CGF - Powered by Discuz! Board

標題: 睇完呢單... 我覺得仲好笑.. [打印本頁]

作者: 蛇 時間: 7-11-2011 20:04 標題: 睇完呢單... 我覺得仲好笑..

梁家傑：痛定思痛戰立法會
明報明報 – 4小時前

公民黨黨魁梁家傑表示，北京已經可以駕馭選舉，民主派應該痛定思痛，在明年的立法會選舉打一場漂亮的仗。
梁家傑在今早的記者會上檢討區議會選舉結果，他表示，很好奇不知道那些票從何而來。他認為，北京已經可以駕馭選舉，設定機制預測選舉結果。
梁家傑呼籲民主派各路英雄要坐下來回應這個已轉變的形勢，在明年的立法會選舉中打一場漂亮的仗。
他又指出，對於有政黨竟然可以衝著香港的法治和人權做誤導，公民黨感到詫異。他表示，法治太重要，香港如果沒有法治，與內地任何一個城市都沒有分別。
他說，今次一定會從中學習，每次都是寶貴的一課。
梁家傑又稱，不希望香港區議會只是蛇齋餅糉，只是派福利派實利的代理人。
--------------------------------------------------------------------------
唔知d 票點黎. 咁既說話都講得出口..
北京可以駕馭選舉? 點解佢又唔問下人地點解唔投佢地票...
睇新聞播果時, 佢個樣完全係覺得佢地唔應該輸, 輸係全香港巿民既錯咁...

作者: gtoray 時間: 7-11-2011 20:08

自以為是，不思長進！

作者: faihk 時間: 7-11-2011 20:09

4個鐘前... 太陽未落山喎! 定係佢high大左 / 飲大左呀?

作者: zeta 時間: 7-11-2011 20:11

老老實實, 公民輸曬我都幾意外
鼠王咁都贏我直頭覺得有古怪...

[ 本帖最後由 zeta 於 7-11-2011 20:13 編輯 ]

作者: 衰人 時間: 7-11-2011 20:31

簡直係唔知衰

作者: Lolanto 時間: 7-11-2011 23:02

輸左賴地硬

作者: rho837 時間: 8-11-2011 00:52

Game Over La

作者: gd1893 時間: 8-11-2011 01:25

係面書見到某D「號稱民主派」人士既反應都好好笑
有人一邊貼出當選者照片，一邊鬧投票既選民白痴;
都有人聲言「選民要為香港民主倒退負責」等等...

我剩係諗起細路仔爭輸玩具，跟住訓係地扭計囉。

輸打贏要。

引用:

原帖由蛇於 7-11-2011 20:04 發表
梁家傑：痛定思痛戰立法會
明報明報 – 4小時前

公民黨黨魁梁家傑表示，北京已經可以駕馭選舉，民主派應該痛定思痛，在明年的立法會選舉打一場漂亮的仗。
梁家傑在今早的記者會上檢討區議會選舉結果，他表示，很 ...

作者: Lolanto 時間: 8-11-2011 02:16

引用:

原帖由 gd1893 於 8-11-2011 01:25 發表
係面書見到某D「號稱民主派」人士既反應都好好笑
有人一邊貼出當選者照片，一邊鬧投票既選民白痴;
都有人聲言「選民要為香港民主倒退負責」等等...

我剩係諗起細路仔爭輸玩具，跟住訓係地扭計囉。

輸打贏要。 ...

選民要為民主倒退負責任??

選民去投票咪係民主囉...D細路仔攪清楚未架

作者: 餅 時間: 8-11-2011 02:24

選票除左選賢能 , 更可以用來懲罰犯錯既政客 / 政黨

難怪梁生輸左都唔知咩事...

作者: 莊家-犯罪無間 時間: 8-11-2011 02:43

o係香港人網見到有篇咁的文，分析左點解泛民失荊州的原因

http://www.hkreporter.com/talks/thread-1366548-1-1.html

泛民陣營敗給寒風

剛過去的周日，在完成拙文前先到投票站投票。本文見報時，相信區議會選舉的結果已塵埃落定，下筆時夠膽預言，泛民主派會輸得慘不忍睹。這裏所指的「泛民」，是廣義地概括了公民黨、民主黨、社民連、人民力量和職工盟等各黨派。

若說在香港當泛民議員很慘，那身為支持香港爭取民主的選民就更悲。看到這屆區議會選舉的形勢，實在為泛民陣營感到心痛，因為他們可能連輸在哪裏都不知道。然而，若沒有從失敗中反省，將永遠不會成功。

泛民經常推說建制派財力雄厚，蛇宴月餅廉價旅行團源源不絕，泛民的區議員無法匹敵。可是，整天高喊平反六四、爭取民主自由的同時，有否盡力在有限的空間釋出關懷社區的善意呢？

若說特首選舉太遙遠，立法會選舉則涉及大是大非的政治取向，而區議會事務肯定關乎細眉細眼的日常生活，爭取延長紅燈兩秒、捕捉到兩隻流浪狗……，這些「政績」給很多人在網上嘲笑，但「沉默的街坊」卻很受落。畢竟在匿名的投票制度下，選票份量不會因人的背景而異，目不識丁、看不懂政綱的公公婆婆算一票，在記錄上等同於特首曾蔭權或政務司司長林麟瑞的一票。

前一陣子，筆者經常對人說「一個寒風中」的故事——若泛民的敗兵想在下屆「翻盤」，請緊記從中偷師——話說媽媽住在老區，原有的泛民派區議員已連任多屆，雖然曾經有建制派人士挑戰，每次都落敗而回。但上屆有一位貌似獨立、實質是「隱形左派」人士銳意挑戰。經過幾個月密集式宣傳，結果只輸了不足一成的選票。過去四年，這位仁兄繼續在社區服務，當然有派揮春和「防輻射」錦囊，而且懂得靈活走位，因應時事作出應變，比守着舊有一套的原有議員佔優。

媽媽一直支持泛民議員，沒因為那些小恩小惠而動搖。但是去年冬天，當天文台發出寒冷天氣警告，那位挑戰者立即和義工站到街頭，向長者途人派發單張，內容僅是提醒大家要保暖，有需要時可撥打某個求助熱線。

看到人家給寒風吹到瞇了眼，媽媽不禁問：「我一直支持的區議員在哪？」只是派派單張，就能令人感受到那份誠意，本小，卻利大。

就是那陣寒風，吹走了媽媽手上的鐵票，估計還有不少街坊也在那個冬天裏轉軚，原有的區議員勢危也是活該，輸掉也許更好。

未來的政治寒風吹得更緊，自稱泛民的各位人士，能有那份抵冷的能耐嗎？

衷心希望我的預言落空，否則也祝願泛民陣營能重新振作。政治沒有永遠的輸家贏家，跌倒了，最重要是盡快站起來；建制派在2003年以後做到了，泛民呢？

傳媒工作者

作者: kimkileo 時間: 8-11-2011 10:57

零三年大勝後不思長進，內鬥仲厲害過共產黨，相信好多好多支持既人都厭倦見到咁既情況
樓上文章講得冇錯既，建制上次大敗後痛定思痛，以往選舉前一定有一兩單野做衰左俾人唱
依家掉轉泛民有野俾人唱返轉頭，相信到下次選舉建制都會繼續冷處理方法。

作者: kimkileo 時間: 8-11-2011 11:01

引用:

原帖由 zeta 於 7-11-2011 20:11 發表
老老實實, 公民輸曬我都幾意外
鼠王咁都贏我直頭覺得有古怪...

當涉及自身利益又點會理核心價值呀，政治都係好現實既
中產交稅係最多果班，當知道第時要養埋個賓賓，有幾多人條氣會順呀

作者: 阿Fee 時間: 8-11-2011 11:28

唔知D票點黎??03年嗰陣又唔見你咁講

講真，今次佢地唔係輸喺"蛇齋餅糉"手上，係輸喺自己手上，特別係公民黨俾人嘅感覺係專搞風搞雨，本身公民黨嘅票源就大部份來自中產，佢地唔單止冇幫中產發聲，仲搞左單外傭官司出黎，搞到激嬲班中產

作者: Lolanto 時間: 8-11-2011 11:35

引用:

原帖由餅於 8-11-2011 02:24 發表
選票除左選賢能 , 更可以用來懲罰犯錯既政客 / 政黨

難怪梁生輸左都唔知咩事...

無錯~人民力量諗住以「票債票償」懲罰民主黨
不過佢冇諗到情況係落係自己身上

作者: starfox 時間: 8-11-2011 12:18

其實香港人都是輸打贏要的, 當法律對自己不利的時候, 就不想要法治了

作者: kimkileo 時間: 8-11-2011 12:38

引用:

原帖由 阿Fee 於 8-11-2011 11:28 發表
唔知D票點黎??03年嗰陣又唔見你咁講
講真，今次佢地唔係輸喺"蛇齋餅糉"手上，係輸喺自己手上，特別係公民黨俾人嘅感覺係專搞風搞雨，本身公民黨嘅票源就大部份來自中產，佢 ...

correct....冇幫中產仲要我佢地揹多的

蛇齋餅糉有著數梗係拎啦，到最後我投俾邊個佢鬼知咩

作者: mujiadam 時間: 8-11-2011 13:11

引用:

原帖由 gtoray 於 7-11-2011 20:08 發表
自以為是，不思長進！

"口沒遮攔"

作者: 蛇 時間: 8-11-2011 13:27

引用:

原帖由 starfox 於 2011-11-8 12:18 發表
其實香港人都是輸打贏要的, 當法律對自己不利的時候, 就不想要法治了

某d 人認為自己係專家就濫用法律亂咁爭取佢地所認為既公義. 做左又要唔認係佢地d 人既所為. 浪費公帑再想放清兵入關. 犯大不諱仲要話自己無錯... 如果係賓賓係選民, 佢地就有機會既...

作者: 里安 時間: 8-11-2011 18:50

引用:

原帖由 hkncnc 於 8-11-2011 11:35 發表

無錯~人民力量諗住以「票債票償」懲罰民主黨
不過佢冇諗到情況係落係自己身上

都係果句
選舉係要搵人做野
唔係比你同人私片

作者: Boniface 時間: 8-11-2011 21:05

其實無講錯，事先聲明，我係投左俾民主黨，因為何杏梅做得不算差，好多時都肯即時幫你跟
但一樣野係，區議員就係流浪狗，單車位俾移除，巴士服務，紅綠燈都關你事
可能真係外人覺得無關痛癢，當初我都試過笑人「咁都可以拉張banner呀？」，但就係自己都係當事人個陣就發覺
其實呢d雞毛蒜皮的東西，其實好重要
但泛民就係不識得呢一樣，民主黨，民協呢d老牌政團當然深知呢個道理啦，但有時都覺得佢地可能做得耐左，有少少不思進取。但其他泛民，同埋社民力量，只視區議係一場政治遊戲，選民是有眼的。同埋，選票，真是除了選賢能外，還有是一張表達不滿的紙！公民黨，社民力量，本來我是很睇好他們的，但佢地將議會搞到污煙瘴氣，還在議會外做了一樣又一樣令人討厭的東西，令我很失望。所以，他們得到這樣的果，不令人意外。但他們還是看不到自己輸在哪裡，實在可悲！

作者: stoneTS 時間: 8-11-2011 22:05

其實呢次更加證明民主的好處！
亦證明普選的重要性！

作者: 061084 時間: 8-11-2011 22:06

公民黨唔搞菲律賓工人單野都唔會輸得咁緊要,自己攞黎衰!真正出賣香港人係公民黨!
大家有冇發現有公民黨參選的選區投票率比其他冇公民黨參選的特別高,因為大部份市民都唔鍾意公民黨,要踢走佢地!

作者: Boniface 時間: 8-11-2011 22:29

引用:

原帖由 061084 於 8-11-2011 22:06 發表
公民黨唔搞菲律賓工人單野都唔會輸得咁緊要,自己攞黎衰!真正出賣香港人係公民黨!
大家有冇發現有公民黨參選的選區投票率比其他冇公民黨參選的特別高,因為大部份市民都唔鍾意公民黨,要踢走佢地!

呢個都係其中一個原因吧，佢地自己一手將自己推落地獄的

作者: keane 時間: 8-11-2011 22:49

年年到某幾日都挖D臭屎 ( 史 ) 出黎聞吓,
成日都吹埋晒D可能要幾十或幾百年後, 方能實現既理念

現在呢 ?????

作者: Lolanto 時間: 8-11-2011 23:23

引用:

原帖由 Boniface 於 8-11-2011 21:05 發表
其實無講錯，事先聲明，我係投左俾民主黨，因為何杏梅做得不算差，好多時都肯即時幫你跟
但一樣野係，區議員就係流浪狗，單車位俾移除，巴士服務，紅綠燈都關你事
可能真係外人覺得無關痛癢，當初我都試過笑人「咁都可以拉張banner呀？」，但就係自己都係當事人個陣就發覺
其實呢d雞毛蒜皮的東西，其實好重要
但泛民就係不識得呢一樣，民主黨，民協呢d老牌政團當然深知呢個道理啦，但有時都覺得佢地可能做得耐左，有少少不思進取。但其他泛民，同埋社民力量，只視區議係一場政治遊戲，選民是有眼的。同埋，選票，真是除了選賢能外，還有是一張表達不滿的紙！公民黨，社民力量，本來我是很睇好他們的，但佢地將議會搞到污煙瘴氣，還在議會外做了一樣又一樣令人討厭的東西，令我很失望。所以，他們得到這樣的果，不令人意外。但他們還是看不到自己輸在哪裡，實在可悲！

係人民力量+社民連...

作者: 061084 時間: 8-11-2011 23:33

引用:

原帖由 hkncnc 於 8/11/2011 11:23 PM 發表

係人民力量+社民連...

唔緊要la,我覺得2個黨冇分別,都係咁衰

作者: gtoray 時間: 8-11-2011 23:40

引用:

原帖由 Boniface 於 8-11-2011 21:05 發表
所以，他們得到這樣的果，不令人意外。但他們還是看不到自己輸在哪裡，實在可悲！

自詡民主既人仕有個共通點
就係當你唔支持佢你就一定係被中央洗左腦
你批評/唔比佢過火就係打壓
簡單d講就係有燥狂性被害妄想症

作者: queen 時間: 8-11-2011 23:48

引用:

原帖由 gtoray 於 8-11-2011 23:40 發表

自詡民主既人仕有個共通點
就係當你唔支持佢你就一定係被中央洗左腦
你批評/唔比佢過火就係打壓
簡單d講就係有燥狂性被害妄想症

仲有佢哋對人嘅唔專重就更加........

佢哋自己個票就一定係神聖, 正義, 充滿知慧嘅.....
投對家嘅就一定係低能, 收受利益................

作者: 蛇 時間: 8-11-2011 23:52

引用:

原帖由 gtoray 於 2011-11-8 23:40 發表

自詡民主既人仕有個共通點
就係當你唔支持佢你就一定係被中央洗左腦
你批評/唔比佢過火就係打壓
簡單d講就係有燥狂性被害妄想症

同埋佢認為佢係代表晒所有香港巿民既.

作者: Boniface 時間: 8-11-2011 23:56

而家民主黨同民協話考慮緊同公民黨合併，唔係嘛，同班低能既一齊行，呢條船遲早沉
若是真的話，咁出年我投民建聯好過.....

作者: CrazyBoy 時間: 9-11-2011 00:51

其實點解咁多人係賓賓單野上面

都係將「申請權」一睇就睇做「永久居留權」？

佢地住夠七年只係有權向入境處「申請」，並唔係擁有「永久居留權」

批唔批個申請係睇入境處

公民黨只係提出以現時法例唔容許外傭「申請」係違反基本法..而法院亦裁定該入境條例違反基本法

公民黨咁做可能係想提出基本法既漏洞，希望政府可以修改基本法

作者: 莊家-犯罪無間 時間: 9-11-2011 01:01

引用:

原帖由 gtoray 於 8-11-2011 23:40 發表

自詡民主既人仕有個共通點
就係當你唔支持佢你就一定係被中央洗左腦
你批評/唔比佢過火就係打壓
簡單d講就係有燥狂性被害妄想症

呢個說法其實係好唔專重選民

作者: gd1893 時間: 9-11-2011 01:06

我諗主要原因係在於，
曾經有報導指出，過去既申請，九成都通過。

於是乎大家就將「申請權」睇成「居留權」喇...

12.5萬外傭居港開綠燈入境例裁違基本法港府上訴

明報 2011年10月1日

【明報專訊】影響到全港12.5萬居港滿7年外傭能否申請居港權的重要司法覆核官司，政府先輸一仗。
高等法院昨裁定，《入境條例》指外傭不得被視為「通常居住」香港的條文是違反《基本法》，即外傭
有資格申請成為香港永久居民。保安局長李少光表示會提出上訴，並要求法院暫援執行判決。

「四大條件」難限制申請居權

由於入境條例的「通常居住」門檻被攻破，若政府最後上訴未能扭轉乾坤，港府只能靠入境處長根據入
境條例附表一所列出的「四大條件」，即﹕

1. 是否在港有慣常住所；
2. 家庭主要成員是否在港；
3. 是否有合理收入維持自己及家人生活；
4. 是否已依法繳稅

以限制居港7年的外傭申請成為香港永久居民。根據入境處數字，去年8000宗外籍人士申請居港權個案，
能通過四大條件的個案高達九成。

無「通常居住」門檻九成成功

行政長官曾蔭權對裁決感失望，保安局長李少光說尊重法院判決但感失望，重申政府確信入境條例符合
基本法，暫毋須更改現行輸入外傭安排。他稱，政府會即時申請上訴及要求加快程序，並會向法院申請
暫緩執行判決，讓政府在有上訴判決前毋須處理外傭的居港權申請，而入境處會即時暫停處理及批核外
傭的居港權申請。他沒有正面回應會否考慮提呈人大釋法以解決爭議，至於可否修改基本法，他指很困
難及複雜。

申請人律師：交人大釋法不負責任

來港逾22年的司法覆核申請人Evangeline B. Vallejos，昨以上班為由未有到庭，獲悉裁決後，她
透過律師表示感謝上帝和所有幫助她的人。其代表律師帝理邁認為，裁決肯定法治及普通法原則，又指香
港作為世界級城市，應為申請人對港所作貢獻感到高興。被問及估計政府會否將本案交人大釋法，帝理邁
指案件應由本港法庭處理，「即使想一想把案件交由人大釋法，已是不負責任」。

對於政府會否提請釋法，政府消息人士稱，曾考慮不同方案以應付不同情景，又坦言修改基本法或入境條
例都存在有困難，亦懷疑效用。

普通法原則參考1990年前文件

法官林文瀚在判辭中引述入境處數字，截至去年底，本港逾28萬家庭僱工中，有約四成即11.7萬人已連續
在港工作超過7年，今年5月人數更增至12.5萬人。林官在判辭中承認，人大常委的釋法對香港法院具有約
束力，但據終審法院案例，原訟庭判案時須按照普通法原則，故他只會參考基本法於1990年頒布前的歷史
文件釐定立法原意。

案件的核心問題是，外傭留港期間是否能視為基本法第24條中「通常居住」的定義，根據終審法院之前的案
例，「通常居住」應了解為「以安頓作為目的而自願留下」，只要外傭自願留港工作，已滿足「通常居港」
定義，而政府根據入境條例，只可限制外籍人士留港年期，不可以剝奪基本法第24條賦予已連續通常居港7年
人士的居留權，故裁定入境條例指外傭「不得被視為通常居港」屬違憲。

有權決定入境限制「不涉歧視」

不過，林文瀚認為入境條例對外傭所施的限制不涉及歧視，因主權國有權決定哪些外籍人士可擁有居留權。至
於本案裁決將如何執行，會於下月26日聽取雙方陳辭後再作決定。另外，兩對菲籍外傭夫婦及母子就居港權申
請司法覆核的案件，案情與此案略有不同，分別於下月18日及26日審理。

【案件編號︰HCAL124/10】

引用:

原帖由 CrazyBoy 於 9-11-2011 00:51 發表
其實點解咁多人係賓賓單野上面

都係將「申請權」一睇就睇做「永久居留權」？

佢地住夠七年只係有權向入境處「申請」，並唔係擁有「永久居留權」

批唔批個申請係睇入境處

公民黨只係提出以現時法例唔容許 ...

作者: gd1893 時間: 9-11-2011 01:09

果D「自詡民主人士」既言行，
一向都唔見得點尊重意見不同既人架啦...

引用:

原帖由 莊家-犯罪無間 於 9-11-2011 01:01 發表

呢個說法其實係好唔專重選民

作者: gd1893 時間: 9-11-2011 01:19

佢地既思維同言行，硬係令我諗起七八十年代果D恐怖份子囉...

佢地認為自己係「進步份子」、「救世主」、「從資本主義壓逼中解救世人既戰士」...blah blah blah...
可惜新一代呢班「進步份子」同當年赤軍旅、黑色九月、PLO...等等恐怖組織相比，
直頭完全唔係果皮，連「有勇無謀」都講唔上，直頭係「無勇無謀」

最叻剩係話其他人無知...

引用:

原帖由 queen 於 8-11-2011 23:48 發表

仲有佢哋對人嘅唔專重就更加........

佢哋自己個票就一定係神聖, 正義, 充滿知慧嘅.....
投對家嘅就一定係低能, 收受利益................

作者: sunny2014 時間: 9-11-2011 02:32

引用:

原帖由 gd1893 於 9-11-2011 01:19 發表
佢地既思維同言行，硬係令我諗起七八十年代果D恐怖份子囉...

佢地認為自己係「進步份子」、「救世主」、「從資本主義壓逼中解救世人既戰士」...blah blah blah...
可惜新一代呢班「進步份子」同當年赤軍旅、黑 ...

佢地真係有膽去玩真假菠羅我反而無咁睇唔起佢地喎
你睇睇佢地最叻先至搶鐵馬、掉野食
唔好話乜野大隻小學雞啊細路仔行為啊咁
馬騮都識啦呢D
我選隻馬騮話唔定仲玩得精采D

作者: yobit 時間: 9-11-2011 08:24

快D走呀,見到成班公民黨就想

[ 本帖最後由 yobit 於 9-11-2011 08:36 編輯 ]

作者: seals 時間: 9-11-2011 10:58

泛民輸乜？
唔係民建聯好，而係你哋自已做得差！

1,居港權
2.港珠大橋
3.議會暴力
4.五區公投

我仲支技你哋？

作者: LOKAKOK 時間: 9-11-2011 13:36

仲有.為祖國人來港生產開綠燈.香港孕婦無床位..

作者: seals 時間: 9-11-2011 14:02

仲有收美國佬d黒金！
同做漢奸有乜分別？

作者: tango10 時間: 9-11-2011 18:49

泛民應該由特首與余大狀辯論不力開始, 其他黨見佢好似好威,
於是人民力量首先發難反抬, 跟住白鴿佢絶五區公投,之後泛民就互相殘殺至今都未能收手!

作者: zeta 時間: 9-11-2011 19:04

引用:

原帖由 seals 於 9-11-2011 10:58 發表
泛民輸乜？
唔係民建聯好，而係你哋自已做得差！

1,居港權
2.港珠大橋
3.議會暴力
4.五區公投

我仲支技你哋？

1/2/4佢地做錯乜野

作者: tango10 時間: 9-11-2011 19:19

引用:

原帖由 zeta 於 9-11-2011 19:04 發表

1/2/4佢地做錯乜野

講真, 唔以講佢地有咩錯!
既是弱勢政黨, 在立法會又不佔大多數, 還要在中央的指縫間生存, 就必需要小心行事, 了解民情, 否則就要付出代價!

作者: keane 時間: 9-11-2011 21:06

引用:

原帖由 CrazyBoy 於 9-11-2011 00:51 發表
其實點解咁多人係賓賓單野上面

都係將「申請權」一睇就睇做「永久居留權」？

佢地住夠七年只係有權向入境處「申請」，並唔係擁有「永久居留權」

批唔批個申請係睇入境處

公民黨只係提出以現時法例唔容許 ...

" 律師大狀 " 太多嘞 ..... 識法律, 玩法律, 玩出火

作者: keane 時間: 9-11-2011 21:16

引用:

原帖由 gd1893 於 9-11-2011 01:09 發表
果D「自詡民主人士」既言行，
一向都唔見得點尊重意見不同既人架啦...

打民主牌 .... 唔係大晒既咩

因為佢地明白, 歷史話俾佢地知, " 民主 " 係要打番黎, 唔係講番黎

作者: Alex_山 時間: 9-11-2011 23:22

引用:

原帖由 tango10 於 9-11-2011 19:19 發表

講真, 唔以講佢地有咩錯!
既是弱勢政黨, 在立法會又不佔大多數, 還要在中央的指縫間生存, 就必需要小心行事, 了解民情, 否則就要付出代價!

其實係過去04同08年立法會地區直選中
泛民最得6成選民支持嫁.....
只係因為功能組別議員絕大多數都係親中及建制派,
又有分組點票呢家野
所以泛民係立法會入會先至會係少數派囉............
就以過去地區直選而言,泛民係強勢囉..........

作者: Alex_山 時間: 9-11-2011 23:23

引用:

原帖由 seals 於 9-11-2011 10:58 發表
泛民輸乜？
唔係民建聯好，而係你哋自已做得差！

1,居港權
2.港珠大橋
3.議會暴力
4.五區公投

我仲支技你哋？

2有咩做錯?

作者: queen 時間: 9-11-2011 23:46

有咩做錯.....

如果佢哋只係以律師身份去打官司，佢哋無錯，都只係打份工啫....

如果佢哋出自己名打正旗號去打官司同政府玩嘢，雖然唔係個個認同，但始終敢做敢認，堅持立場，都仲值得尊重

但係專搵啲阿婆出面，伸請法援去打，咁正義咪唔好收錢去幫手打囉，做完出咗事又唔敢認，仲要當全香港市民係白痴咁話唔關自己事！！！

到知死啦，今日仲要出嚟打倒昨日嘅自己..........呢啲人....點幫呀

作者: tango10 時間: 9-11-2011 23:46

引用:

原帖由 Alex_山 於 9-11-2011 23:22 發表

其實係過去04同08年立法會地區直選中
泛民最得6成選民支持嫁.....
只係因為功能組別議員絕大多數都係親中及建制派,
又有分組點票呢家野
所以泛民係立法會入會先至會係少數派囉............
就以過去地區直選 ...

就係個遊戲規則令佢地成為弱勢! 今次區選進一步增強建制派經區選進入立法會令佢地無身可翻囉!

作者: Alex_山 時間: 9-11-2011 23:54

引用:

原帖由 tango10 於 9-11-2011 23:46 發表

就係個遊戲規則令佢地成為弱勢! 今次區選進一步增強建制派經區選進入立法會令佢地無身可翻囉!

首先,我認為泛民今次輸區議會係好抵死
未有掌握選情,地區工作不足,未有完整選舉策略......

但係另一方面,我想講既係,
點解作為全港6成或者5成選民代表既泛民係立法會入面竟然成為少數派呢?!
個人覺得個遊戲規則係強姦選民意願囉~

作者: Alex_山 時間: 10-11-2011 00:01

引用:

原帖由 queen 於 9-11-2011 23:46 發表
有咩做錯.....

如果佢哋只係以律師身份去打官司，佢哋無錯，都只係打份工啫....

如果佢哋出自己名打正旗號去打官司同政府玩嘢，雖然唔係個個認同，但始終敢做敢認，堅持立場，都 ...

就港珠大橋官司本身,我真係唔覺得有咩錯
當然公民黨用咩手法去參與件事係另一問題
我想帶出既係,官司帶出係政府對環境污染的理解係唔夠全面

作者: seals 時間: 10-11-2011 00:04

引用:

原帖由 zeta 於 9-11-2011 19:04 發表

1/2/4佢地做錯乜野

你覺得佢哋啱，你咪投佢哋票囉！

我覺得佢哋錯，咪投對面囉！

就係咁簡單！

作者: Lolanto 時間: 10-11-2011 00:46

引用:

原帖由 Alex_山 於 9-11-2011 23:54 發表

首先,我認為泛民今次輸區議會係好抵死
未有掌握選情,地區工作不足,未有完整選舉策略......

但係另一方面,我想講既係,
點解作為全港6成或者5成選民代表既泛民係立法會入面竟然成為少數派呢?!
個人覺得個遊戲 ...

區議會我覺得抵死的是公民黨+社民連+人民力量
民協+街工係地區到係做得唔錯

作者: queen 時間: 10-11-2011 01:47

引用:

原帖由 hkncnc 於 10-11-2011 00:46 發表

區議會我覺得抵死的是公民黨+社民連+人民力量
民協+街工係地區到係做得唔錯

所以民協無乜事，反而社民連....即使做咗幾耐地區工作都好.....都要輸比白姐姐.....

作者: 餅 時間: 10-11-2011 02:08

引用:

原帖由 Alex_山 於 10-11-2011 00:01 發表

就港珠大橋官司本身,我真係唔覺得有咩錯
當然公民黨用咩手法去參與件事係另一問題
我想帶出既係,官司帶出係政府對環境污染的理解係唔夠全面

議員既角色係監察政府

有直接監察權唔用 , 要個婆婆"出面"去申請法援打官司帶出問題咁曲線 ?

一年後官司終於打完 , 結果建造費多60幾億 , 座抵幾千工人搵少一年錢

而負責監察政府既個位黨主席仲要話唔關佢地事

每個月白出糧又拎律師費 , 食兩家茶禮咁疏乾 !?!?

到夠期個陣 , 就要預左選民用選票叫你還 !!

作者: sunny2014 時間: 10-11-2011 02:43

引用:

原帖由 Alex_山 於 9-11-2011 23:54 發表
但係另一方面,我想講既係,
點解作為全港6成或者5成選民代表既泛民係立法會入面竟然成為少數派呢?!

老老實實
你成個「泛民」咁睇佢地梗係強勢
但泛民入面D黨有幾團結？
大家心照啦
狗咬狗骨、左手打右腳，間中又輪流背刺下大家
尤其果幾個比較「行動派」既
咁搞法，唔好話60%票
就算佢地有60%議席都一樣係實際上既「弱勢」

作者: sunny2014 時間: 10-11-2011 07:50 標題: 回覆 57# 的帖子

你睇，頭先先講完
------------------------------------------------------------
【明報專訊】泛民區選失利，繼民主黨和民協後，公民黨亦表明與打着「票債票償」旗號的人民力量割蓆，公民黨昨晚召開執委會，宣布要重新界定民主派，公民黨黨魁梁家傑指要「把擁抱黃毓民立場的人劃出去」。已辭去社民連主席的陶君行亦表示，自人民力量離開後，社民連已和對方割蓆。

人民力量黃毓民回應此事時，對公民黨「敵我不分」感到無可奈何，形容是「打落水狗」，他認為人民力量已被邊緣化，但對泛民做法感「無所謂」，因不能控制對方決定。人民力量陳偉業亦指出，「自從他們（民主黨和民協）走入中聯辦，一早已和我們劃清界線啦，他們現在才講，是利用政治氣氛進一步打壓我們。」黃毓民承認，人民力量的負面標籤對明年立法會選舉有一定影響，下月將舉行集思會檢討未來路向。

人民力量指「打落水狗」

曾與黃毓民、陳偉業合作參選「五區公投」的公民黨，昨晚決定與人民力量劃清界線。梁家傑對本報記者表示，聽到黃毓民召開記者會，清楚表示與民主黨和民協再沒有合作空間，明年立法會選舉將繼續狙擊、票債票償，令他意會到「希望爭取每個民主同路人是幼稚和徒勞的」。

梁家傑昨日說，執委會同意在周日（13日）集思會後與民主派商談，為民主派這支旗作清楚界定，「把擁抱黃毓民立場的人劃出去」。他解釋，早前為區選落區拉票時，聽到很多市民說不想投票給泛民，因「泛民鬼打鬼，要投也只投白票」，他認為泛民若繼續包容人民力量搞內訌，只會拖民主運動後腿，令泛民旗號混淆，減低選民投票意欲，面對建制派強大的組織機器，泛民必須盡快界定旗號消除混淆。

社民連陶君行亦表示，自人民力量離開社民連後，已和對方割蓆，毋須再正式宣布，他指社民連現時左右不是人，有人分不清社民連與人民力量的分別，亦有支持者質疑社民連軟弱。他說該黨曾健成日前亦提出，面對強敵，社民連應與理念相近的政黨多溝通，陶君行稱﹕「不介意與公民黨溝通，民主黨則要再研究。」有社民連中人認為，其實該黨與民主黨理念相同，只是在政改上出現路線分歧。

前天率先提出與人民力量劃清界線的民主黨張文光批評，人民力量形左實右，破壞民主運動，傷害民主力量，令民主派支持者感到傷心混亂，部分更唾棄厭惡民主派參選人，所有民主派人士都不應再支持人民力量。

工黨未決定街工反對

也有泛民未定立場。工黨籌委李卓人表示，選舉期間市民發出強烈信息，不滿議會粗暴文化，選民對民主派不滿、信任度下跌，令到今次選民「票投民建聯、懲罰泛民」，將民主派與人民力量「當是一伙」，但他強調，工黨未討論是否與人民力量割蓆。

不過，街工梁耀忠批評公民黨等的做法「離譜」，對此反感，強調沒有人可界定誰是否民主派，「你們民主公民兩黨結盟就算，為何要界定別人不是民主派？」

http://hk.news.yahoo.com/%E5%85%AC%E6%B0%91%E9%BB%A8%E5%8A%83%E8%B5%B0%E4%BA%BA%E6%B0%91%E5%8A%9B%E9%87%8F-%E7%A4%BE%E6%B0%91%E9%80%A3-%E7%95%B6%E6%97%A5%E5%88%86%E8%A3%82%E6%97%A9%E5%89%B2%E8%93%86-211308636.html;_ylt=AkmB3H2YwkEmoPMu2NJunpb7yNp_;_ylu=X3oDMTQ4NHBsbTF1BG1pdANKdW1ib3Ryb24gZGlzdHJpY3RlbGVjdGlvbjIwMTEEcGtnAzJiZWFjZmJlLWVhMTYtM2NiOS05NjYxLWM3MmUyNjQwYWFiYQRwb3MDMQRzZWMDanVtYm90cm9uBHZlcgNlZTlkNDNiMi0wYTc3LTExZTEtYWJmMC03OGU3ZDE2MmJmZWE-;_ylg=X3oDMTFqY2k4Y2lnBGludGwDaGsEbGFuZwN6aC1oYW50LWhrBHBzdGFpZAMEcHN0Y2F0AwRwdANzZWN0aW9ucw--;_ylv=3

作者: tango10 時間: 10-11-2011 18:08

引用:

原帖由 seals 於 10-11-2011 00:04 發表

你覺得佢哋啱，你咪投佢哋票囉！

我覺得佢哋錯，咪投對面囉！

就係咁簡單！

咁又有啲唔妥喎！　你覺得對面啱投拒就啱姐！　因為佢地錯就投對面，　咁對面未必啱架？

作者: tango10 時間: 10-11-2011 18:11

引用:

原帖由 sunny2014 於 10-11-2011 02:43 發表

老老實實
你成個「泛民」咁睇佢地梗係強勢
但泛民入面D黨有幾團結？
大家心照啦
狗咬狗骨、左手打右腳，間中又輪流背刺下大家
尤其果幾個比較「行動派」既
咁搞法，唔好話60%票
就算佢地有60%議席都一樣係實 ...

咁完全唔通！　除非個遊戲規則沒有工能界別議員先成立！

作者: Alex_山 時間: 10-11-2011 19:40

引用:

原帖由 sunny2014 於 10-11-2011 02:43 發表

老老實實
你成個「泛民」咁睇佢地梗係強勢
但泛民入面D黨有幾團結？
大家心照啦
狗咬狗骨、左手打右腳，間中又輪流背刺下大家
尤其果幾個比較「行動派」既
咁搞法，唔好話60%票
就算佢地有60%議席都一樣係實 ...

我解下個問題先
點解只代表只少數激進民主派既「行動派」會入到立法會?
因為現時立法會係用比例代表制選出邊個人可以入到立法會
只係呢個幾個「行動派」能夠拎到某地區的10-20%選票就可以入到去啦
如果用單議席單票制,根據回歸前立法局數據推算,唔止「行動派」入唔到立法會,連民建聯係立法會直選議席都會大大減少

作者: stoneTS 時間: 10-11-2011 22:11

引用:

原帖由 Alex_山 於 10-11-2011 19:40 發表

我解下個問題先
點解只代表只少數激進民主派既「行動派」會入到立法會?
因為現時立法會係用比例代表制選出邊個人可以入到立法會
只係呢個幾個「行動派」能夠拎到某地區的10-20%選票就可以入到去啦
如果用單議席 ...

單議席單票制..一d刀冇錯,仲有UC/RC 80席直選議員
回歸前選舉制度確實比現在建全

作者: stoneTS 時間: 10-11-2011 22:39

引用:

原帖由 CrazyBoy 於 9-11-2011 00:51 發表
其實點解咁多人係賓賓單野上面

都係將「申請權」一睇就睇做「永久居留權」？

佢地住夠七年只係有權向入境處「申請」，並唔係擁有「永久居留權」

批唔批個申請係睇入境處

公民黨只係提出以現時法例唔容許 ...

坦白講,香港有冇人提出要減少大陸單程證接收？
論爭飯碗,爭福利...的威力,每天150張單程證,內地輸入專才..我覺得會比外庸來港大囉
果d指責人地禍港既團體,亦不見得正義凜然

作者: seals 時間: 10-11-2011 23:02

公民黨登廣告道歉止血 ???

無錯！仲乜要道歉！

http://hk.news.yahoo.com/公民黨登廣告道歉止血-梁家傑-不支持大量外傭獲居港權-211324625.html

作者: tango10 時間: 11-11-2011 22:40

作為一個政客就算錯了......都不能認啊!

作者: Boniface 時間: 12-11-2011 01:47

引用:

原帖由 stoneTS 於 10-11-2011 22:11 發表

單議席單票制..一d刀冇錯,仲有UC/RC 80席直選議員
回歸前選舉制度確實比現在建全

市政兩局係最民主的選舉！
可惜當年特衰政府怕佢太大權，所以殺局
而家睇下呀，拆左權之後，康文署，食環署做到成pat野咁.......
無人民監管的機構，算吧啦

作者: Alex_山 時間: 12-11-2011 08:44

引用:

原帖由 Boniface 於 12-11-2011 01:47 發表

市政兩局係最民主的選舉！
可惜當年特衰政府怕佢太大權，所以殺局
而家睇下呀，拆左權之後，康文署，食環署做到成pat野咁.......
無人民監管的機構，算吧啦

基本法設計成"行政主導"的法律體制
立法會議員凡提出有關公共開支、政治體制及政府運作的法律草案
係需要事前得到行政長官的書面同意(香港基本法第74條)

香港立法會的監察權力根本唔足夠

歡迎光臨 CGF (http://www.wargamehk.com/cgf/)