Xgun

話說小弟枝我們 1911 匣底漏氣, 原因係個密封膠圈唔係好似 O ring 咁圓型係有角既長方型, 佢可以封死四條邊, 但個角位就點搞都唔掂, 又落 silicone 潤滑膏又嘗試過將個角位既金屬面拋光都只係得一陣, 過幾日又再漏過.

最後試下用呢隻係淘寶揾到既 silicone 膠. 佢既特性係流動性俾一般玻璃膠高好多,可以自動流平,估計可以封死D罅位

為咗要試下呢個方法是否可以解決更嚴重既漏氣問題, 小弟特登係個匣底膠圈上面切兩個凹位. 之後試過漏氣真係超勁, 唔單只聽到漏氣聲, 仲可以睇到一條白煙噴出嚟.

D silicone 膠係落係匣身既內側, 同個膠圈接觸既金屬面.  事前並冇清洗過D潤滑油

跟著枝槍就差滿氣擺埋咗, 之前測試過隻匣差滿氣打空槍係可以打到 58 發, 擺咗九個月後今日囉出嚟發覺可以打到 43 發, 結果算係好滿意

[ 本帖最後由 Xgun 於 14-5-2020 23:41 編輯 ]

~~方~~

想請教小小問題, 如果匣底要換parts, 咁仲拆唔拆得甩, 同埋清潔易唔易？

之前試過用一D 厭氧膠, 都密氣到幾年既, 不過之後爛左oring, 拆開之後發現D 膠變左石屎咁, 執左好耐先磨番平, 再上新oring

2slow

首次聽聞樓主的 silicone 膠, 睇黎可以一試
小弟用開爭口膠, 一直都無問題, 如之後匣底要換parts, 都可以拆得甩, 清理亦簡單

Xgun

引用:

原帖由 2slow 於 14-5-2020 10:05 發表
首次聽聞樓主的 silicone 膠, 睇黎可以一試
小弟用開爭口膠, 一直都無問題, 如之後匣底要換parts, 都可以拆得甩, 清理亦簡單

爭口膠, 玻璃膠, 同上面既 silicone 膠都係同樣物質, 係矽膠, 上面隻品種既特性係流動性較好( 即係稀D ), 較容易滲入罅位.落少D都得

Xgun

引用:

原帖由 ~~方~~ 於 14-5-2020 00:28 發表
想請教小小問題, 如果匣底要換parts, 咁仲拆唔拆得甩, 同埋清潔易唔易？

之前試過用一D 厭氧膠, 都密氣到幾年既, 不過之後爛左oring, 拆開之後發現D 膠變左石屎咁, 執左好耐先磨番平, 再上新oring

我冇試過拆, 但因為D silicone 膠乾咗後係軟, 大力扯我估應該得, 因為我冇抹走D潤滑油, 所以D膠唔會黐得好實, 應該好易可以刮走

請問師兄用過既厭氧膠係邊隻 ? 我只用過兩隻 Loctite 厭氧密封膠,全部都只可以用係金屬同金屬既接觸面譬如嘩佬既絲牙, 匣底同匣身之間應該唔得, 一來因為 O ring 係非金屬, 條罅又太大, D膠應該唔會乾, 我用過既厭氧密封膠乾咗都係硬, 但都可以用手指甲刮走, 唔駛打磨.

JFCP

謝分享!! 收藏!!

rho837

好方法