RCOOH

咁快有得睇？？

撲！

RCOOH

用左8000銀搶部mate20pro首發都唔爭左果一舊水，"流"都唔怕啦。

RCOOH

率先做白mouse去買本原著小說，點知，我頂，成本野咁L厚得果廿幾頁係流浪地球既正文，其他係作者其他作品大雜炒。

得果廿幾頁紙都拍得出戲，同聖經電影兩三章經文拍出兩粒鐘大製作簡直有得揮。唔劇透，但原著真係睇到媽媽聲，真係乜9 is this！故事世界觀既描述比電影版係黑暗唔少，但細節上亂到PK又有d前言不對後語，氣氛營造得淡過蒸餾水兼且本應既高潮位去得快過高鐵.......

RCOOH

好，琴晚睇完。除左個導演好似同車有仇，關於車既CG特別弱，同埋氣氛營造方面衰收尾之外，其他都好滿意。

成套戲係聯合國大匯演，冇錯，唔係中國大哂，更加隻字唔提共產黨，係關鍵時刻都係跨種族合作，中國諗到做到既野其他國家都諗到做到，甚至搶先過中國一步做到，同荷里活好唔同既係主角群黑仔到PK，不斷堆屍結果乜都遲人幾步，死既枉死，做既白做。

主角準備救杭洲發動機結果行到半路已經全機組連地下城certified，但印尼人搏命整番好蘇拉威西發動機仲成為救世關鍵，最後拯救世界都係全人類無分種族一齊努力既成果，唔L係美國民主超人救世界。

RCOOH

引用:

原帖由 LCH925 於 13-3-2019 20:55 發表

大劉D小說，寫得最好都係《三體》。
歷史感有，文筆有，角色生命都有。
短中篇就推薦吞食者，寫得都好好
至於＜流浪地球＞，講真，其實我覺得寫得一般

因為寫流浪地球果陣正值佢就黎冇工開，所以寫D野好灰又有D混亂。

電影版根本就係超級二創，除左主要故事骨幹冇變之外，時序、科技、緊張位等等都超級大執位，而且劇組特登請真科學家黎一齊玩大佢。

係，推地球係班顧問科學家都覺得唔科學，但後尾得到共識，係扣除呢個前提下盡量執到最正，於是你就見到各種hardcore到出哂汁既情節。

RCOOH

引用:

原帖由 LCH925 於 14-3-2019 14:16 發表

可以視流浪地球係三體電影版的一個小測試
如果三體做到呢個電影版的效果，咁肯定好正

流球本身係中短篇小說，係本小說集既36至75頁，總紙數39張但實際塞滿佢得38頁，但實際電影劇情係63頁最底到65頁尾咁大把，頂多加一頁行星發動機既說明文，that's柯。

成套戲係超級無敵二創同人誌，框架得3頁零，其餘係唔違反作品原意既情況下就可以自由發揮，而且電影版故事本身格局真係細，好控制得多。如果係長篇小說隨時要拍成幾部曲，冇時間醞釀世界觀又唔得，用多左又比人啡悶，而且點都好，實話，上面目前既情況唔利於拍有連續性既長篇作品，意識形態既野五時花六時變，一時放行一時紅燈。拍一集完短篇作品，上到畫賺哂錢之後話知你世界末日都唔關我事，拍長篇？第一部上完幾好評都好，開第二部果陣突然間一個禁令落黎你點搞？改劇情又死，唔改上唔到畫，斷尾仲大件事.....

P.S.原作流球係否定好多國際價值同道德倫理，照搬屎梗，所以比人切剩舊花膠再砌條綿繡多味魚出黎係好正常....

[ 本帖最後由 RCOOH 於 14-3-2019 21:47 編輯 ]