CGF - Powered by Discuz! Board

標題: 其實董建華不錯 [打印本頁]

作者: Boniface 時間: 24-8-2009 00:24 標題: 其實董建華不錯

朱經武促從政者放下身段聆聽民意
(星島)2009年8月23日星期日 10:36

本月底離任的科大校長朱經武規勸，從政的領導人放下身段，聆聽老百姓的意見，並希望政府推出政策把科研成果發展為商品，勿錯失發展高新科技的良機。

朱經武在一個電台節目上批評，港府對科研支持不足，不少本地科研成果的專利權被其他國家購入，令香港錯失發展高新科技的良機，並以日本為例，即使在金融海嘯衝突下，多個政府部門都節省開支，惟科技部門的資源不減反增。

朱經武強調，高科技是長線投資，需要政策協助，若不加以利用研究成果，就是浪費，促請政府提出政策，把本地大學研發成果發展為商品。

多次獲選為最受歡迎大學校長的朱經武坦言，自己不會隨意下達行政命令，要求老師學生跟從，反而會多聆聽別人意見，容許下屬和學生有空間思考，讓他們知道目標是要為學校好。他認為，自己身為校長，學校有過失，自己有責任承擔，不可推卸。

他又讚揚前行政長官董建華為科大貢獻良好，自己之所以出任科大校長也是受他的誠意感動。他又說，現今社會不少人過分追求物質，而忽略心靈修養。

我其實一直都覺得董伯伯係一個好特首，係一個有心做野既人，問題係wrong timing同埋太急進，好多野太大刀闊斧咁去改，另外仲有唔識放手，所有大至小既野都要管，變相拖住下面班人既後腳
但相反煲呔咩都唔做，少做少錯，唔做唔錯，安於現狀，而家大陸慢慢趕緊過香港，但仍繼續食老本

作者: allen.W 時間: 24-8-2009 00:31

董生，我只有一個評語：有heart，唔代表一定好的。

作者: Roni_9 時間: 24-8-2009 00:36

好過你照講...我照聽...行動依舊

作者: Boniface 時間: 24-8-2009 00:43 標題: 回覆 2# 的帖子

佢唔適合做話事人，因為一個管理人員係應該要識放權，相信下面個班人，下下管住，仲點做野，仲有最怕係外行人插手內行人既工作
呢個係佢最大既問題，做得太多，連唔係佢做既佢都做埋

作者: HunterX 時間: 24-8-2009 01:07

而家講好似馬後炮, 不過...
董生: 心有餘而力不足...
憎生: 乜X都無...

作者: Mathew 時間: 24-8-2009 01:09

感覺上佢係一位好老實既老人家，不過做唔做到野，有無貢獻
其實好睇當時市民既觀點，唔同人都有唔同訴求，佢個位唔易做
而且仲要係第一屆，無啦啦有樣叫特首既野，撞板好正常，但係一撞就成香港陪佢撞...

反觀煲呔，我地幾熟悉，當初唔少人想佢做特首...
佢獲選特首，竟然當場就吹口哨...果刻已經心想"PK啦..."

作者: m4devastator 時間: 24-8-2009 01:10

講開憎生

佢真係乜Q都唔做, 唔向大陸表達
只係唔想向大陸say no

垃圾

哈巴狗

作者: Boniface 時間: 24-8-2009 01:30 標題: 回覆 6# 的帖子

其實個陣我幾想陳太做，因為我覺得陳太有咁既能力可以鎮得住個場
但係係佢落台之後，同泛民個班人行埋，成日係度搞風搞雨，令我對佢好感全失
反觀而家我希望葉劉做，佢有個種做官既威嚴，但又無係落左台之後成日係傳媒面前插舊老細好似陳太咁
同埋佢做左咁多年官政績唔錯，如果唔係廿三條，佢應該可以爬得更高

作者: allen.W 時間: 24-8-2009 07:39

引用:

原帖由 Boniface 於 24-8-2009 01:30 發表
其實個陣我幾想陳太做，因為我覺得陳太有咁既能力可以鎮得住個場
但係係佢落台之後，同泛民個班人行埋，成日係度搞風搞雨，令我對佢好感全失
反觀而家我希望葉劉做，佢有個種做官既威嚴，但又無係落左台之後成日係 ...

廿三條單野講真、咪又系找人黎揹鑊

作者: zamche 時間: 24-8-2009 08:36

講真傢下有邊個比曾生更適合做特首？？？
邊個上去坐各個位都一定有人搞風搞雨~ 曾生吾算好好，但一定吾係差~

作者: kimkileo 時間: 24-8-2009 11:00

香港暫時都未見到鎮得住場既領導
一啖砂糖一啖屎就係領導要學既野....
依家好明顯曾生偏向權貴....小市民既利益平衡唔到....
平衡到有錢齊齊搵爭吵都少的...

作者: odaan 時間: 24-8-2009 11:26

引用:

原帖由 zamche 於 24-8-2009 08:36 發表
講真傢下有邊個比曾生更適合做特首？？？
邊個上去坐各個位都一定有人搞風搞雨~ 曾生吾算好好，但一定吾係差~

其實 , 邊個做都死
就算有普選一樣都係死 , 係死法唔同

香港人好似生番甘 , 乜都有得賴 , 個個以自己為核心 , 上帝親自下凡都搞唔掂 , 何況凡人 ???

作者: zamche 時間: 24-8-2009 12:11

引用:

原帖由 odaan 於 24-8-2009 11:26 發表

其實 , 邊個做都死
就算有普選一樣都係死 , 係死法唔同

香港人好似生番甘 , 乜都有得賴 , 個個以自己為核心 , 上帝親自下凡都搞唔掂 , 何況凡人 ???

希望人人明白改善建議令社會進步；吾係怒駡、掟蕉等無意義、無建設性反對

作者: Boniface 時間: 24-8-2009 14:57 標題: 回覆 12# 的帖子

好比喻!

作者: odaan 時間: 24-8-2009 15:04

東鐵站總站改係紅磡 , 有人出黎抗議

喂 , 多年前東鐵站原本真係係紅磡 , 有尖東站幾年 , 然後搬番紅磡 , 我唔覺得有咩好抗議
只係搬總站 , 轉一次車 , 有乜特別 ??

個個以自己為核心 , 一哭二鬧三上吊
正正經經做人好似好難甘

作者: odaan 時間: 24-8-2009 15:06

引用:

原帖由 zamche 於 24-8-2009 12:11 發表
希望人人明白改善建議令社會進步；吾係怒駡、掟蕉等無意義、無建設性反對

時代進化 , 人類退化

作者: MS 時間: 24-8-2009 16:44

ms聽過一個董先生的故事.....!話說當年叫咗當奴做清潔大隊長.....佢自已好勤力坐直升機去環頭環尾睇下有無地方叫杈仔清潔清潔

忽然起善心.....ling咗一叠二十蚊掉出機外......喃喃自語....希望d窮人拾到......!有個跟班不忘擦下鞋........ling咗一叠一百元忍痛擲出......眼尾啤實老董......一片天真說拾到實歡喜死!(lee d叫做功高蓋主,ms一定唔做).......加時又凍薪果位飛行服務員......有神無氣喃喃自語......擲老董落去.......全香港市民重開心喇