CGF - Powered by Discuz! Board

標題: [DIY] 請問各ching移民英國情況 [打印本頁]

作者: dogjumpjump 時間: 5-7-2021 17:20 標題: 請問各ching移民英國情況

繼上次討論

http://www.wargamehk.com/cgf/viewthread.php?tid=189937&page=2

想問下有冇到咗英國的ching, 你地D 玩具槍運到去未??
因為上之討論過, 英國要有license先可正常購買, 否則要50%+噴橙色.

有冇人會方便D, 噴佢地一齊走, 到有合法牌照再自行還原

作者: dogjumpjump 時間: 7-7-2021 11:42

另外我都有諗. 會唔會香港有一D 做開網購的槍店. 有寄英國的經驗
可以搵佢地承包下運玩具的服務

我諗呢個生意真係會越來越多

作者: kornhill401 時間: 7-7-2021 12:53

我就建議樓主C兄,先過去果度,睇下是否適應當地生活.
才作以後的打算.假設必要回港時,唔使為D玩具槍而煩惱.
至於果D玩具槍,暫時放在朋友或適當的地方先.

作者: derp 時間: 7-7-2021 13:30 標題: 回覆 2# 的帖子

食字。

[ 本帖最後由 derp 於 7-7-2021 13:31 編輯 ]

作者: derp 時間: 7-7-2021 13:31 標題: 回覆 2# 的帖子

我個情況唔太關事，唔係去英國。但係似乎同屋企野一齊一個櫃寄會平過同安全過搵人特登寄過去？而且一個櫃自己好過你搵人三唔識七咁寄埋一齊加咗唔知咩俾人扣起你都頭痕。我搵台灣嗰邊既櫃都似乎要成個月先去到，我諗英國可能會重耐d。報關當然報返你啲玩具喺入面，同埋你要肯定唔係真鏡之類。然後肯定你d野符合英國法例就應該可以就咁過去。同埋依家暑假係難搵櫃啲。

我都係睇啲移民谷搵呢d資料，呢度大部分師兄一係靜靜雞做，一係就叫你唔好移民去做二等公民（呀sorry, 用香港地區最高領導人講法叫逃犯），真係答到你想搵既問題既師兄應該唔太多。如果我係錯我當然開心，始終呢個離別，不論自身政治立場，全香港人總要面對，身邊一定會識得人走或準備走。都要務實咁諗點樣去做或者面對。

我原本諗住8 月尾走，但係俾工作卡住要搞到最快都10 月。我打算個零月前搵地方寄倉寄到有櫃先上櫃咁做。

唔知會唔會少少幫到你。

[ 本帖最後由 derp 於 7-7-2021 13:43 編輯 ]

作者: dogjumpjump 時間: 7-7-2021 13:50

引用:

原帖由 derp 於 7-7-2021 13:31 發表
我個情況唔太關事，唔係去英國。但係似乎同屋企野一齊一個櫃寄會平過同安全過搵人特登寄過去？而且一個櫃自己好過你搵人三唔識七咁寄埋一齊加咗唔知咩俾人扣起你都頭痕。我搵台灣嗰邊既櫃都似乎要成個月 ...

THX 師兄, 都睇過, 英國係麻煩D 都未叫無可能
越來越多人走, 呢度都應該係咁

作者: derp 時間: 7-7-2021 14:08

睇返第一個PO 原來個PO 樓主唔係樓主你. 我諗你可能PM 個位師兄會清楚D. 可能你準備得重快過佢

作者: dogjumpjump 時間: 7-7-2021 18:18

引用:

原帖由 derp 於 7-7-2021 14:08 發表
睇返第一個PO 原來個PO 樓主唔係樓主你. 我諗你可能PM 個位師兄會清楚D. 可能你準備得重快過佢

咁又係WOR THX

作者: bennytsang16 時間: 7-7-2021 22:31

最近行過鰂魚涌某槍店，見到多左好多二手靚槍放售，原來係近一年來多左師兄移民，所以才割愛放售。

作者: dogjumpjump 時間: 8-7-2021 10:36

引用:

原帖由 bennytsang16 於 7-7-2021 22:31 發表
最近行過鰂魚涌某槍店，見到多左好多二手靚槍放售，原來係近一年來多左師兄移民，所以才割愛放售。

運過去真係困難, 如果去澳州真係唔洗諗. 佢地係100%禁airsoft, 美國都好煩, 怕真假難分

我都見有支FPR全龬APS870放...

作者: kornhill401 時間: 8-7-2021 11:59

引用:

原帖由 bennytsang16 於 7-7-2021 22:31 發表
最近行過鰂魚涌某槍店，見到多左好多二手靚槍放售，原來係近一年來多左師兄移民，所以才割愛放售。

上星期入去,見到佢地上放左好多舊玩具槍盒,
仲以為佢將會攪什麼???大減價tim.

作者: bennytsang16 時間: 8-7-2021 13:18

有d槍店老闆言詞間都似乎透露想移民，遲d都唔知仲有無得行槍店……

作者: derp 時間: 8-7-2021 18:25 標題: 回覆 12# 的帖子

咁又唔使咁灰心既. 其實就算係咪因為大時代環境都真係少左人玩. 就算未到2014 年前都已經講緊登打士街已經開始變食街, 又做自由行又盛. 亦同時因為多人開始唔鍾意出去周身汗呀、老玩家態度呀之類都係一個令少左人玩既原因. 但同時其實好多又開始做網店, 甚至只做網店. 除非你話享受同店員吹水既樂趣, 如果唔係網店都係一個幾好既選擇, 又某D 店鋪態度真係唔係好得, 唔使真係下下買野都好似得罪人咁.

同埋, 依家就算唔係AIRSOFT, 其實有D 1:2 或者1:6 槍模型都做得好像真好靚, 例如支STEN GUN 我都有少少心郁想買.

作者: 暈又暈 時間: 9-7-2021 08:22

引用:

原帖由 derp 於 7-7-2021 13:31 發表
一係就叫你唔好移民去做二等公民（呀sorry, 用香港地區最高領導人講法叫逃犯）

請提供資料來源

作者: derp 時間: 9-7-2021 08:33

請閣下自行百度一下

Ps: 好滾動原來師兄你唔係話一睇就知我立場唔使睇哦

[ 本帖最後由 derp 於 9-7-2021 08:45 編輯 ]

作者: Dave 時間: 9-7-2021 09:29

引用:

原帖由 bennytsang16 於 8-7-2021 13:18 發表
有d槍店老闆言詞間都似乎透露想移民，遲d都唔知仲有無得行槍店……

身邊直系親屬早就有在安排移民 ( AFTER 2019 ) ，但現在疫情關係各種延遲。
主觀認為真的有能力走，打算走，甚至準備走的人，很少會很高調，自己找資料安排好甚至文件都做好才開始跟別人略略提起的多。
整天說前景不明XX 已死的似乎都沒甚麼能力走，但不滿是有的。
移民英美加的資格方面在下沒有查，但一個資格卻是必需的，就是錢。
身邊一位朋友已移民台灣數年，當年拿著300~400 萬HKD 去，初時過得不錯，差不多不用做，接接FREE LANCE ( PROGRAMMER )，太太開間雜貨店當老闆娘，好不寫意。
但台灣經濟似乎不見得太好，現在朋友都出來打工，雜貨店仍在。友人也說台灣的市道很「唔得」。
至於直系親屬估計準備比近一千萬去吧 ( 兩層物業套現和本身兩公婆月入也有六萬餘 )，經濟持久力應該比較好。
有時別人走，是自己的事，別人留，是自己的事，在下很少會假設走的就是「逃FAN」，留的就是「港G」，這都是個人自由。

至於槍店麻，其實一雞死一雞鳴，槍街也多了間GUN 犘，有利可圖的自然有人做，誰是老闆沒關係的。
而網店雖然占不少生意，但主觀認為實體店也有存在價值，最低限度嬴了「可看實物」，始終不是TAOBAO 玩具幾十元一件爛了即丟，
玩具槍隨便都過千了，正如在下很少會在TAOBAO 買過千元貨，這些相對高價的始終是能看實物會安心一點。

作者: dogjumpjump 時間: 9-7-2021 11:26 標題: 回覆 16# 的帖子

講真, 香港玩具槍店唔會怕無人玩, 只係怕政策..
無人知將來會限到點, 但燶味已開始聞到..

可能會有人話有冇咁誇... 但兩年前你同佢講今日香港變成咁.佢都可以話你發緊惡夢...

作者: derp 時間: 9-7-2021 11:55 標題: 回覆 16# 的帖子

多謝DAVE 師兄你既提點. 其實好難有太多開心見誠, 唔去評價他人移民動機地去提移民一回事. 正如之前所講, 身邊移民或自身正準備移民既一定會識有人, 亦都係現實中好多都會靜靜雞已經做緊. 亦正正係咁先要攤開黎講點樣去面對自己或者親朋好友移民. 雖然DAVE 師兄講既野我未必會次次都認同, 而講真係今日既世界, 立場可以大過好多野, 因而兩邊立場(但不只限政治)既人可以完全不相往來. 例如最近又紅返既EVA 系列動畫, 香粉同綾粉一樣係拗左廿年. 但係你提到移民涉及風險, 特別係金錢上, 或者生活是否可以保持一定質素 (雖然質素非常主觀係自己喜好), 絕對係. 始終係一個新既地方, 咪話一個新既國家, 就算只係去一個新既工作環境、新既居住地方, 亦都會有機會適應唔到. 而每一個國家政府接受移民無可能唔諗利益問題. 錢, 一定要有. 移民個個人更加要有, 去到人地國家都要有, 最起碼生活上既基本需要. 再去到後面話係咪要保持到好似香港或者好過香港, 就要首先問下點解要移民. 如果只係為左物質上生活好D, 香港人均GDP 全世界數一數二, 人工中位數亦唔係真係太多國家可以高得過佢, 如果要好D 既金錢收入似乎真係行錯路. -- 唔只係朋友, 甚至移民谷都一路講緊第度點點點. 只講台灣, 雖然有一個好大既聲音講佢點好點好, 但係背後弱弱的聲音就係講緊佢移民政策係點樣口惠而實不至、點樣搵笨之類. 就正如玩玩具要爬文, 移民都係要做清楚自己既研究, 對自己身邊有關係既人負責既選擇啦.

[ 本帖最後由 derp 於 9-7-2021 12:28 編輯 ]

作者: dogjumpjump 時間: 9-7-2021 12:01 標題: 回覆 18# 的帖子

其實, 今次同平時一般移民好唔同,  D朋友走, 唔係為咗有更好生活,  而係為咗避難多D,
我諗一定有人唔認同, 香港咁好走乜鬼., 只係佢地唔明走果D人心態..  走果D人都唔會明點解佢地覺得咁愉快
道不同不相為謀, 都無謂亙相指責...

正如劉兆佳講, 你唔認同, 走係最好  ---- 此地不留人, 自有留人處

離晒題, 都係講返D寶物點處理啦.

[ 本帖最後由 dogjumpjump 於 9-7-2021 12:03 編輯 ]

作者: fatchan 時間: 9-7-2021 14:13 標題: 如果真係決定走就賣晒算啦

過到去都未必識到人玩game

作者: derp 時間: 9-7-2021 14:22 標題: 回覆 20# 的帖子

其實係架, 如果唔係D 槍搵唔返, 絕晒版, 分分鐘賣晒去到重新買過重化算D, 亦都少左報關既麻煩.

講漏左：有d 槍如果有保用或者代理，而又如果係走之前打算買，但係又打算拎去，都要留意個邊未必係同一個商家保用。

[ 本帖最後由 derp 於 9-7-2021 17:09 編輯 ]

作者: cyl198911 時間: 9-7-2021 20:26

hi各位師兄,我想講,我走左啦
人各有志,我覺得依邊好,所以黎,何必指責呢
退一步講,你又阻止到我咩?
至於運野黎,我會係依手羅左UKARA先再搵計,有機會update比大家聽

作者: derp 時間: 9-7-2021 21:03 標題: 回覆 22# 的帖子

加油，祝生活愉快。

編：Sorry 眼殘左。咁真係要等師兄你覆。我都想知d 玩具點樣保存入櫃運會比較好

[ 本帖最後由 derp 於 10-7-2021 01:03 編輯 ]

作者: 48191 時間: 9-7-2021 23:50

反正我都Plan緊賣樓走人，英國又好，台灣又好。總之打到Airsoft未必係一個因素。

作者: kornhill401 時間: 10-7-2021 17:59

引用:

原帖由 cyl198911 於 9-7-2021 20:26 發表
hi各位師兄,我想講,我走左啦
人各有志,我覺得依邊好,所以黎,何必指責呢
退一步講,你又阻止到我咩?
至於運野黎,我會係依手羅左UKARA先再搵計,有機會update比大家聽

恭喜C兄找到理想的地方長住.而又適應當地飲食文化,和天氣.

作者: cyl198911 時間: 11-7-2021 16:05

引用:

原帖由 kornhill401 於 10-7-2021 17:59 發表

恭喜C兄找到理想的地方長住.而又適應當地飲食文化,和天氣.

好彩之前有黎過旅行,而且時間都唔短,加下同老婆兩個人隔離中

作者: dogjumpjump 時間: 12-7-2021 09:45

引用:

原帖由 cyl198911 於 9-7-2021 20:26 發表
hi各位師兄,我想講,我走左啦
人各有志,我覺得依邊好,所以黎,何必指責呢
退一步講,你又阻止到我咩?
至於運野黎,我會係依手羅左UKARA先再搵計,有機會update比大家聽

恭喜晒, 等你再update下最新消息, 相信都好多人plan緊

係啦, 除咗D主菜, 仲有其他裝備都要注意, 由其果D 珍嘢.. 好易中招. 香港無事唔代表果度無事..要查下.

[ 本帖最後由 dogjumpjump 於 12-7-2021 10:21 編輯 ]

作者: alvin155 時間: 13-7-2021 14:59

試過去台灣打game，寄台灣容易啲。只要有.購買單據同完整說明書，火力測試列表就可以

作者: dogjumpjump 時間: 14-7-2021 10:03

引用:

原帖由 alvin155 於 13-7-2021 14:59 發表
試過去台灣打game，寄台灣容易啲。只要有.購買單據同完整說明書，火力測試列表就可以

咁有單有說明書, 火力測試, 呢D真係唔係佪個都有keep... 呢下煩

作者: kornhill401 時間: 14-7-2021 12:36

引用:

原帖由 dogjumpjump 於 14-7-2021 10:03 發表

咁有單有說明書, 火力測試, 呢D真係唔係佪個都有keep... 呢下煩

以前買D單,都係機印出尼.E+都變哂做白紙.
就火力測試,都唔係張張說明書都印有.
再加埋D二手買返尼果D,就9成兩樣都無.
仲有C兄們自己砌果D...都怕...

作者: alvin155 時間: 14-7-2021 15:22

引用:

原帖由 kornhill401 於 14-7-2021 12:36 發表

以前買D單,都係機印出尼.E+都變哂做白紙.
就火力測試,都唔係張張說明書都印有.
再加埋D二手買返尼果D,就9成兩樣都無.
仲有C兄們自己砌果D...都怕...

台灣方面火力測試可以自制，列明温度、氣嘅磅數，幾重珠，出速就得，寫得整齊啲廿槍夠，當然最好就有店家蓋印見證或代測試咁

作者: derp 時間: 14-7-2021 23:31 標題: 回覆 31# 的帖子

sorry 咁想問下呢D 資料係交俾邊個? 如果交係支槍去個陣交定係要我首先俾左11樓先可以開始運? (又如果係既話使唔使相關部門出信要我交件先?) 同埋因為之前搞定居申請個陣要去40 樓做文件驗證. 想問下呢D 說明書、單據個類使唔使又去40 樓做驗證?

[ 本帖最後由 derp 於 14-7-2021 23:33 編輯 ]

作者: dogjumpjump 時間: 15-7-2021 15:09

跟進下英國情況, 以下係最高法例上限
https://www.ukapu.org.uk/resources/guide-to-airsoft/power-limits-and-the-firearms-act/

In England, Wales and Scotland, with the commencement of the Policing and Crime Act 2017, the Firearms Act 1968 has been amended to define maximum power levels that Airsoft replicas are allowed to have.

Exceeding any of these limits could ultimately result in a prison sentence, depending on what has been exceeded.

In Northern Ireland, there is no specific exception for Airsoft – in this locality the maximum is 1J (as in Japan, Italy), although it is the intention of UKAPU and other organisations to resume lobbying/campaigning for a 1.3J/2.5J once the Stormont crisis has been resolved.

[ 本帖最後由 dogjumpjump 於 15-7-2021 15:12 編輯 ]

圖片附件: 螢幕擷取畫面 2021-07-15 151100.jpg (15-7-2021 15:11, 25.55 KB) / 該附件被下載次數 93
http://www.wargamehk.com/cgf/attachment.php?aid=309521

作者: cyl198911 時間: 15-7-2021 23:36

各位師兄,我搵到邊間航空公司會運槍

作者: ronald2047 時間: 18-8-2021 18:19

請教下加拿大airsoft活動及運它過去的情況......

歡迎光臨 CGF (http://www.wargamehk.com/cgf/)