發新話題
打印

[others] 有關手槍套一問

回覆 1# 的帖子

實戰就算真鐵都比較少係咁樣搭配然後加個套。

如果師兄要用黎做後備槍,又要快,又要裝咁長既管,可能只有類似CP GUN CLIP既手槍夾可以做到,個抆槍方式就會同“傳統”槍套有D唔同,同埋一定會比較慢,最後就係視乎你用乜消音管,就算你用GUN CLIP都有機會頂到腳,同埋支消音管外露好快會殘晒。

如果唔係要加支消音管,你既選擇會突然多左好多。

[ 本帖最後由 derp 於 1-8-2021 12:22 編輯 ]
"At the common law no man can be prohibited from working at any lawful trade, for the law abhors idleness."

Sir Edward Coke

TOP

回覆 7# 的帖子

其實你用得消音管,又要上電筒(重要X400V 係突左舊野係底),又要用紅點鏡,基本上所有KYDEX 由上抆槍既廠套都做唔到。當然你可以訂造。只不過支管太長,就算個訂造套可以接受到消音管粗過個滑架,支槍插得太入,要抽返出黎完全離開個套先再推槍,練習抆槍要有返咁上下,另外會非常慢,同埋練唔夠一定會成日出槍頂到消音管。所以你提隻暴龍套又好,鹿牌又好,其他所有類似既膠套都好,基本上都唔使諗,唯一只可以係側面出槍:我提過CP GUN CLIP,或者再樓下有人提GA HOLSTER, 或者類似IPSC個D 吊住支槍既咁就可以。但係基本上支槍就要對住風吹雨打。如果你用黎打比賽,無問題,但係用黎去打AIRSOFT,你可能真係要諗諗,已經擺左咁多菇池野上去。一支X400 都成5000 幾,又RMR都要二三千,刮兩野花晒就唔好。而且氣槍一入沙基本上個滑架就會卡住,返屋企有排你洗。

另外用布套都唔係唔得。以前HK MK23 都係有布套可以俾佢入。但係抆槍個個問題依然係度,而布套要入槍,因為好多布套用拍褸,亦都係一件好花時間既事。相反,消音槍如果師兄你係玩氣槍,G17應該係無出過NBB,條管一係用黎加力,一係用黎玩COSPLAY,實戰無乜用。所以其實你有無考慮唔用消音管?
"At the common law no man can be prohibited from working at any lawful trade, for the law abhors idleness."

Sir Edward Coke

TOP

回覆 15# 的帖子

如果無左支消音管已經容易好多. 如果無埋個紅外線鐳射就咁用肯定火X300 就更簡單. 講真, 我自己打, 如果用到夜超其實都唔係太鍾意手槍用紅外線鐳射, 個手感同無夜超差太遠. 寧可用紅點或者直接用白光好過.

答返個問題, 即係你支17 會變成突管, 加左X300 另外加RMR. 大部份可以上電筒既膠套都可以就咁直上. 只係留意個槍咀位會唔會個套本身無預你有突管, 你可能要用G34 既套入 (睇下我之前問關於6354DO 套個PO 有提到: http://www.wargamehk.com/cgf/vie ... page%3D1&page=1), 另外就係留意隻套有無做RMR 個位. 例如鹿牌6004 係上唔到紅點鏡, 因為個SLS 會頂到.

至於你一開始個問題係"通常"會用乜套, 睇下你用黎做乜. 人地鍾意唔代表岩你用. 我自己玩槍同一支G17 打乾火當做訓練都有3 隻套, 其中兩隻係鹿牌, 一隻係所謂"MID RIDE", 即係係腰下一兩寸到, 另一隻係大脾套. 亦都重有隻係隱藏式 (即係西裝入面個D). 每隻都有好有唔好. 基本上, 如果你話玩AIRSOFT, 第一樣野你要留意既係支槍保護得好唔好. 支玩具聽你個講法淨係D 姑池野都已經成6000 - 7000 蚊. 你就算用返X300 都要4000 蚊啦夾埋. 保唔保護到, 會唔會好易跌槍, 同埋會唔會係身上面周圍走, 抆槍抆唔到同一個地方? 基本上KYDEX 套, 就算係一般既LEVEL 1 都已經做得唔錯. 除非你要好夾硬拉扯, 都唔會點樣跌, 亦都依家用MOLLE 夾上腰 / 背心, 或者係用硬腰帶, 基本上都唔會移太多位.

其次就係出槍同入槍速度. 即係出槍會唔會要埋D 不必要動作. 舉個例子, 美軍舊式公發M12 槍套保護性非常好. 基本上你支槍唔會入泥, 亦都唔容易跌槍, 亦都夾得非常實, 所以即使點爬都無問題, 我有段時間玩毛毛蟲都係用佢. 但係佢抆槍, 要首先搵隻手指向下拉開條橡筋, 開套先再抆槍. 抆得黎人地己經開左5, 6 槍. 但係作為毛毛蟲既後備槍槍套, 佢無得彈.

同樣道理, 如果你係單求抆槍快, 入槍快, 可能鹿牌ALS 套會非常適合你. 但係同時佢真係好易俾人搶槍 (唔知呢個係咪你既考慮啦). 相對黎講, 如果鹿牌SLS套就唔易俾人搶, 亦有返咁上下速度, 不過出槍比起ALS 我練咁耐都係一定會差0.2秒到 -- 同埋SLS 亦都用唔到你隻RMR.

即係總之, 你要考慮到底你要個套黎做乜: 係快, 保護性, 穩定性, 同埋係咪容易跌槍 / 俾人搶槍中間做個平衡點. 保護性 / 防搶防跌性越高, 速度就會越慢.

再其次就係你支槍打算放邊. 係打橫放背心? 高腰? 中腰? 大脾? 有D 牌子容許你同一個套換個轉換頭就可以放唔同地方, 有D 唔得. 呢個你亦都可能要考慮. 不過見到你支野咁多野係上面我諗你都可能只可以放腳或者大脾... 特別係你件背心係有板既話, 放背心你應該會覺得前面成日有舊野頂心頂肺唔係咁舒服, 亦都唔方便你拎肚上面既裝備.

[ 本帖最後由 derp 於 2-8-2021 21:39 編輯 ]
"At the common law no man can be prohibited from working at any lawful trade, for the law abhors idleness."

Sir Edward Coke

TOP

回覆 17# 的帖子

如果無突管就更加容易啦 (不過又點裝你支消音管?). 就係所有可以裝X300, 而後西位又唔會有蓋既膠套已經可以裝到. 你提到隻AMO 係咪即係AMOMAX? 我無用過, 睇個樣有D 似BLACKHAWK SERPA CQC -- 我都係無用過正品CQC 答唔到你個質素如何. 只不過就我以前用過一個仿品而言, CQC 個設計係本身有個走火既風險. 之前美國司法部都出過研究講呢個問題. 你提到AMOMAX 個套都似係LEVEL 2, 又係食指要放係一個好近扳機既地方黎解鎖, 平時玩下了了, 一緊張起上黎有機會因而金手指走火. 講開, 香港CTRU 一開始係用SERPA LEVEL 3, 可能都係因為呢個原因轉返用鹿 6004. 我估咋, 無關係唔知.

如果係咁, 你又唔係太驚跌槍, 搶槍個D, 不如用返LEVEL 1 算. 咁基本上你去森林或者海灣搵KYDEX HOLSTERS FOR G17+X300 已經一大堆. 而你提到暴龍套, 可以用返鹿既大脾板轉換頭, 算係一套可以多用, 你試下唔同高度先決定放邊. 個人覺得如果你係成日練抆槍, 入槍, 你會發現腰套會令你三頭肌最快攰.

至於套買真鐵定買仿品, 其實咪同你支玩具上面既野一樣. 豐儉由人, 平有平玩, 貴有貴玩. 好難答你, 要睇你肯課幾多金. 我只可以就我唯一一個仿品套 (即係之前隻CQC) 咁講, 佢D 膠做得太軟淋淋, 所以D 鑼絲裝拆幾次就已經滑牙... 係呢樣野留意. 不過90 蚊貨仔, 算數了. 但係除此以外, 我諗如果你係要硬膠套我諗應該真同仿分別唔大.

至於你提到 6354, 鹿本身裡面係有一層裡係絨布黎, 令你支槍無咁易磨花, 同埋如果唔岩角度抆槍會食住支槍, 某程度上有防搶功能, 我唔太肯定仿品有無做落去. 如果你要錫住支槍可能要留意下.

[ 本帖最後由 derp 於 7-8-2021 19:23 編輯 ]
"At the common law no man can be prohibited from working at any lawful trade, for the law abhors idleness."

Sir Edward Coke

TOP

引用:
原帖由 Aslyssium 於 5-8-2021 09:20 發表
我用緊粒Nineball supressor adaptor for M9 ,由於長期賣唔出,支Glock又未內牙就裝黎影相。

係amomax ,見跟魔100蚊隻試套淨Glock34都幾好。不過如師兄所指拔槍攰,可能自己適應左還可接受,自己練 ...
關於6354 會唔會頂到高西, 學里安師兄講, 最好都係有機會試. 我唔知你會用乜高鐵瞄. 點都好, 影左兩張圖俾你參考:





至於放邊度, 都係你喜好. 腰套會最快攰係因為三頭肌郁既幅度最大. 不過攰都係講緊抆左百幾二百次之後, 正常打唔會一抆抆百幾次槍. 考慮既時候都係會唔會就手同埋會唔會太高俾背心上面既野頂到.

[ 本帖最後由 derp 於 7-8-2021 19:23 編輯 ]
"At the common law no man can be prohibited from working at any lawful trade, for the law abhors idleness."

Sir Edward Coke

TOP

發新話題