Board logo

標題: [認真] 心入面有條刺，唔講唔舒服... [打印本頁]
作者: 積夫    時間: 11-6-2009 14:57     標題: 心入面有條刺，唔講唔舒服...

其實單野都成個月之前o架喇，不過老闆突然拎返單野出來講，又挑起我條根諗返起件事。先此聲明，我唔係對成個Police Force有不滿，只係想以事論事o者，Force入面o既師兄唔好見怪，一齊討論下...

話說大約一個月前o既一晚凌晨3點幾鐘左右，我同兩個同事巡區，在某茶餐廳放飯，o係食飯途中，見到兩少女、三金毛紋身漢在鄰檯，當中一少女神智迷糊，鼻孔外仍有白色粉末，而且他們的言談間，亦有講及剛剛索完K, 個女仔仲迷緊。

我們觀察了一段時間，最後決定由其中一位同事做好市民，行開打999報警，點知個對答係咁o既（大致上喇，因為我唔係直接對話o個個，係「好市民」同我report返的...）

好市民：唔該，我想報警，我係XXXX見到有個女仔，佢索完K而家神智唔係好清醒，你可唔可以派人來睇下？

電台：你係咪想要救護車呀？係我幫你駁過去比消防o個邊。

好市民：o下？佢索K喎

電台：索K我地唔理o架喎！如果你覺得佢唔舒服，我可以幫你叫救護車來。

好市民：o下？乜索K唔係犯法O既咩？

電台：你有乜證據證明o個o的係毒品？如果你有證據證明佢藏毒，我派警員過來睇下喇...

同事冇再堅持o的咩，只係話佢知有人唔舒服，我地懷疑佢索K，佢派白車又好、警察又好，有人來睇個o靚妹就得喇

***再次鄭重聲明，以上對話唔係一字一句我直接聽到，以係我同事就住事件報告返比我聽時的大致意思及當時電台警員的態度***

我明白呢o的CASE你係要派白車來（我都係擔心個女先報警咋！），但係o個一刻我地得到一個好清楚o既訊息就係：索K, 警察係唔理o既！講真一句，我call得999, 你白車到之後，都會有PC跟手到場跟進contact返報案人的喇！你一句「好，我地而家派人過來處理，而家先幫你接去救護車o個邊先，你話比救護車同事確實位置係邊」，我地真係會非常感謝Police, 但係佢o既態度，令我地呢班日夜o係街頭同o的o靚仔講唔好索K既人，真係一盤冷水照頭淋！索K都唔係犯法，咁我地做咁多野來把鬼？咁Cap134 s8可以廢o左佢喇！問我有咩野證據證明佢藏毒？香港幾時改o左例，要由報案人負責舉證的！

事後我好唔開心，咁同老闆講喇，老闆就話：呢壇野好尷尬，因為係總台o個面o既問題，我最多都係同返地區o既警民關係組反映，但係同地區投訴中央，未必有用，你真係想搞大佢，唯有搵傳媒咋！

咁我繼續唔開心，件事就不了了之喇....

尋日，老闆同我講，話Police已經覆返佢，話「高度重視」呢件事，會搵返當日o既錄音帶來聽，如果係真o既，會「嚴肅處理」....

老老實實，我就唔多信我老闆講o既，事關條友九成都係為o左安撫下我地而老吹，佢份人唔似會咁做，而且用埋晒o的咩「高度重視」、「嚴肅處理」呢o的字眼，更加令人覺得佢只係老作....

Force既師兄們，到底你地有冇咩指引，去處理而家o的o靚仔o靚妹隨街索K既問題的呢？其實真係好想知道，Police將呢o的問題睇得輕定重，咁等我地都知道應該要點做野丫....
作者: 莊家-犯罪無間    時間: 11-6-2009 15:03

「高度重視」、「嚴肅處理」

呢d係官腔用字
作者: 亞延    時間: 11-6-2009 15:16

我試過響銀行中心對出有個幾歲小朋友流鼻血流到成地係根本止唔到.未有人報警,我一時間打999同時教佢呀媽幫佢止血啦
我已經一手血一手渣毛巾琴再夾著支冰水....打到報案中心啲對答都係好無聊.....
銀行中心即係邊度?邊間銀行既中心?地鐵站出口係咩野站?旺角呀大佬咩野站=-=
個細路流血流左幾多,佢可唔可以行去醫院?
火都黎,講到一半有巡警跑過黎即時FRIST AID同時CALL上台,我都費事再同中心講留手提NO.資料收佢線
作者: seals    時間: 11-6-2009 15:36

師兄！

你搞錯哂啦，接 999 call嘅，無一個係警察！

佢係哋係接綫生，叫做PCO !!!

999電話運作是這樣的：

每個總區會有一個電台，

每更會由一個警司及一個督察管理及約十個八個PCO !

就好似一個大寫字樓咁，

內有好多分區電台，可互看對方！

每個分區電台，會有一個Sgt及一個PCO管理

你打999，會由PCO接聽及入電腦，

電腦會將Case彈去該分區，分區Sgt會派行咇去做嘢！
作者: seals    時間: 11-6-2009 15:44

因為有D call被列為非核心工作，是不會派警察到場的！

如 Sick Person ，FAS  意外受傷 及 困電梯等！

好明顯！你單 Case 個 PCO 自作聰明啦，

你投訴得好好，我以前做sgt時，耐唔中會頂台長，

都成日俾佢哋吹到BB聲！

你話佢大聲D，佢都走去SP到投訴你！ ！

[ 本帖最後由 seals 於 11-6-2009 15:51 編輯 ]
作者: 莊家-犯罪無間    時間: 11-6-2009 15:45

引用:
原帖由 seals 於 11-6-2009 15:36 發表
師兄！

你搞錯哂啦，接 999 call嘅，無一個係警察！

佢係哋係接綫生，叫做PCO !!!

999電話運作是這樣的：

每個總區會有一個電台，

每更會由一個警司及一個督察管理及約十個八個PCO ...
.......

唔洗用咁大隻字的
作者: seals    時間: 11-6-2009 15:53

引用:
原帖由 莊家-犯罪無間 於 11-6-2009 15:45 發表

.......

唔洗用咁大隻字的
我有老花！
作者: 亞延    時間: 11-6-2009 15:59

咁照師兄所言佢地係UNDER於邊個部門....警方定係消防同警方分工監督
作者: seals    時間: 11-6-2009 16:02

HKP !!
作者: Hkpolice-Psu    時間: 11-6-2009 16:14

引用:
原帖由 seals 於 11-6-2009 15:36 發表
師兄！

你搞錯哂啦，接 999 call？，無一個係警察！

佢係？係接？生，叫做PCO !!!

999電話運作是這樣的：

每個總區會有一個電台，

每更會由一個警司及一個督察管理及約十個八個PCO ...
咁咪即係警訒呃人
作者: 積夫    時間: 11-6-2009 16:49

SEAL兄，咁我下次遇到o的咁情況，可唔可以同過PCO講：「我覺得你呢個判斷有問題，唔刻你搵你個Sgt過來同我傾！」

BTW, 各位師兄請留意，我最近都覺得出POST/覆POST時Defaut個字型真係太細，睇到我鬥雞！加上我篇野水蛇春咁長，所以都係大隻o的字方便大家睇好，我諗SEAL兄都係咁o者...

阿公，有冇得set大o的個字型呀？
作者: zeta    時間: 11-6-2009 16:50

引用:
原帖由 積夫 於 11-6-2009 16:49 發表
SEAL兄，咁我下次遇到o的咁情況，可唔可以同過PCO講：「我覺得你呢個判斷有問題，唔刻你搵你個Sgt過來同我傾！」

BTW, 各位師兄請留意，我最近都覺得出POST/覆POST時Defaut個字型真係太細，睇到我鬥雞！加上我篇野 ...
不妨試下ctrl + mouse scroll wheel黎較大細
作者: 積夫    時間: 11-6-2009 16:54     標題: 回復 12# 的帖子

咁冇理由我下下都拉大晒成個版面來Zoom in 架....

其實大返少少都好丫，例如default到好似而家右邊比我地揀「小」、「中」、「大」入面o既「大」已經好好多...
作者: starfox    時間: 11-6-2009 17:31

下次同電台講: 果個係你個女喎!
作者: 莊家-犯罪無間    時間: 11-6-2009 17:32

引用:
原帖由 積夫 於 11-6-2009 16:49 發表
SEAL兄，咁我下次遇到o的咁情況，可唔可以同過PCO講：「我覺得你呢個判斷有問題，唔刻你搵你個Sgt過來同我傾！」

BTW, 各位師兄請留意，我最近都覺得出POST/覆POST時Defaut個字型真係太細，睇到我鬥雞！加上我篇野 ...
有細到咩
作者: seals    時間: 11-6-2009 17:36

引用:
原帖由 積夫 於 11-6-2009 16:49 發表
SEAL兄，咁我下次遇到o的咁情況，可唔可以同過PCO講：「我覺得你呢個判斷有問題，唔刻你搵你個Sgt過來同我傾！」

BTW, 各位師兄請留意，我最近都覺得出POST/覆POST時Defaut個字型真係太細，睇到我鬥雞！加上我篇野 ...
接999係無Sgt嘅，你有疑問可以要求找他上司！
作者: seals    時間: 11-6-2009 17:39

引用:
原帖由 Hkpolice-Psu 於 11-6-2009 16:14 發表

咁咪即係警訒呃人
你意思係「警認呃人」？

呃乜人？唔明你意思？
作者: 莊家-犯罪無間    時間: 11-6-2009 17:42

引用:
原帖由 seals 於 11-6-2009 17:39 發表



你意思係「警認呃人」？

呃乜人？唔明你意思？
警訊
作者: 118048    時間: 11-6-2009 17:56

原來係咁既,小弟又學到嘢喇
作者: yiuyiusiu    時間: 11-6-2009 18:16

引用:
原帖由 莊家-犯罪無間 於 11-6-2009 17:42 發表

警訊
有好差人 就實有壞差人 我諗大家都比伙記踢果陣佢地有昤咩態度
好差人自然好啦 但係我未試過有警訊咁既語氣
無論我放工著住西裝好 出街著得串d又好 都係果幾句
你撈咩架 而家去邊到 唔好點呀sir喎 講野好多都係有骨我地就心照
重案組同掃毒就唔同啦....同呢d case佢得有得升職
軍裝同電台多數都係淆份老親 你地有冇聽過pc可以一直做軍裝做到上警司
電台更加理得我地死....
有時真係睇戲都知到 好似"大事件"咁警察要係市民心入面建立形象麻

[ 本帖最後由 yiuyiusiu 於 11-6-2009 18:19 編輯 ]
作者: Hkpolice-Psu    時間: 11-6-2009 18:41

引用:
原帖由 莊家-犯罪無間 於 11-6-2009 17:42 發表

警訊
無錯~用新電話打錯字，sorry sir~

因為想當年睇警訊，我仲記得係有班師姐接call

定係依家剛剛改左制？？
作者: Rager    時間: 11-6-2009 18:52

引用:
原帖由 seals 於 11-6-2009 15:44 發表
因為有D call被列為非核心工作，是不會派警察到場的！

如 Sick Person ，FAS  意外受傷 及 困電梯等！

好明顯！你單 Case 個 PCO 自作聰明啦，

你投訴得好好，我以前做sgt時，耐唔中會頂台長，

都成日俾 ...
Seals師兄你而家係咩喳？
作者: seals    時間: 11-6-2009 19:01

我做「人渣」

[ 本帖最後由 seals 於 11-6-2009 19:14 編輯 ]
作者: tango10    時間: 11-6-2009 19:02

其實我都見過巡警發現不明氣體時, 都是打999去做熱心巿民.
作者: seals    時間: 11-6-2009 19:13

引用:
原帖由 yiuyiusiu 於 11-6-2009 18:16 發表

有好差人 就實有壞差人 我諗大家都比伙記踢果陣佢地有昤咩態度
好差人自然好啦 但係我未試過有警訊咁既語氣
無論我放工著住西裝好 出街著得串d又好 都係果幾句
你撈咩架 而家去邊到 唔好點呀sir喎 講野好 ...
師兄！你可能遇到D不快事，對警察有先入為主，有這看法不出為奇！

但我睇會正面D，D人成人講﹕「做好呢份工」作為口號！

如果諗住一世都無級，就無得好講，要升級就要追求卓越啦！

我2008年區議會都俾咗個「傑出警務人員」我！

而PC 升到警司起碼有十幾廿個，

而PC 升到助理警務處長都有幾個！孫貴良、洪克偉及周國良！

[ 本帖最後由 seals 於 11-6-2009 19:17 編輯 ]
作者: 亞延    時間: 11-6-2009 19:27

引用:
原帖由 seals 於 11-6-2009 19:13 發表


師兄！你可能遇到D不快事，對警察有先入為主，有這看法不出為奇！

但我睇會正面D，D人成人講﹕「做好呢份工」作為口號！

如果諗住一世都無級，就無得好講，要升級就要追求卓越啦！

我2008年區議會都俾& ...
當差既歷力唔係個個受到你真既我覺得.....不過樹大一定有枯枝,
我見得多有一少部份新入行PC....入行無耐興奮過度串串貢,真係衰啲講仲衰過爛仔
當然好幫得手既我見唔少.呢份真係唔係優差,師兄要加油
作者: seals    時間: 11-6-2009 20:21

引用:
原帖由 Hkpolice-Psu 於 11-6-2009 18:41 發表

無錯~用新電話打錯字，sorry sir~

因為想當年睇警訊，我仲記得係有班師姐接call

定係依家剛剛改左制？？
其實都好耐吓，資源增值，警隊文職化之下！

好多岡位都由文職頂上，如總部保安！「市民保護警察」！
作者: seals    時間: 11-6-2009 20:49

其實個PCO應該開個RPI CASE「求警調查」！

叫行咇去睇吓，即時叫 OR 有需要再叫白車都得！

行咇去到調查，通常會找報案人「用電話」睇吓有乜証據了

及搜查一吓個「吸毒者」，有DD即拉！

無！就唔可以因有人思疑 OR 聽到自稱吸毒而拉人！

註...有毒癮不是違法，如有人同警察講﹕「我剛索完K仔」

但佢無任何DD係身，都無佢辦法！
作者: seals    時間: 11-6-2009 21:00

章： 134 標題： 危險藥物條例 憲報編號：  
條： 8 條文標題： 管有危險藥物非作販運用途及危險藥物的服用 版本日期： 30/06/1997

(1) 除根據及按照本條例，或根據及按照署長根據本條例而發出的許可證外，任何人不得─
(a) 管有危險藥物；或
(b) 吸食、吸服、服食或注射危險藥物。

法例無改過，但不能因有「毒癮」而作出拘捕！

通常見到「老道」開檔，即時斷正！先會告哂(a)及(b)兩條！

其他會告藏有，如過一定份量，可能告販賣！

言論只代表本人意見，不代表任何部隊立場！

[ 本帖最後由 seals 於 11-6-2009 21:03 編輯 ]
作者: 里安    時間: 11-6-2009 21:16

引用:
原帖由 seals 於 11-6-2009 21:00 發表
章： 134 標題： 危險藥物條例 憲報編號：  
條： 8 條文標題： 管有危險藥物非作販運用途及危險藥物的服用 版本日期： 30/06/1997

(1) 除根據及按照本條例，或根據及按照署長根據本條例而發出的許可證外，任何 ...
想問下，其實B係點告法?

吸毒係要執法人員見到佢吸毒先得?定係驗到都得?
作者: seals    時間: 11-6-2009 21:27

引用:
原帖由 里安 於 11-6-2009 21:16 發表

想問下，其實B係點告法?

吸毒係要執法人員見到佢吸毒先得?定係驗到都得?
通常告A就ok，唔駛搞咁多嘢！

驗到係一個佐證！「基本上無權力強迫驗毒」！

所以週街都係「道友」！

[ 本帖最後由 seals 於 11-6-2009 21:33 編輯 ]
作者: hypermax    時間: 11-6-2009 21:36

引用:
原帖由 seals 於 11-6-2009 20:49 發表
其實個PCO應該開個RPI CASE「求警調查」！

叫行咇去睇吓，即時叫 OR 有需要再叫白車都得！

行咇去到調查，通常會找報案人「用電話」睇吓有乜証據了

及搜查一吓個「吸毒者」，有DD即拉！
...
鬼叫d人對法律識d唔識d,假手於人仲要馬後砲咩

送左去醫院,急症室入面都有阿sir係度啦,索左野唔送去醫院整返醒佢先唔通迷幻住咁帶返去差館審咩......

樓主有無常識架??我知樓主係順路想搵警察逗剩低果兩條友有無藏毒,但用錯說話囉
作者: seals    時間: 11-6-2009 21:40

引用:
原帖由 hypermax 於 11-6-2009 21:36 發表

鬼叫d人對法律識d唔識d,假手於人仲要馬後砲咩

送左去醫院,急症室入面都有阿sir係度啦,索左野唔送去醫院整返醒佢先唔通迷幻住咁帶返去差館審咩......

樓主有無常識架??我知樓主係順路想搵警察逗剩低 ...
大家討論吓啫，唔好咁啦！

[ 本帖最後由 seals 於 11-6-2009 21:44 編輯 ]
作者: hypermax    時間: 11-6-2009 21:48

引用:
原帖由 seals 於 11-6-2009 21:40 發表


大家討論吓啫，唔好咁勞氣！
咁我都係講事實者,社工呢行食得咸魚抵得渴

如果呢單野以經係心裡刺,條女索死左係唔係即刻辭工唔做先??
作者: tinyau1134    時間: 11-6-2009 21:50

佢見習掛
新手黎
估估下
作者: 里安    時間: 11-6-2009 21:58

引用:
原帖由 hypermax 於 11-6-2009 21:48 發表

咁我都係講事實者,社工呢行食得咸魚抵得渴

如果呢單野以經係心裡刺,條女索死左係唔係即刻辭工唔做先??
想問師兄對社工行業了解幾多?
作者: 里安    時間: 11-6-2009 21:59

引用:
原帖由 seals 於 11-6-2009 21:27 發表


通常告A就ok，唔駛搞咁多嘢！

驗到係一個佐證！「基本上無權力強迫驗毒」！

所以週街都係「道友」！
如果遲D真係可以校園強制驗毒

咁係咪都可以作為其中一樣證據?
作者: 里安    時間: 11-6-2009 22:00

引用:
原帖由 tinyau1134 於 11-6-2009 21:50 發表
佢見習掛
新手黎
估估下
社工以我所以知無"見習"
作者: seals    時間: 11-6-2009 22:02

引用:
原帖由 亞延 於 11-6-2009 19:27 發表

當差既歷力唔係個個受到你真既我覺得.....不過樹大一定有枯枝,
我見得多有一少部份新入行PC....入行無耐興奮過度串串貢,真係衰啲講仲衰過爛仔
當然好幫得手既我見唔少.呢份真係唔係優差,師兄要加油;maddoi ...
無錯！樹大一定有枯枝，但得你睇量，巳經你一個好開始！

新仔係咁上下啦，但我覺得唔係新舊問題！

係年青人問題多D！
作者: seals    時間: 11-6-2009 22:05

引用:
原帖由 里安 於 11-6-2009 21:59 發表

如果遲D真係可以校園強制驗毒

咁係咪都可以作為其中一樣證據?
「校園強制驗毒」計劃，係要幫助他們，不是要控告他們！

可能飲多咗紅牛啫！
作者: 里安    時間: 11-6-2009 22:08

引用:
原帖由 seals 於 11-6-2009 22:05 發表


「校園強制驗毒」計劃，係要幫助他們，不是要控告他們！

可能飲多咗紅牛啫！
我誤會左呢樣野個原意...唔該"蕭"兄
作者: hypermax    時間: 11-6-2009 22:19

引用:
原帖由 里安 於 11-6-2009 21:58 發表

想問師兄對社工行業了解幾多?
了唔了解又點?
單計呢件事,原來要搵警察拉人比送一個索左k既人入醫院救緊要.....
既然迷幻緊,就好應該送去醫院
你話得有人神智不清,就算你唔叫都會有巡警follow,我幫人叫過咁多次車都係有巡警黎問野,去到醫院又會有阿sir等個病人醒會問個究竟
係呢件事擺明係有人心急想拉道友但點知用錯電話......我淨係知我d社工朋友個電話list總會有幾個cid既電話,仲話自己係行街社工,唔通係做之前無向警方尋求協助???
作者: SkyLinE    時間: 11-6-2009 22:45

我有時見到油麻地天后廟個頭好多道友,但係好似總係無人理咁
作者: seals    時間: 11-6-2009 22:54

引用:
原帖由 SkyLinE 於 11-6-2009 22:45 發表
我有時見到油麻地天后廟個頭好多道友,但係好似總係無人理咁
道友與妓女都不是違法！

「藏毒」與「引人作不道德行為」才違法呢！
作者: 4jai    時間: 11-6-2009 22:57

我個人認為,報警拉個道友先重要過送佢入醫院
搞到入醫院係佢自己攞黎,法佢就犯左
我覺得唔抵可憐囉
我都係擺明想搵警察拉個道友先,
無啦啦整達"喇",救你係仁慈,拉你係道理
點知架白車黎到之前會唔會因為條友又醒返拒絕送院?之後走佬?(你有冇能力留主條友另計)
去到醫院先搵警察?運吉....
你驚死警察黎左之後唔會送佢去醫院咩
作者: 4jai    時間: 11-6-2009 23:00

道友唔犯法??
上網搵到呢類野
危險藥物條例 - SECT 8
管有危險藥物非作販運用途及危險藥物的服用

(1) 除根據及按照本條例， 或 根據及按照署長根據本條例而發出的 許可證外， 任何人不得─

   (a)  管有危險藥物； 或

   (b)  """""""""吸食、 吸服、 服食或 注射危險藥物。"""""""""

(2) 任何人違反第(1)款的 任何規定， 即屬犯罪， 可處以下罰則─

   (a)  循公訴程序定罪後， 可處罰款$1000000， 並在 符合第54A條的 規定下， 可處監禁7年； 或

   (b)  循簡易程序定罪後， 可處罰款$100000， 並在 符合第54A條的 規定下， 可處監禁3年。 (由1979年第67號第2條修訂； 由
        1992年第52號第4條修訂)

上網又睇到有人話同人權法有抵觸,但果陣我都未讀小學...所以唔清楚

[ 本帖最後由 wonglk 於 11-6-2009 23:03 編輯 ]
作者: SkyLinE    時間: 11-6-2009 23:03

引用:
原帖由 seals 於 11-6-2009 22:54 發表


道友與妓女都不是違法！

「藏毒」與「引人作不道德行為」才違法呢！
咁如果我發現一個人藏毒,但係打999 police黎之前佢索晒,咁點計
作者: 里安    時間: 11-6-2009 23:09

引用:
原帖由 wonglk 於 11-6-2009 22:57 發表
我個人認為,報警拉個道友先重要過送佢入醫院
搞到入醫院係佢自己攞黎,法佢就犯左
我覺得唔抵可憐囉
我都係擺明想搵警察拉個道友先,
無啦啦整達"喇",救你係仁慈,拉你係道理
點知架白車黎到之前會唔會因為條 ...
我同意你講法
作者: seals    時間: 11-6-2009 23:15

引用:
原帖由 SkyLinE 於 11-6-2009 23:03 發表

咁如果我發現一個人藏毒,但係打999 police黎之前佢索晒,咁點計
咁你又點知個D係毒品呢！？

假如你報「Tony Chan」，雖然我都好爭佢！

但無証無據，又可以點？

[ 本帖最後由 seals 於 11-6-2009 23:18 編輯 ]
作者: hypermax    時間: 11-6-2009 23:20

引用:
原帖由 seals 於 11-6-2009 23:15 發表


咁你又點知個D係毒品呢！？

假如你報「Tony Chan」，雖然我都好爭佢！

但無証無據，又可以點？
贊同!!
作者: seals    時間: 11-6-2009 23:32

引用:
原帖由 wonglk 於 11-6-2009 23:00 發表
道友唔犯法??
上網搵到呢類野
危險藥物條例 - SECT 8
管有危險藥物非作販運用途及危險藥物的服用

(1) 除根據及按照本條例， 或 根據及按照署長根據本條例而發出的 許可證外， 任何人不得─

   (a)  管有危 ...
吸食、 吸服、 服食或 注射危險藥物，

全部係一個現在式 or 一個動作！

法例不是寫「有毒癮」OR 「曾經」吸食、 吸服、 服食或 注射危險藥物人士，明唔明！
作者: hypermax    時間: 11-6-2009 23:45

引用:
原帖由 seals 於 11-6-2009 23:32 發表


吸食、 吸服、 服食或 注射危險藥物，

全部係一個現在式 or 一個動作！

法例不是寫「有毒癮」OR 「曾經」吸食、 吸服、 服食或 注射危險藥物人士，明唔明！
咁seal兄認為樓主果個狀況,應該要點做??
作者: seals    時間: 11-6-2009 23:48

樓主無做錯喎！

報警揾警察幫手，好正常吖！
作者: hypermax    時間: 12-6-2009 00:04

引用:
原帖由 seals 於 11-6-2009 23:48 發表
樓主無做錯喎！

報警揾警察幫手，好正常吖！
如果樓主既同事講得清楚d既,又或者係出去走街之前肯徵詢一下警方,去plan定發現類似情況應該要點做

會唔會無呢件事發生呢??
作者: seals    時間: 12-6-2009 00:07

有良好的溝通，同埋互相信任基楚，做事就事半功倍啦！
作者: 積夫    時間: 12-6-2009 05:01

我來o左CGF咁耐，都未曾試過咁慶o既！hypermax兄，多謝你比到我呢個火辣辣o既第一次！



我唔知係咪我表達能力真係咁差呢？我o係#1時已經講得好清楚，我對呢件事o既不滿，係在於當我地呢o的一般市民見到有人吸毒，打999搵警察時，「警察」話我知佢地唔理呢o的事o既，仲要質疑返我地，憑咩野去話人地吸毒！我諗唔係多得seals兄指點，我先知道打999時聽我電話的人「唔係警察」。但係你出街問10個人，我都幾有信 心10個都會答你打999搵o既係「警察」而唔係「接線生」！你地內部點營運係你地o既事，但係o個一刻接電話o個個人係代表緊「警察」，我諗呢個係大多數昇斗市民o既理解！一個「代表緊警察」o既人話你知「警察唔理人索K」、同埋叫你「有證據先好報警」，你作為一個市民，你有什麼感覺！

我識少少法例扮代表？對，我其實真係唔識法例的，我讀社工又唔係讀LAW, 我唔識咁多野，但我只係知道當我o係律政署o既雙語法例資料系統，search Cap134 s8時，有段中文話我知

「(1) 除根據及按照本條例，或根據及按照署長根據本條例而發出的許可證外，任何人不得─
(2) 任何人違反第(1)款的任何規定，即屬犯罪，可處以下罰則...」

係呢段中文入面，我唔知道原來要「正在吸食」先係犯法！「吸食完了」原來就唔係犯法！咁即係點呀？咁即係以後我地見到人「正在強姦」、「正在偷竊」、「正在擲鏹水彈」才可以報警？佢姦完走o左返警署繼續開工、佢得手之後放埋o的老鼠貨、佢擲完之後落街比個書局職員見到都好，佢冇犯法o架喇？因為唔係現在進行式丫嘛！咁「執法者」仲執咩法？

正如seals兄話，Cap 134 s8多數都係告a唔告b, 點解o者？大家明丫，舉證問題丫嘛，佢身上有DD, 有物證，容易銼得入；點解唔告b呀？你點證明佢有吸食過丫？而家o的K仔用一張廿蚊紙包住都索得，唔通告晒全部銀包有港紙o既人衰Cap 134 s36丫？你偷拍佢索K過程呀？我知有班不該議員淨係識高舉「人權」、「自由」o既旗幟，唔理執法o既困難呀，咁但係你係執法者，有人舉報罪案你就要調查，有人犯法你就要執法o架喇！我夠知偷拍取證好大爭議、我夠知強迫驗身比人話你侵犯人權、我夠知警察做野時好多限制、好多制抓、好多困難喇，咁點丫？唔好做丫？辭職丫？食得咸魚抵得渴！本來好地地係度討論，大家雖然工作崗位唔同，但係大家明明係有合作空間，可以一齊槍口對住班不該議員唔好該做o既唔做，唔應做o既就做晒、可以一齊槍口對住班決策膠官，要佢地唔好淨係識做大龍鳳，正正經經做返o的野。但係點解你要用o的咁o既態度來回應我o既文章？你工作有你o既困難，係咪就大晒？

最後都係o個句，你有冇睇清楚我前面寫乜o架？當時「好市民」清清楚楚話比「聽999那個人」知，我唔理你派白車o黎又好、軍裝來又好，我見到有一個人，佢同時發生緊兩件事1) 佢索完K神智迷糊；2) 有合理懷疑佢犯了法！我嬲，係嬲「聽999那個人」的推卸責任！

口多講多少少野...如果我地收到料知道有人放野，我地真係唔敢同Police講o架！我地情願同海關講都唔敢同你地環頭的師兄講！試過有行家同環頭的師兄放完料，轉過頭阿師兄夠膽死直接話比個仔聽你阿SIR篤你出來！人地海關將收風o既同行動o既人分開，我地放料都放得放心好多！SEALS兄，好可惜我地同自己個環頭o既警務人員真係建立唔到互信、合作，當中o既事的確有段故，日後有機會再同大家呻，但係今次我出post本來只係想講呢件心up事比大家聽，當知道原來999電台的運作之後本來都已經冇乜野，但估唔到要比人咁樣回應，迫不得以才火起三丈！

索K索死o左，我就係親身經歷過，當年那個13歲女仔臨死前兩星期來我度報名參加o的課程，但係額滿冇收到佢，你話我好彩定唔好彩都好，我唔係負責佢o既社工，佢有咩野事點排都排唔到我要揹飛，但係睇住一條生命係自己眼前白白流走o個種感覺，我呢一世都覺得好難受！所以唔好怪我咁激動！！亦都係因為咁，我6年來都仍然在呢個崗位繼續做落去！
作者: seals    時間: 12-6-2009 06:43

積夫兄！

我絕對肯定及支持你嘅工作，我經常去學校做義工，接觸到好多「邊青」，感受非一般人所能理解！

唔好理人講乜，做好自己就算！好似我上次無理頭俾人「Warning」就唔低啦！
作者: 4jai    時間: 12-6-2009 06:47

老老實實,本來我都諗主掂橫掂過睇完就算
但見到某係會員可以事後孔明到橫不講理既地步
乜都如果,上帝都比你做埋呀笨
警告我唔怕食
我就係未見過有師兄會係cgf事後孔明

一開始矛頭就指主出post為師兄?你冇野呀?
(小弟擺明係話緊h字頭為人兄)

[ 本帖最後由 wonglk 於 12-6-2009 06:49 編輯 ]
作者: seals    時間: 12-6-2009 06:56

其實我都做過好多呢類Case !!

例如「後樓梯有人食白粉」，「球場有人（對）草，公園有靚仔索K」等等！

揾到違禁品，就有得拉！無就吹佢唔漲！絕對無徇私架！

好似有一單Case咁，老婆報警話老公「神志不清」！

我上到去老公「Hi」緊，老婆話「我老公渣的士時，執到支煙仔，番嚟一試就 Hi Hi 哋」

我睇到有支「大麻」係身邊，結果揾個pc送院，再拉埋佢藏毒！
作者: seals    時間: 12-6-2009 06:59

引用:
原帖由 wonglk 於 12-6-2009 06:47 發表
老老實實,本來我都諗主掂橫掂過睇完就算
但見到某係會員可以事後孔明到橫不講理既地步
乜都如果,上帝都比你做埋呀笨
警告我唔怕食
我就係未見過有師兄會係cgf事後孔明

一開始矛頭就指主出post為師兄?你冇野呀 ...
唔好理人講乜，做好自己就算！好似我上次無理頭俾人「Warning」就唔低啦！
http://www.civiliangunner.com/cg ... &extra=page%3D1


[ 本帖最後由 seals 於 12-6-2009 07:01 編輯 ]
作者: 4jai    時間: 12-6-2009 07:00

引用:
原帖由 seals 於 12-6-2009 06:56 發表
其實我都做過好多呢類Case !!

例如「後樓梯有人食白粉」，「球場有人（對）草，公園有靚仔索K」等等！

揾到違禁品，就有得拉！無就吹佢唔漲！絕對無徇私架！

好似有一單Case咁，老婆報警話老公「神志 ...
辛苦你喇師兄...警察真係唔易做...
作者: seals    時間: 12-6-2009 07:33

就早兩晚之痲，有人打999報「打劫」！

仲8分鍾打咗8個以上，

我同EU上到去，梗係「流」嘢啦！

屋內有三個人，兩公婆加一個廿幾歲青年，

調查後証明青年用手機報警，佢自稱「有人想打劫佢」但係無証據！

我見佢眼白都「藍」哂，講嘢又九唔搭八！

問佢老豆，你個仔有無「索k」先，個老豆都話「可能有」！

我覺得佢「索到壞腦」，叫白車送咗去醫院！Case 為 Insane Person Found

佢開頭唔肯去，唔去你即係正常！

我問「咁我就拉你報假案及浪費警力！好唔好？」

佢死死氣去去醫院！
作者: Pan    時間: 12-6-2009 07:44

引用:
原帖由 seals 於 12-6-2009 07:33 發表
就早兩晚之痲，有人打999報「打劫」！

仲8分鍾打咗8個以上，

我同EU上到去，梗係「流」嘢啦！

屋內有三個人，兩公婆加一個廿幾歲青年，

調查後証明青年用手機報警，佢自稱「有人想打劫佢」但 ...
報 robbery 就少聽到 D...
但係報其他無聊野就多...
我都係早兩晚聽到個 call....
半夜三更有人報話聽到斬野聲.
作者: kimkileo    時間: 12-6-2009 10:19

引用:
原帖由 Pan 於 12-6-2009 07:44 發表

報 robbery 就少聽到 D...
但係報其他無聊野就多...
我都係早兩晚聽到個 call....
半夜三更有人報話聽到斬野聲.
香港人真係壓力大呀.....
作者: 里安    時間: 12-6-2009 13:19

引用:
原帖由 積夫 於 12-6-2009 05:01 發表
我來o左CGF咁耐，都未曾試過咁慶o既！hypermax兄，多謝你比到我呢個火辣辣o既第一次！



我唔知係咪我表達能力真係咁差呢？我o係#1時已經講得好清楚，我對呢件事o既不滿，係在於當我地呢o的一般市民 ...
師兄，我相信你地作為社工當然有自己的判斷，唔會下下都要問呢個人"程序"果個人又問下"程序"

我相信你地果陣ge判斷已經係當時係最合適的
作者: Boniface    時間: 12-6-2009 13:49

那位h字頭既會員成日事後孔明
講埋d似是而非既野
都唔係第一次ga la
積夫，你理佢咁多有o麥謂呢
你無做錯wor
作者: Ｌ    時間: 12-6-2009 14:06

提示: 作者被禁止或刪除 內容自動屏蔽
作者: gtoray    時間: 12-6-2009 14:11

引用:
原帖由 seals 於 12-6-2009 06:43 發表

唔好理人講乜，做好自己就算！好似我上次無理頭俾人「Warning」就唔低啦！
seals 兄, 你比我 warning 係你ge問題
唔應該拎來同人比較

更唔應該響呢個風頭火勢時候借機宣洩不滿
作者: gtoray    時間: 12-6-2009 14:12

引用:
原帖由 Ｌ 於 12-6-2009 14:06 發表
咁作為一個市民...見到真係好似積夫師兄見到既野...打上台報警....咁應該點樣講先可以令到接線生明白..?
見到有人神智不清lor~
作者: seals    時間: 12-6-2009 15:14

引用:
原帖由 gtoray 於 12-6-2009 14:11 發表


seals 兄, 你比我 warning 係你ge問題
唔應該拎來同人比較

更唔應該響呢個風頭火勢時候借機宣洩不滿
多謝你的意見！

[ 本帖最後由 seals 於 12-6-2009 18:51 編輯 ]
作者: seals    時間: 12-6-2009 15:33

學校的毒品及犯罪問題


警隊按照當局的多機構合作模式去制定並執行策略，以對付青少年參與毒品及犯罪活動的問題。2008年警務處處長其中一項首要的行動項目是以多機構合作模式與學校、政府部門及非政府機構共同防止濫用藥物，尤其要針對青少年吸毒問題。行政長官於二零零七年之施政報告中委任律政司司長領導高層次跨部門專責小組，以現存的滅罪及反吸毒網絡為基礎，全面地整合打擊青少年吸毒的策略。警隊會繼續與其他政府部門、非政府機構、學校管理層及學界保持緊密聯繫，以確保互相協調，並共用資訊，及早找出問題所在。

自1974年設立以來，警察學校聯絡計劃一直是我們社區的警務策略一個不可或缺的部分，藉以協助學校防止青少年誤入歧途和參與毒品或犯罪活動。該計劃現有學校聯絡主任34人及學校聯絡主任(中學) 51人，全部由警長級人員擔任，由各區的警民關係主任指揮。他們定期探訪學校，並與學界(包括教師、學校社工、學校青少年組織以及家長教師會)保持緊密聯絡。他們就校內學生的不規矩行為向校方建議有效的執法方式，並舉辦研討會、講座及討論會，藉此教育學生及老師有關毒品及犯罪事宜。在2008年他們進行了10,376次探訪及會見了2,002個學生。


現況

一般罪案

2008年全年，共有7,855個年齡介乎10至20歲的青少年因干犯各項罪行被捕(不包括嚴重毒品罪行)，較2007年減少10.2%。當中4,034人為少年人(10至15歲)，而3,821人為青年人(16至20歲)。

嚴重毒品罪行

2008年全年，共有1,153個年齡介乎10至20歲的人士因嚴重毒品罪行被捕，較2007年上半年年增加25.1%。當中144人為少年人(10至15歲)，而1,009人為青年人(16至20歲)。


立場方針


警方將會繼續採取多機構合作模式處理學校的毒品及犯罪問題。
警方以警察學校聯絡計劃作為有效的工作平台，協助學校管理層及學界防止有關問題。
學校聯絡主任及學校聯絡主任(中學)會加倍努力，舉辦研討會及小組/個人討論，向師生解釋濫藥事宜及其嚴重後果。
警方將會繼續舉辦及參與多機構合作計劃、社區節目及教育項目，以提高青少年對罪案的認識，並鼓勵他們參加健康的社會活動。
警方將會繼續透過少年警訊各項的活動向青少年宣傳禁毒及反罪惡的信息，例如在已於2008年12月開始，為期兩年的『少年警訊全城禁毒日』中，每逢大節日包括聖誕節、復活節及暑假的長假期前，動員所有警區的少年警訊會員一同進行全港性的禁毒宣傳活動。另外，少年警訊月刊及少年警訊電台節目亦為傳播禁毒信息的有效平台。
各警區將會繼續與各分區撲滅罪行委員會進行禁毒宣傳運動。
警方將會繼續在週末及節日期間在邊境管制站向過境的青少年傳遞反濫藥信息。
警方將會採取嚴厲執法行動對付成為濫藥黑點的娛樂場所。
警方將會就適當個案向法庭申請把毒販「加刑」。
作者: seals    時間: 12-6-2009 15:34

回應999來電

立場方針
各總區指揮及控制中心在2008年共回應約300萬個999來電，平均每日8,300個。平均來說，這些來電在3.7秒內獲得回應。
在上述來電中，其中約56%為滋擾來電。警方將繼續努力透過資訊科技、宣傳、教育及執法行動減少滋擾來電。
99%需要警方採取行動的緊急求救電話在服務承諾的時間內獲得回應 (港島及九龍區的目標時間為9分鐘，新界區為15分鐘)。
只要求救傷車服務的999來電均被轉駁至消防通訊中心，由該中心負責處理有關的求助個案。
警方已在2004年10月推出為聽障人仕而設的992短訊緊急求助熱線；在2008年12月31日為止，共有1,029名聽障人仕登記使用這項服務，而警方在2008年共接獲13個求助短訊。
作者: 亞延    時間: 12-6-2009 19:07

引用:
原帖由 Pan 於 12-6-2009 07:44 發表

報 robbery 就少聽到 D...
但係報其他無聊野就多...
我都係早兩晚聽到個 call....
半夜三更有人報話聽到斬野聲.
咩人都有,我果座成日有軍裝話收到call有人半夜鑽牆=-=
作者: 亞延    時間: 12-6-2009 19:11

引用:
原帖由 Ｌ 於 12-6-2009 14:06 發表
咁作為一個市民...見到真係好似積夫師兄見到既野...打上台報警....咁應該點樣講先可以令到接線生明白..?
係我會話行上有人神智不清,擔心佢會擾亂治安,麻煩警員協助.唔知得唔得呢
作者: seals    時間: 12-6-2009 19:44

引用:
原帖由 亞延 於 12-6-2009 19:11 發表

係我會話行上有人神智不清,擔心佢會擾亂治安,麻煩警員協助.唔知得唔得呢
有人神智不清，可以有不同理解！

如「有人暈到」Person Collapsed

、「傻人發現」Insane Person Found

及「病人」Sick Person

「有人暈到」及「傻人發現」都會派警員到場了解！

而「病人」Sick Person 乃非核心工作，只會轉到救護車中心，而不會派警員到場了解！

你只要話清楚事情，你所見所聞及留下聯絡電話，警方一定會提供應有嘅服務及支援！

樓主朋友的事件，係單一事件，大家要有D信心！
作者: ACYY    時間: 12-6-2009 23:39

其實遇上積夫兄既情況，可唔可以直接係電話入面講「要求警察及救護車協助」？
叫架白車來只係救到個女仔，但如果有警察來捉埋果兩個人﹝假設佢地身上有野﹞就可以救到更多既人！
作者: seals    時間: 13-6-2009 01:14

引用:
原帖由 ACYY 於 12-6-2009 23:39 發表
其實遇上積夫兄既情況，可唔可以直接係電話入面講「要求警察及救護車協助」？
叫架白車來只係救到個女仔，但如果有警察來捉埋果兩個人﹝假設佢地身上有野﹞就可以救到更多既人！
當然可以！

不過索K又好，吸毒都好！嚴格上佢哋都係受害者！

你拉得佢哋幾多次，我遇過一個七十幾嘅呀伯，七十幾個案底！

拉哂D賣毒品嘅，再幫吸毒者佢哋溶入社會，先係「上策」！

[ 本帖最後由 seals 於 13-6-2009 14:10 編輯 ]
作者: 里安    時間: 13-6-2009 18:55

引用:
原帖由 seals 於 13-6-2009 01:14 發表


當然可以！

不過索K又好，吸毒都好！嚴格上佢哋都係受害者！

你拉得佢哋幾多次，我遇過一個七十幾嘅呀伯，七十幾個案底！

拉哂D賣毒品嘅，再幫吸毒者佢哋溶入社會， ...
再幫吸毒者佢哋溶入社會......我好同意，不過你睇下梅窩果班居民......
作者: seals    時間: 13-6-2009 21:30

引用:
原帖由 里安 於 13-6-2009 18:55 發表

再幫吸毒者佢哋溶入社會......我好同意，不過你睇下梅窩果班居民......
香港地每個人都為咗自己利益行先！

好難怪佢哋！比著我，個社區上有d特別學校，我會唔開心，但我會接受！

[ 本帖最後由 seals 於 13-6-2009 21:45 編輯 ]
作者: 餅    時間: 13-6-2009 22:03

講起果間中學真係幾好 , 由其是座天文望遠鏡 !!

成4球幾野 , 俾全校40幾個學生用

用左唔夠4年就殺校......
作者: Boniface    時間: 14-6-2009 01:40     標題: 回復 80# 的帖子

我覺得個班人肯去改
點解連機會都唔肯俾
點解d人自私到咁
正生書院係我讀書個彈黎過我學校講禁毒
我覺得佢地係真係有得救，有前途既人
作者: 亞延    時間: 14-6-2009 01:58

引用:
原帖由 Boniface 於 14-6-2009 01:40 發表
我覺得個班人肯去改
點解連機會都唔肯俾
點解d人自私到咁
正生書院係我讀書個彈黎過我學校講禁毒
我覺得佢地係真係有得救，有前途既人
因為呢道係香港,學SEALS話,香港人永遠都利益行先,人情味愈來愈少
作者: Hkpolice-Psu    時間: 14-6-2009 13:22

引用:
原帖由 hypermax 於 11-6-2009 21:48 發表

咁我都係講事實者,社工呢行食得咸魚抵得渴

如果呢單野以經係心裡刺,條女索死左係唔係即刻辭工唔做先??
你做過呢行先挑骨頭啦
作者: seals    時間: 14-6-2009 14:00

社工唔易做架，又期對住d邊青，嘔到成地血！
作者: Hkpolice-Psu    時間: 14-6-2009 14:22

引用:
原帖由 seals 於 14-6-2009 14:00 發表
社工唔易做架，又期對住d邊青，嘔到成地血！
舊制果d就好做, 新果d就真係幾慘
作者: 里安    時間: 14-6-2009 18:30

引用:
原帖由 seals 於 13-6-2009 21:30 發表


香港地每個人都為咗自己利益行先！

好難怪佢哋！比著我，個社區上有d特別學校，我會唔開心，但我會接受！
睇返頭先新聞，果班梅窩人，人地解釋緊正生做D咩又係度柴人台

又話咩「我地連正規學校都無點解要開戒毒學校先?」

我覺得，你想講話信唔過班細路既，咪有果句講果句

要開正規學校你地應該嘈既係教育局，唔係去嘈保安局

更加唔應該去嘈一班只係作為申請人既正生書院師生!

再講，我又想問，你覺得一班比法院判入去，守緊野既細路"影響治安"大D?

定係一班每晚無所事事，周圍遊蕩既細路"影響治安"大D?

人地正生其實係長洲鋪都開埋，長洲居民有幾時嘈過?

人人都做過錯事，佢地又唔係十惡不赦，點解唔比機會人地?
作者: 里安    時間: 14-6-2009 18:31

引用:
原帖由 seals 於 14-6-2009 14:00 發表
社工唔易做架，又期對住d邊青，嘔到成地血！
除左對服務對象，仲有好多野要理，admin野、點樣搵多D資源都要諗......
作者: seals    時間: 14-6-2009 23:04

港式民主，鬥大聲就代表有道理！
作者: 里安    時間: 15-6-2009 11:53

引用:
原帖由 seals 於 14-6-2009 23:04 發表
港式民主，鬥大聲就代表有道理！
佢地個point好無謂

支持陳校長!
作者: Ｌ    時間: 15-6-2009 11:57

提示: 作者被禁止或刪除 內容自動屏蔽
作者: 里安    時間: 15-6-2009 13:32

http://www.singpao.com/NewsArtic ... D=26958&Lang=tc

正生書院入遷梅窩應採包容協商態度
  
        梅窩昨日舉行第二場居民諮詢大會，討論戒毒學校正生書院遷入區內的問題， 數百名居民和3 0 名正生書院學生出席會議，會上大部分居民強烈反對正生書院遷入，而正生書院的學生表現得沉默、憂慮，部分還流下了眼淚。保安局局長李少光呼籲梅窩居民平心靜氣，以包容的態度與各方溝通。

        正生書院是全港唯一戒毒學校，也是全亞洲首間戒毒中學，位於大嶼山芝麻灣的霞澗，近九成學生由法庭感化令轉介入讀。正生書院以「生命意義輔導治療法」作為主要的教學手法，從人生、道德、倫理、思想方面給予引導， 進行全面矯治， 讓吸毒學生從根源解開綑綁，健康成長，最終重投社會。十一年來，幫助了許多吸毒學生融入社會。該校唯一賴以對外聯繫的水路交通工具是「小艇」，為解決人滿之患，政府建議搬到梅窩的新界鄉議局南約中學空置的校舍。

        梅窩居民反對正生書院遷入的原因主要有兩點，一是反對一所專門為戒毒學生而設的學校遷入該區，二是梅窩要建學校，應先復辦中學供當地居民入讀，居民的不滿情有可原。平心而論，家長們一般都不願意有大量的吸毒學生在居住地附近出出入入，怕會影響到子女的成長。另外，梅窩現時沒有中學，當地子女要到市區求學，每天上課來回花太多時間，交通費昂貴，希望政府能在當地辦中學，減輕舟車勞頓之苦。

        梅窩居民的兩點意見， 應分開來處理。要解決梅窩子弟就近讀中學問題， 須向教育局提出訴求。近年學生減少， 政府按照每個地區的生源多少設校， 生源不足的學校陸續停辦， 這是現行教育政策。梅窩子女要到市區中學就讀的困難， 應通過正常的渠道與政府協商， 希望能找到解決的辦法， 這才是正路。而正生書院遷入， 則屬另一個問題， 不宜混為一談， 也不宜感情用事。正生書院遷入， 關鍵是牽涉「鄰避設施」問題。所謂「鄰避設施」是指一些設施可能有宏觀上的需要， 即社會整體上的需要， 但由於這些設施對附近地區造成外部負面影響， 引致當地社區反對， 這經常稱為「鄰避」， 居民直言「不要設在我家後院」。這些鄰避設施常見的有核能發電廠、燃煤發電廠、化工廠、飛機場、堆填區、垃圾焚化爐、醫院、監獄及特殊學校等。對於鄰避設施，有些國家專門制訂了相應的政策，處理整體利益與地區利益的矛盾。

        市民不滿鄰避設施並非始於今天， 1 9 9 5 年政府計劃在麗晶花園第二十二座鄰近空地興建綜合性健康診所， 為愛滋病患者提供治療服務， 但是遭到近一萬二千名麗晶花園居民簽名反對， 不滿政府在鄰近空地興建綜合性健康診所。本港垃圾日益增多， 每日製造的固體廢物多達九千三百噸， 現有三個堆填區將在十年內爆滿， 必須興建垃圾焚化爐， 去年初政府公布焚化爐的初步選址，擬在屯門曾咀或大嶼山石鼓洲興建焚化爐。但是當地居民表示反對， 指焚化爐選址太近民居， 影響當地居民的正常生活。

         居民反對設置這類鄰避設施的心情是可以理解的， 但是， 應看到這類設施是香港整體社會的需要，甚至是不可或缺的， 而政府有關部門料也經過全盤考慮才選出地點， 有一定的合理性。這種選址不是在甲地， 便是在乙地， 甲地居民有意見， 乙地居民同樣也會有意見， 但最終必要選定一個地點。看到正生書院學生擔憂不能遷入梅窩的表情， 甚至流下憂傷的淚水， 一般市民都會產生惻隱之心， 我們定要支持正生書院辦學， 支持這些學生戒毒。所以， 居民是否應有一個全局的觀念， 和包容的精神， 與有關當局平心靜氣積極協商以解決問題。

        政府也應考慮梅窩居民的實際困難、合理要求，例如對於居民作出的犧牲， 是否應有合情合理作出補償， 尤其是正生書院遷入梅窩之後， 定要增加相應的設施，以及人力物力等方面予以充分配合。
作者: 4jai    時間: 15-6-2009 14:21

正生書院入面班人冇吸毒好耐...乜野叫吸毒學生?
之前吸毒同家陣吸毒...差好遠啵

加上正生書院既學生跟本唔比行出學校,乜野叫出出入入?
成報新聞,呃乂死人
作者: 里安    時間: 15-6-2009 16:27

被嘲吸毒妹 女生忍淚：已戒了
(明報)2009年6月15日 星期一 05:05
【明報專訊】同一會場內，相對居民的「噓聲」和激動情緒，20多名穿著整潔校服的正生書院學生顯得很沉默。16歲的阿菁昨日全程坐在場內，嘗試游說居民，但一度被「噓聲」嚇至眼泛淚光。她說，明白居民有許多難處，「子女很早起牀往市區上課……但希望居民冷靜，接受正生書院遷入梅窩    。」

明白居民難處

阿菁昨日往洗手間時，聽到有人稱呼她們「這群『吸毒妹』」，她當時心裏很難受，很想說一句﹕「我只是曾經吸毒，現在已經戒掉了。」

阿菁過了3年「索K」、濫服止痛藥、酗酒、男女關係混亂的生活，她自言性格反叛，未入正生前經常與損友為伴。直至半年前，她希望過回正常生活，遂自願入讀正生。經過教育，阿菁反叛的性格已有改善，與家人關係更變得融洽。

她表示，現時位於大嶼山    的正生書院校舍環境惡劣，「曾有姊妹被蛇咬、下雨時滿地泥濘，不知何時會有大石滾落山……我很希望（正生）遷往梅窩。」

因盜竊被判感化令    而進入正生的徐桐軒說，對居民激烈反對感到不愉快，但明白居民的處境。他期望正生能遷入梅窩，改善學校環境。
------------------------------------------------------------------------------------------------------------------------------------
正生學生靜對梅窩噓聲 居民反對戒毒校搬入中學校舍
(明報)2009年6月15日 星期一 05:05
【明報專訊】政府昨日就戒毒學校基督教正生書院申請遷入梅窩    空置校舍舉行諮詢會。梅窩居民以兩大理由反對正生遷入梅窩，即「選址錯誤」，以及認為梅窩應開辦一所中學，避免區內學生「長途跋涉」往市區上課。逾3小時的諮詢會中，居民情緒激動，經常報以噓聲反對，兩度需要警員介入調停。有出席諮詢會的正生學生哭了出來（見另稿）。

民政事務處昨舉行「前新界鄉議局    南約區中學的校舍未來用途」諮詢大會，政府派出保安局    、教育局、社署    等官員解畫。正生書院校監林希聖、校長陳兆焯亦有出席游說。

區內家長爭取建中學

逾200名梅窩居民手繫紅絲帶，簽名支持新界鄉議局繼續在梅窩南約區中學辦學，部分居民手持「一出一入四個鐘，何來時間去用功」等橫額。

諮詢會甫開始，保安局首席助理秘書長（禁毒）黃福來花逾20分鐘簡介青少年濫藥趨勢、本港戒毒所等，遭民居四度中斷發言，有居民大叫﹕「爭取時間！」當黃福來說到「原則上支持正生書院遷入梅窩」、「明白居民意見」、「希望居民有包容的心」時，居民情緒激動，大部分人報以噓聲。

諮詢會舉行逾兩小時後，居民突然安排數十名小朋友，每人手持「出外返學四小時，原區就讀最適宜」等橫額，包圍林希聖、陳兆焯，兩人一直保持笑容，沒有惹起衝突。正生書院則派出20多名學生到場，他們全場靜默，以展示他們是一群改過的學生，以游說居民讓他們遷入梅窩。

居民逼近講者 警兩度調停

會場上亦有支持正生的人士，包括教過正生學生的中文大學專業進修學院人文學科講師葉惠民。他在會上發言時，有居民兩度亦步亦趨質問他，因該居民表現激動，曾兩度需由警員調停。葉事後說﹕「無感到緊張，最多他前來打我……我認為應該為（正生）發聲。」他形容居民「非常野蠻」、「非常不友善」，直斥居民表面支持正生書院，但實質為自己利益。

居民以爭取原區增設中學為由，反對正生遷入梅窩，但葉指居民「混淆視聽」，稱南約區中學兩年多前停辦，反映收生不足，質疑梅窩是否需要一所中學。

居民最後響應呼籲擁抱學生

藝人陳敏兒亦專程到梅窩支持正生。她在諮詢會結束前說，明白梅窩居民疼惜子女的心情，但同時讚揚正生多年來的努力，認為梅窩民居與正生家長「同坐一條船」。她其後呼籲梅窩民居抱一抱正生學生，以示鼓勵。

最後，3名女居民因應陳敏兒的呼籲，走到學生跟前，與學生擁抱或握手。這時，場面靜了下來，氣氛得以緩和，校長陳兆焯亦站立鞠躬答謝居民支持。諮詢大會亦在這時候結束。

黃福來總結時表示，在諮詢會聽到市民意見，政府原則上支持正生遷往梅窩。保安局長李少光    在另一場合說，當局理解居民的情緒，呼籲居民平心靜氣，用包容的心與各方溝通，使正生遷校一事可以圓滿解決。立法會    議員張文光    認為，政府出手太遲，至今忽然支持正生書院，錯失向梅窩居民解釋的機會，演變至今日群情洶湧。

------------------------------------------------------------------------------------------------------------------------------------

一班野蠻人
作者: 積夫    時間: 15-6-2009 17:14

紅絲帶並唔係比你班野蠻人咁用o架！不該！不該！真不該！
作者: derek_lok    時間: 15-6-2009 22:09

梅窩刁民野蠻,,失禮,,衝動,,囂張,,毫無文化,,低知識,,思想落後

不知所謂!!!

開多間精神科比佢地用就差唔多

[ 本帖最後由 derek_lok 於 15-6-2009 22:11 編輯 ]
作者: POCMarco    時間: 15-6-2009 22:14

都係個句: 香港人反智
作者: HunterX    時間: 15-6-2009 23:04

最低能係佢地話要開中學, 但係佢地間中學明明兩年前先因為收生不足執左!!!

DLLM!!!!!!
作者: 莊家-犯罪無間    時間: 15-6-2009 23:07

香港係一個唔接受人係會變好,亦唔會比人改過自身
作者: kimkileo    時間: 16-6-2009 08:49

引用:
原帖由 莊家-犯罪無間 於 15-6-2009 23:07 發表
香港係一個唔接受人係會變好,亦唔會比人改過自身
依家變到你死你既事...死就唔該死遠的........悲哀
作者: Hkpolice-Psu    時間: 16-6-2009 10:20

點先可以支持到正生學生？？

杯葛去梅窩？？
發起網上簽名？？

我今次覺得梅窩有份出聲反對既居民真係太過份！佢地究竟有無良知架？！



歡迎光臨 CGF (http://www.wargamehk.com/cgf/) Powered by Discuz! 6.0.0