發新話題
打印

初哥及新手買槍對店鋪疑問@_@

初哥及新手買槍對店鋪疑問@_@

(認真)用小弟我理解既答啦 .........未必岩架..........討論下籮

係好耐好耐之前....玩具汽槍只有好小既專門店....玩既大多數都係日本既進口貨....到左中期亞洲四小龍之一台灣....開始生產翻版既汽槍(如ss9000之類至拖喉銅胆....後期係國產貨既出現l;

以前wargame未有咁流行既時候....只有一D文具店....同玩具店夾雜其他貨品出售....我試過係(香港屈臣氏)買日本汽槍....佢地既角色只係銷售...買時也並没有試槍服務...到後期出現左比較有規模既槍店....亦有揸上手感受下既服務....但每個行業都會有一D規則或不成文既規矩....都係從經驗變化出泥。

1.為何一般買槍時不能先試操作呢?(如拉動上鏜或扣動板機既動作)

  答:   玩具槍大多數只係用塑膠及合金件組裝而成,你拉動每一槍都會對槍枝零件有所損耗,如刮花或零件經多次操作導至貨品外觀殘舊及失靈,所以大多數售賣汽槍既店鋪職員,會係比枝槍過你手之前告示你,請勿對槍枝作出任可操作、扣雞、拆匣、分解之類既任可操作....飾櫃裡面既槍就係貨....貨就係錢....所以希望新手買槍之時理解店員既造法、指示及介紹。

2.為何有很多店鋪會在你購買前要你先比錢,後試槍呢?

  答:   原因係店鋪行內既長久經驗....對於一個初哥....汽槍給與你無限既憧憬....如外型、比例、威力、射程......等等 但自古以來...日本制造既模型汽槍玩具有佢自己本土既一套法例限制(物料及威力)....當年用一般銷售方法去賣槍既店鋪都會遇到~~....好多人買槍(未比錢)試完....客人對祈望既威力、震撼感、未如理想,試完槍就拍下屎忽就走左去....好多原因係>>嘩~!我千幾銀買枝槍一面汽水罐呀,瓦通紙呀,都射唔穿,唔買啦,買左正傻仔byebye~~!....店鋪好無奈....客試完唔要,個個都係咁,枝槍新貨變舊貨
由於咁既情況經常出現....引致產生左行内不明文既銷售規則....店員會同你講:外觀檢查完要買就要先付款、後試槍,試完操作同功能無問題後你要要左枝槍,如果唔得係會開另一枝比你試到得。......所以就出現左一般先比錢、後試槍既不明文行規。


3.為何買槍一般都會有....貨物出門,永不退款呢?

    答:   原因有好多...見過聽過都唔小....
    (先斬後奏、買左番屋企,家人反對,回店要求退款)
    (回家後好奇分解研究後組裝,但失靈、當成生產商質量問題,回店要求退款)
    (回家後自行改裝威力,未達要求效果,回店要求退款)
    (玩完一場wargame發現唔岩玩呢個遊戲、回店要求退款)
    (使用電壓不正確電池,錯誤操作,選用劣品BB彈而導致槍枝失靈或損壞,當成生產商質量問題、回店要求退款)
    (回家因為自已唔小心跌爛左、當成生產商質量問題、回店要求退款)......等等
     所以買之前緊記檢查清楚....因為你出左店鋪門口,無野證明到你有無跌過落地,有無偷龍轉鳳,你對枝槍造過乜,或者乜都無造過,都係證明唔到。
     現實中亦有小部份既生產商成品甪料會出現問題.....但唔洗太担心.....出現零件問題既廠家會透過業界公報,如提供免費更换問題組件來解決問題


4.為何有部份槍店有槍枝給你無限把玩試玩而其他無既?

答:   1.......呢個係不同店鋪既生意手法,不與致評。
        2.......店鋪係某品牌代理....生產商有能力比出免費既貨品給代理作推廣,供客人把玩及試用。
        3.......絕大部份槍店都没有樣版供購買客人試玩槍枝....這是正常的......除了一D品牌專門店、陳列室、代理商或品牌活動及產品推廣活動


5.為何有一D店鋪買槍會有保養期,而其他大部份都無呢?

答:   1.....銷售及推廣手法,不與致評。
        2.....正如我之前所講....你出左門口,無野證明到你有無跌過落地,有無偷龍轉鳳,你對枝槍造過乜,或者乜都無造過,都係證明唔到。
        3.....任可汽槍產品....經操作後...都係會存在有損懷、老化既問題....而提供保養期亦只會係提供維修技術支援...當中所須更换既損壞組件費用都係要用者自行承担(鳴謝 JFCP師兄提供)

6.為可店鋪給你試槍時會試用不同種類既氣体呢?

答:   不同國家既生產商都要符合生產地既法例要求.....所以某些玩具槍生產商會有...海外版...台灣版..等...版本分别(用料、刻字、顏色、威力都有機會有所不同)
       1.如你想購買日本版槍既時候...店員會用134A型號氣體比你試槍...你又會反問店員...能否使用壓力較大既氣体?...店員只會好肯定咁同你講:[唔得]....!
       因為如果佢同你講用得,所有係槍枝用錯氣體既責任都會歸究店員...所以有時自已知到用得...但作為店員既佢,一定會話唔得。
      
       2.電動槍亦係有本身既工作電壓限制(請參閱本身槍枝說明書)
       3.買台版或國產貨點解唔用134A試槍....因為台版或國產未受日本法例限制....所以用料(大多數全金屬)及威力(高於0.8J~1.4J)都會有所不同...如用134A氣体比你試槍...係發揮唔到枝槍應有既正常功能...所以會用一般既猛將ET-1000型氣体比你試槍。
       4.至於日版氣動槍能否使用猛將ET-1000型氣体?....請向各大槍店維修技師查詢


7.自已枝槍壞左...出左問題...我要向店鋪追究

  
  答:   大部份店鋪都只係銷售角色....佢地只係賣供應商既貨物....一般深入既生產質量同技術問題....答唔到你都係好正常....極其量只會將你意見反映比供應商知到了事~~!
  咁我係你度買架嘛x!!......就算世界馳名既品牌公司....諾基亞....豐田車廠....三星等世界級公司既產品都會有新產品壞機,質量或出錯回收既問題....何況係一間玩具槍公司,所以唔應該所有壞槍問題全怪罪於銷售店鋪,只取決於生產商對你既問題處理(當然有例外情況別作他論)



PS:如有師兄或前輩見到小弟呢個post有乜鬼野甩漏、意見、補充.....煩請在此post或PM比小弟提出.....小弟樂意增補或更改.....(最重要係將訊息傳比新一代wargame接班人)....多多包涵

[ 本帖最後由 tango1997 於 25-5-2012 11:27 編輯 ]

TOP

引用:
原帖由 一舊水 於 24-5-2012 15:20 發表


咁都出到門口
所以好多刀係收左錢先試槍
對於真係有心買既師兄....此舉並無不當

TOP

引用:
原帖由 Waterter 於 24-5-2012 15:50 發表


正常就係....
可惜唔正常既人太多
所以至今依然有部份店鋪原用先比錢、後試槍既造法

[ 本帖最後由 tango1997 於 25-5-2012 11:30 編輯 ]

TOP

引用:
原帖由 ayaka 於 24-5-2012 15:11 發表
講得好好
好多學生哥打機上腦。之後去槍店運吉
多謝

TOP

引用:
原帖由 Waterter 於 24-5-2012 15:50 發表


正常就係....
可惜唔正常既人太多
好多人以為槍越貴=威力越高

TOP

引用:
原帖由 於 3-6-2012 23:40 發表

果邊好似得兩間...
一間越做越大
一問越做越細

TOP

引用:
原帖由 於 3-6-2012 23:40 發表

果邊好似得兩間...
三間.....有間不對外開放

TOP

引用:
原帖由 hamihami 於 11-6-2012 12:11 發表
好文!!支持!!!!
多這支持

TOP

係既係旣

TOP

發新話題