好多香港導演拍笑片叻, 其實只係做得到香港語境既笑片.
跨地域既笑話係非常非常難度.
好多笑話係同一地生活習慣, 政治, 語言環境有關連,
強如黃子華, 去到深圳隔條河已經唔係下下引到人笑,
又如周星馳自從搬左上天比高, 都拍唔返獅子山下港人D基層生活, 佢D笑片已經唔再好笑.
山上山下, 河裡河外, 已經兩個世界, 何況杜汶澤唔係大馬人, 去到大馬咁遠拍笑片.... 9成唔會成功.
但呢D都唔係人品或政治取向問題, 係語言文化隔閡問題.
橙係應該同返橙比既, 如果杜生拍返香港笑片, 而唔收得既, 到時先笑佢都未遲.
又或者王晶拍返套體育文藝, 又收得, 或者拍到有獎手羅, 我咪寫個服字囉.
ps. 講開又講, 周星馳當年最好笑果套叫國產零零柒, 又係最政治唔正確, 但現實就係越政治唔正確越好笑.
要求一個笑片藝人完全政治正確, 講野十足八股佬, 無凌無角, 呢D笑片真係搵鬼睇
[
本帖最後由 pbay 於 18-1-2018 14:33 編輯 ]
