cares我地香港點玩

作者: jackijackijacky 時間: 11-7-2019 10:00

AEG 樣式多想當模型儲一流同埋而家好平
而且fine tune 的 AEG 通常比 GBBR 穩定, 除了像真操作
GBBR 沒有太多選擇,與手槍一樣,只有Marui出的GBB是穩定,高性能之選

在下向來追求穩定和性能, GBB手槍和GBBR是用Marui, AEG大約玩 Ver3,Ver2 gearbox,拎去執順,AEG很耐打

[ 本帖最後由 jackijackijacky 於 11-7-2019 10:04 編輯 ]

歡迎光臨 CGF (http://www.wargamehk.com/cgf/)