22 12
發新話題
打印

而家係莫斯科時間1752

引用:
原帖由 hendry9881 於 25-8-2018 08:37 發表


第一架係咪 圖95戰略轟炸機?
係,佢隔離仲有隻Tu-160

TOP

今次尼個SHOW係我由一個台灣人口中聼到,每年大概尼個時候開SHOW,如果唔敢一個人去我聽聞有個荷蘭佬搞團去,不過詳細唔係好瞭解。相對於莫斯科航空展好似話4000盧布一張飛,尼個SHOW簡直平到笑,除左頭一日係VVVIP專屬一般人無得去之外,跟住兩日係for專業人士,一日飛係1200盧布,跟住三日係公衆日,一日飛更低至400盧布。而可以玩既野更加係多到爆,好似我中意飛機大炮坦克,佢個SHOW有三個會場,其中主會場係Patriot Park愛國者公園展覽館,俄國人會將佢地現役既坦克大炮裝甲車飛彈發射車統統擺出黎,祇要你唔係刻意去破壞佢地會由得你上去擒上擒落,甚至包括你可以擒上去白楊M ICBM(洲際彈道飛彈)發射車上面影相扼like,我今次衰在一個人去,無人幫我影
https://en.wikipedia.org/wiki/Patriot_Park
展館入面係要買飛登記領取通行證先入得,通常係俄國自己既軍火商擺檔,有好多俄軍自己都無或者唔夠錢買既高檔貨,再入到内部展館有關於軍事科技既展覽,或者重工業產品,但亦有例如俄軍軍服同鞋靴手錶其他裝備供應商在内擺檔,有D甚至係現場賣貨零售,當然唔少得槍械生產商,有各種槍械擺o係度比你摸。

航空分會場位於展館附近一個Kubinka軍用機場,係大會指定其中一個穿梭巴士站可以直接坐過去,而由主場館過去要轉兩道巴士,尼個航空分會場明顯就係飛行表演,影飛機,佢最大賣點就係飛機表演完滑行返黎係離觀衆圍欄好近,近到你幾乎摸到佢,飛行表演就唔一定話特別精彩,勝在個位夠近。
https://en.wikipedia.org/wiki/Kubinka_(air_base)

陸戰展示場地位於另一個分會場Alabino,每年俄國同中國等國家搞軍事競技大賽其實就係尼個地方,同一個場地尼個Show期間會有兩栖登陸作戰實彈演示同陸上裝備演示,會有坦克 裝甲車 大炮 火箭炮 高射炮現場射,下下真彈堅會爆,有時或者會有由隔離航空會場飛過黎既飛行隊過場,甚至會有武裝直升機現場表演對地射火箭之類,不過我唔好彩,我去影坦克場個日佢地放我飛機,到我去影飛機個日又親自係個機場目送佢地去坦克場表演
https://en.wikipedia.org/wiki/Tank_biathlon

最後根據我上面幾樓個大會官方網頁資料,佢地話有個燒槍區,可以燒既真槍根據張名單上有過百種,但個SHOW實在太大,我行唔完,確實係個遺憾

最後愛國者公園附近係Kubinka Tank Museum,尼個博物館其實係本地區比愛國者公園仲要早既設施,佢館藏十分之豐富,尤其係二戰時期既古董係二戰坦克迷朝聖既必去之處,個度可能坦克多到唔志在,你會偶然係路邊望到JS2、T34之類俾人擺公路邊做擺設,佢Kubinka1火車站一出站亦會睇到一架T62做成既紀念碑,可以話當地既坦克文化相當大。
https://en.wikipedia.org/wiki/Kubinka_Tank_Museum

[ 本帖最後由 Hamlet 於 4-9-2018 02:10 編輯 ]

TOP

去莫斯科直飛而加可以揀香港航空既HX2019或者俄羅斯航空Aeroflot既SU213,前者係世界杯之前開既唔知跟住仲會唔會繼續做落去,前者係用A330後者係用波音777,我今次去坐香港航空返坐俄航,感覺俄航部機比香港航空部稍爲舊小小,不過俄航既高級經濟艙平過香港航空,座位舒適程度同等價錢之下好d,亦有個航綫係坐芬蘭航空飛到赫爾辛基再轉去莫斯科,有新款A350坐。莫斯科有四個機場,其中香港航空飛過去係用Vnukovo(VKO)機場,位於莫斯科西南部,而俄航就用Sheremetyevo(SVO)位於莫斯科西北部,如果你地去既話唔好搞錯機場,否則好大鑊隔好遠。

我今次去選擇既酒店離我出發去會場個火車站Belorussky行路幾分鐘,搭地鐵去紅場、克里姆林宮都係三個站到,不過我出於節省,揀選既酒店比較殘舊,如果下次你地去又好捨得既話附近有五星級靚酒店
https://en.wikipedia.org/wiki/Moscow_Belorussky_railway_station
火車站有自動售票機,有英文可以揀,比錢可以用現金或者信用卡,去今次尼個Show就要揀個到達站係Kubinka1,一程154盧布,張飛要keep住出閘入閘用,張飛你買左之後當日你搭邊一班過去都得,但你要切記係車站個led mon上面睇清楚去該方向既列車係幾號月台上車,否則會好麻煩,個站係蘇聯時代設計,使用極其唔方便行錯月台要兜好遠,最方便就係預先裝俄國鐵路公司手機app,可以查到你當日要坐既路綫時間
https://pass.rzd.ru/main-pass/public/en
尼一程火車要坐成1個半鍾,車速可能慢過東鐵小小,不過係唯一選擇,千萬記住唔好嘗試租車自己開過去,條路好細,經常塞爆

會場食飯方面因爲我唔識俄文,買熱狗漢堡包係最簡單,手指指就得,買野飲可以用自動販賣機,1000盧布佢都用得,現場亦有唱散紙大餅既機器,通常一個熱狗或者漢堡包150到200盧布有交易,水一支一般50盧布,可樂75到100盧布不等啦,我換左50000盧布,一半比左住宿,買幾樣手信加上幾日食飯交通飲野到我走個日仲有8000幾盧布剩低。

[ 本帖最後由 Hamlet 於 5-9-2018 00:04 編輯 ]

TOP

回17# 18#

謝謝樓主詳盡的文字分享,十分有參考價值. Thx for sharing.

TOP

好詳盡,攪到心都郁哂。多謝分享
Exemplo ducemus
[img][/img]

TOP

我梗希望下届多d同聲同氣既人一齊去啦

[ 本帖最後由 Hamlet 於 5-9-2018 02:16 編輯 ]

TOP

引用:
原帖由 Hamlet 於 4-9-2018 02:06 發表
今次尼個SHOW係我由一個台灣人口中聼到,每年大概尼個時候開SHOW,如果唔敢一個人去我聽聞有個荷蘭佬搞團去,不過詳細唔係好瞭解。相對於莫斯科航空展好似話4000盧布一張飛,尼個SHOW簡直平到笑,除左頭一日係 ...
Thank you very much for the intel.

TOP

 22 12
發新話題