CGF - Powered by Discuz! Board

標題: 個心好亂.... [打印本頁]

作者: HiuPaTricK 時間: 30-3-2012 04:48 標題: 個心好亂....

唉.琴晚係facebook同左自己鍾意左好耐既女仔表白...點知原來佢冇耐之前識左個男仔.而加同個男仔拍緊拖.....小弟自問又唔係好靚仔....讀書又屎...又唔大隻...

..... 仲要人地係外國人.....開口又好難.....驚自己講錯野..所以遲遲都唔表白....而加都唔知點......自己成日諗住個女仔....定唔到性讀書..好對唔住爸爸媽媽....另一方面成績愈來愈差...搞到自己已經好想自殺(其實都有諗過...但係太對唔住爸爸媽媽...所以好快就唔諗)...... 仲要之前自己咁傻...為左個女仔miss左個機會好另一個地方讀好D書......而加個心亂到唔知點講....今日我覺得自己好似個心有野整住咁....好唔舒服... 大家覺得我應該點做.... 我而好似睇起來沒咩事...但係我個心好唔舒服...

作者: christopher 時間: 30-3-2012 08:53

讀好d書sin la......自殺?對唔對得住ar爸ar媽?

作者: Tango1997 時間: 30-3-2012 09:52

搞好左自己個角色先。。。。。每個人都有一個角色。。。。。學生既角色。。。。。責任係讀好D書

作者: samsamsam 時間: 30-3-2012 11:00

師兄 !!!
第一 : 表白應該面對面講 , 點會係 FACEBOOK 表白 ??!?!
第二 : 讀書唔好都唔係自殺理由 , 自殺係逃避責任 , 只係因為讀唔到書或者感情而自殺 ?!?! 我都係讀唔到書 , 出到黎社會工作 , 咪努力 D ! 唔係讀唔到書就世界未日 , 做人要有目標 !

好多事都係時間會沖淡一切 !

作者: rho837 時間: 30-3-2012 11:34

你唔開心! 我絕對理解! 得不到自己深愛既女仔..........真係有"想死的感受! 再加上讀書屎! 死多兩成.......

冇計! 幫你唔到! 因為個個男人都會經歷同你一樣既事情!

只可以講句, 去教會信耶穌, 神會幫你.

問下你自己! 你係咪要同呢條女有下文:- (做老公給所有時間比老婆! 佢發你皮四你一句聲都唔發! 做老頭教育仔女成才.......帶頭養家(張自己全部玩既錢養家).......結緍生仔.......泊拖識女仔........讀完書........現在的你.......自由的你)!

如果想溝女feel! 追唔到! 只係自己想就算啦! 讀書係呀老頭老母比你既免費禮物.......有冇能力讀都要完成! 將來揾幾多錢同你今天附出係99%成正比! 同樣你將來既女友...老婆質數都係睇你揾幾多有關......老頭養你都只係＋幾年! 之後你自己出來硬食一生! 好不好就睇你今天行乜路....... 自由最重要! 玩多點運動! 將來你就明白我地班行過呢條路既人講既說話!

[ 本帖最後由 rho837 於 30-3-2012 11:36 編輯 ]

作者: 衰人 時間: 30-3-2012 12:09

你仲有大把青春大把機會喎你讀好d書佢把啦

你讀好書佢等第日有份好工就可以俾你有能力去揀你想去愛既人..你無謂要你第日果個同你一齊捱啦係咪
坦白講你話你鍾意佢好耐啫噤有幾鍾意呀???無佢唔得???無左佢會好後悔???
我唔覺得你真係好鍾意果隻.....我只係覺得你自己因為講遲左miss左而唔開心多d
人就0係噤嫁嘞我當你真係同佢一齊之後噤又點???可以一生一世???第日唔好彩唔一齊噤點呀???
自己都未攪掂既時候就唔好諗噤多野住......仲有自殺係無用既你估有邊個會傷心咪只係你屋企人囉...明白未呀

作者: louisli 時間: 30-3-2012 12:53

女仔之嘛，今次只係timing 唔岩
搭把士送車尾都送唔少啦，人生就係有太多野係好無奈，可能到最後都係徒勞無功架，但係咁樣而結束個生命？個世界咁大，仲有咁多野玩，點都唔值囉。山不轉路轉，路不轉人轉，轉個彎總有希望

專心自己學業先啦

作者: starfox 時間: 30-3-2012 15:02

樓主, 唔駛咁灰既, 星期日返下教會崇拜, 安靜一下自己既心, 是不錯的。一街都係囡囡, 唔駛死既, 香港地女多男少, 駛驚冇女?
記住沒有最好的女, 只有更好的女!

作者: ~~方~~ 時間: 30-3-2012 15:06

女死女還在, 下個更可愛...黎個唔得咪下個lo

你而家追唔到, 搞到你讀唔到書...到你追到既話, 你都係一樣讀唔到書架, 果陣時會更加冇心情...

黎d事冇必要放係心上, 不如放過自己, 做d有意義既事, 將你果股怨氣發洩啦

遲d你一定會發現一個愛你, 對你好既女仔既

作者: HiuPaTricK 時間: 30-3-2012 15:23

多謝各位師兄...... 開到少少啦

作者: 潛陣水 時間: 30-3-2012 15:28

拿樓主, 以下說話你唔好火丫下, 想睇就反白啦

學人玩殉情,你咪傻的嗎啦,你估做戲牙

作者: HiuPaTricK 時間: 30-3-2012 15:31

唔係殉情呀= =......係讀唔成書個心好對唔住呀爸呀媽

作者: gtoray 時間: 30-3-2012 15:39

小事一樁，第時你大d望返轉頭就會一笑置之
比你早d表左，個女仔都未必同你一齊
依家人地已有男友亦用不著直接拒絕你
好老實講，你都冇為個女仔做過d乜，負出過d乜
一廂情願自尋煩惱，少少事就要生要死？
你咁後生，仲有大把野要體會，大把女等你溝
大把人比女飛，老公去滾，老婆勾佬，生意失敗都未洗死啦

你諗下你呢d算乜野碎料？

作者: gtoray 時間: 30-3-2012 15:42

引用:

原帖由 HiuPaTricK 於 30-3-2012 15:31 發表
唔係殉情呀= =......係讀唔成書個心好對唔住呀爸呀媽

咁咪未來努力d，孝順d，報答父母囉！
唔通你覺得以死謝罪係對得住佢地？

作者: Valkyrie 時間: 30-3-2012 15:42

引用:

原帖由 HiuPaTricK 於 30-3-2012 15:31 發表
唔係殉情呀= =......係讀唔成書個心好對唔住呀爸呀媽

已經做左的無得怨，只好認真諗下今日開始點樣對得住佢地囉

作者: rho837 時間: 30-3-2012 15:43

讀書! 當你likey時! 自然明!

作者: Vindicator 時間: 30-3-2012 19:11

塞翁失馬焉知非福
雖然你唔可以同佢一齊
但可能係你福氣
因為你起碼唔駛比女煩

而且就算你真係同佢一齊
係禁真係你心中想像禁美好?

作者: HiuPaTricK 時間: 30-3-2012 23:05

各位師兄講完我個心真係好左好多.... 果然CGF既師兄係最大方得體..

歡迎光臨 CGF (http://www.wargamehk.com/cgf/)