CGF - Powered by Discuz! Board

標題: [認真] 我真係唔想鬧這位朋友，但真係好難頂。 [打印本頁]

作者: 匿名 時間: 23-3-2011 15:05 標題: 我真係唔想鬧這位朋友，但真係好難頂。

這位朋友我識左十幾年，近幾年我真係覺大家ge思想，目標距離得愈黎愈遠。加上佢ge做事手法同行為，有時真係想破口大罵，但基於十幾年的交情，我始終鬧唔出口。

佢成日同我比，就話自己無我咁有錢，無我咁有前途等等。

我覺得大家都讀緊書，錢真係好多時都係屋企俾ge~屋企人絕對唔會被你餓死。
但係要食喝玩樂(又其是拍拖)都要屋企俾，我個人真係唔認同。
這位朋友經常話窮，我覺得係佢自己ge理財能力有問題。
首先你話自己窮，又要一腳踏兩船，同D女朋友出街咩洗費都係你俾，好心無咁大個頭唔好戴咁大頂帽。
又要追潮流，衫、褲、鞋、袋、玩具樣樣都買同追。點會有錢淨？
放暑假成3個幾月就玩足3個幾月，介紹份5 day work ge Customer service 工俾你又話朝9晚5好辛苦，同事上司態度又harsh，又無時間玩。
我唔明5 day work朝9晚5好辛苦 lee D 咩theory。無時間玩？星期六日呢？
好la~距離U grad ge 日子都不遠。問佢諗住揾咩工，洗唔洗幫手等？
佢就話：我諗住玩多一年先做野wor~

我真係唔知佢想點，每次打俾我訴苦，就淨係話自己窮，無前途，咁想我點je~工我都幫你揾埋la~我做朋友都唔想見到你將來揾朝唔得晚。但係你咁做人，我真係好難幫你。我真係好想鬧你但基於十幾年的交情，我先鬧唔出口。

作者: 匿名 時間: 23-3-2011 15:07

每個人有唔同既生活取向,作為朋友,只能從旁提點,始終前途既事,佢自己決定

作者: Andy 時間: 23-3-2011 15:12

人各有志
朋友呢樣野, 好多時都係愛莫能助

作者: louisli 時間: 23-3-2011 15:38

有時有d人唔鬧係唔識醒既
不過鬧還鬧，唔好一次過鬧咁多，逐少逐少黎啦

作者: 行雷傳真機 時間: 23-3-2011 15:47

我有D FD同你FD非常相似
我又係唔想同佢地反面

作者: 匿名 時間: 23-3-2011 15:56

e種人就由佢自生自滅啦! 幫朋友唔係問題, 幫係人情, 你無必須要為佢做a做b諗佢將來! 如果佢有一日叫你幫佢, 想就幫唔想就同佢講愛莫能助! 男人老狗唔好諗住咩都要人幫!

作者: louisli 時間: 23-3-2011 16:33

由佢啦~
自己都唔幫自己，你急來做乜？

作者: kennydai 時間: 23-3-2011 16:41

反面la

作者: 里安 時間: 23-3-2011 16:45

其實方法有好多既，可以慢慢傾，睇下可唔可以幫佢慢慢諗清楚、睇清楚自己其實想點

好多時其實都係未知自己想點/無諗過想點/逃避去諗姐

又或者、亦係我成日都用既方法：理X佢

作者: rho837 時間: 23-3-2011 16:52

人各有志!

最掔要自已顧掂自己. 朋友有問題就要面對面直接指出對方不是, 重要記住仟其唔可以有任何錢銀瓜謁! 佢無錢要食飯! 冇問題! 但借錢就唔好問!

自已經驗! 如果借錢比人就唔好想佢一定還到! 出來做野(先苦後甜)! 界女呢啲灑錢既玩意一早cut灑佢! 儲錢(一蚊一蚊儲)係為一致富方法! 頭個幾年係乜都睇唔到, 但當儲到＋幾年就有個開始! 開始左就好快見住啲錢越長越大! 第一投資係層樓(上車要掔 - 平有平買), 其他投資事乎個人要求, 根住結婚生一或兩件(越早越好)! 大學畢業即時工作二＋五年內包你笑笑口.

作者: jimjimto 時間: 23-3-2011 17:13

見住佢踩屎的，咪題下佢咯，吾聽的都無計，但真係吾好借$$比佢，佢無係佢的事

讀到大學都吾識諗自己的前途，嘥左父母一番心血同金錢，我無野講

作者: 匿名 時間: 24-3-2011 03:18

我唔係為佢着急D咩，而係我聽佢所謂ge苦，真係覺得好不知所謂。聽到我覺得好無聊同煩。
好婉轉咁同佢講，佢又聽唔明。明講少少，又話我語氣態度差。
我真係覺得同佢溝通唔到。

作者: louisli 時間: 24-3-2011 10:46

螞蟻和蟋蟀

在炎熱的夏天，螞蟻們仍是辛勤的工作著，每天一大早便起床，緊接著一個勁兒的工作。蟋蟀呢？天天「嘰哩嘰哩，嘰嘰、嘰嘰」地唱著歌，遊手好閒，養尊處優地過日子。
　　
每一個地方都有吃的東西，滿山遍野正是花朵盛開的時候，真是個快樂的夏天啊！蟋蟀對螞蟻的辛勤工作感到非常奇怪。「喂！喂！螞蟻先生，為什麼要那麼努力工作呢？偶爾稍微休息一下，像我這樣唱唱歌不是很好嗎？」

可是，螞蟻仍然繼續工作著，一點也不休息地說：「在夏天裡積存食物，才能為嚴寒的冬天做準備啊！」「我們實在沒有多餘的時間唱歌、玩耍！」

蟋蟀聽螞蟻這麼說，就不再理螞蟻。「啊！真是笨蛋，幹麼要想那麼久以後的事呢！」
　　
快樂的夏天結束了，秋天也過去了，冬天終於來了，北風呼呼的吹著，天空中下著綿綿的雪花。

蟋蟀消瘦的不成樣子，到處都是雪，一點食物都找不到。「我若像螞蟻先生，在夏天裡貯存食物該多好啊！」蟋蟀眼看就要倒下來似的，蹣跚地走在雪地上。
　　
一直勞動著的螞蟻，冬天來了也不在乎。積存了好多食物，並且建了溫暖的家。當蟋蟀找到螞蟻的家時，螞蟻們正快樂的吃著東西呢！「螞蟻先生，請給我點東西好嗎？我餓得快要死了！」
　　
螞蟻們嚇了一跳。「咦！你不是在夏天裡見過面的蟋蟀先生嗎？你在夏天裡一直唱著歌，我們還以為你到了冬天會是在跳舞呢！來吧！吃點東西，等恢復健康，再唱快樂的歌給我們聽好嗎？」

面對著善良親切的螞蟻們，蟋蟀忍不住留下欣喜的眼淚。

作者: Foolshooter 時間: 24-3-2011 12:55

緣機未到 , 講左/鬧左都係入唔到耳。
好似樓上ching 所講 ~
1.千萬唔好借錢比佢 otherwise 一定唔醒
2. 鵝佢好喇 ~ 唔入耳鬧都無用 ~

作者: nelsonkwok00 時間: 11-4-2011 00:19

自己本身身邊都有一個咁嫁fd,成績差,冇外形,冇知識,同人相處都係問題(除左動漫)
成世人都唔肯認錯,自己覺得自己係全世界最醒果個
問到佢點解唔加入某大型公司,一句冇興趣彈返埋泥~
成日張自己同人比較,覺得自己前途實係同人地一q樣
我有小小地咁講過佢知,冇串佢
都係一樣自以為是~

而加我就等緊成功一刻,去扮可憐佢,再扮安慰佢~(實知佢死硬)
佢都教識左我,睇住呢d人死係一件幾開心嫁事

其實要好清楚一樣野,唔努力的話,係人地簡你lo

有料當然可以去簡人la

作者: hung 時間: 21-4-2011 00:30

有啲人教而不善! 無謂再理佢啦! 所謂交情係佢心目中都唔當係乜嘢嘢, 衹係當你欠佢錢一定要你還! 呢種朋友我都有一個認識咗32年, 由細識到大就算我樣樣事就佢到頭來為咗些少利益, 咪一樣反轉肚就係屎, 呢種人係你及你朋友新邊揾著數就得, 你試吓搵佢些少著數睬你都傻, 道義係呢種人心目中等如零, 我對呢個曾為兄弟嘅朋友都心死!!!!

作者: 匿名 時間: 21-4-2011 11:08

引用:

原帖由 hung 於 21-4-2011 12:30 AM 發表
有啲人教而不善! 無謂再理佢啦! 所謂交情係佢心目中都唔當係乜嘢嘢, 衹係當你欠佢錢一定要你還! 呢種朋友我都有一個認識咗32年, 由細識到大就算我樣樣事就佢到頭來為咗些少利益, 咪一 ...

（唔係樓主）所以朋友最好唔好有錢銀瓜葛，我借左朋友幾皮野應急，但結果為左唔反面就有佢有拖冇改... 呢D對友誼既考驗真係唔好試
樓主，既然你朋友唔太影響到你生活，唔好因為改變唔到佢既態度而唔開心喇

作者: mujiadam 時間: 21-4-2011 13:36

朋友要黎鬧架咩?

朋友要黎出賣架ma!

作者: hung 時間: 24-4-2011 10:05

多謝吾系樓主嗰位匿名嘅師兄關心 !

早期都有啲唔開心 , 而家好好多啦 ! 畢竟都識咗30幾年 !!

作者: jpg 時間: 24-4-2011 11:24

作為朋友/知己, 只能係旁邊支持, 鼓勵, 最終決定都係係佢手.
有d野唔係話幫就幫到. 要知道改變一個人既習性唔係咁易...
你做左你作為朋友要做既野, 問心無愧..
加油啦

作者: hung 時間: 25-4-2011 21:58

多謝師兄們關心 ! 亦希望樓主好像我一樣嘗試吓對這樣的朋友放開懷抱 !! 坩樣自己會較開心啲 !!!

歡迎光臨 CGF (http://www.wargamehk.com/cgf/)