gainax

感覺好少人討論wargame/氣槍資訊，但槍街又仍然大把槍店未執即是仍然有不少市場
唔通其實只係上一代成日買玩具同打game撐住市場，新一代已經好少投入wargame呢個運動？
我以前有玩班朋友仔都冇再玩，疫情又搞一輪停戰，唔知未來仲有冇機會有返熱潮熱新人加入一齊吹下水打下game

gainax

其實wargame呢個運動係幾有益身心，走動下當帶氧運動又可以初體驗軍人個種環境作戰
做足保護安全性比其他身體接觸運動風險低，過程互射又刺激 ，如果中意玩槍既樂趣更大了，我覺得最大缺點就係成本比較高，買裝備/氣槍成套3~5千走唔甩學生比較難負擔
加上好易比家長認為玩槍係負面，可能就係呢2個原因少左新人加入

dickyli

行波士，好多操普通話的人幫襯。

mouselkm

時代變了,正如70多歲老父說年青時喜歡跑山、到武館、公仔紙、第一、二代早期超人,我這80後不太理解這樣也好玩一樣,不同年代不同玩意,還記得當年第一支AEG 馬記MP5A4 購自灣仔UN ,好似1280一想成20幾年前,第一次「落場」是星期六在自己中學玩CQB,只有我一人AEG,其他G17、G18C等應該都是 GEN2,當年來說,我也是唯一被「爆頭」死的一個,現在買支國貨手槍也7,800,長火上千,GBBR連5,6匣更天價,相反FPS GAME4,500隻,不用租場、護具、裝備、體能,個個也超人身手打過勁,只要有遊戲機,就可滿足戰場上的快感,算了,收藏槍的人應該還有不少,但長期落場新人我就不看好

Andylee2023

引用:

原帖由 gainax 於 4-5-2023 23:03 發表
感覺好少人討論wargame/氣槍資訊，但槍街又仍然大把槍店未執即是仍然有不少市場
唔通其實只係上一代成日買玩具同打game撐住市場，新一代已經好少投入wargame呢個運動？
我以前有玩班朋友仔都冇再玩，疫情又搞 ...

先利申：十幾年前同d fd一齊打od，之後散左團無玩。個時感覺幾黃金期，打game既由十幾至幾十都有。

十幾年後既今日無咩落場自己買返d回憶玩下，個市場係有新野，見到各大cqb都幾多人開場，行槍街都會見到成班後生一齊買槍。但感覺係靜過以前，唔知關唔關疫情事？定各種娛樂多左？

當然同打機個基數比，wargame本土應該都算少眾玩意

Andylee2023

引用:

原帖由 mouselkm 於 5-5-2023 00:13 發表
時代變了,正如70多歲老父說年青時喜歡跑山、到武館、公仔紙、第一、二代早期超人,我這80後不太理解這樣也好玩一樣,不同年代不同玩意,還記得當年第一支AEG 馬記MP5A4 購自灣仔UN ,好似1280一想成20幾年前,第一次「落場 ...

係，感覺係有人一直入坑，但好似我咁，無fd一齊玩就轉成打下靶自hi或半收藏。

仲有一d後生唔玩尼樣或散左團咪直頭出清，都係個句，尼代咁多娛樂，唔係好迷好熱忱好難一直玩足十年甚至廿年。

jn_jona

其他又可能呢gen既小朋友/年青人冇咁好動
同以前既教師傾開計 依家既小朋友乖左聽話左 但就冇咁好動同轉數快諗到野玩
可能係父母過度保護左 呢樣危險果樣危險 依家去公園都見係冇遊樂設施係好玩既

同埋打game真係要拎好多野去 以前有玩開既朋友 quit既原因係覺得每次打game都一袋二袋好多野拎咁

stevechau

應該咁講, 其實WARGAME係KEEP住有新血玩的, 只係佢地同我地以前一樣, 自成一團, 我地呢D老野插唔到入去人地後生圈子啫~
當見過而家新一代之後, 其實佢地都幾肯科水玩, 對比起我自己差唔多年紀果陣, 佢地課GBBR唔手軟果下真心會令我覺得慚愧
成本高對佢地都唔燧咩缺點黎, 對佢地既家長係缺點之嘛

而且落到場果陣比較有感既係呢個GAME唔再係同性交友神器, 後生團開始多女性接觸, 有時係WARGAME場見隔離團一半都係女黎
玩既方向都比以前闊, 唔再只係COSPLAY軍佬, 可能係男COS女動漫角色落場都見唔少
佢地係多左好多野SIDE TRACK佢地玩其他, 但同樣地揀會玩WARGAME既人我反而覺得比我地當年比例多D同埋熱情D的
溝通又唔再只焗限於討論區, FB(甚至可以多左同外地玩家交流)、WTSAPP、TELEGRAM、SIGNAL呢D令到各個GP零碎化/隱藏化, 你唔係接觸得到人地就直頭唔知人頭存在咁

之於槍街少左人, 講真, 呢10年來其實槍街算係越來越少鋪睇
反而網上越來越多鋪都未必有既貨, 你夠膽買的話係可以足不出戶就買得到
唔似我地十幾年前果陣仲係得呢度&友台WARGAME友, 上網睇件既主要就係E何B, 出開去就唯有行晒咁多間望下件野咩樣目測度SIZE
而家?? 多角度拍攝、又磅重又度SIZE, 買槍唔係為左試下手感先都可以唔使落槍街買
買完又可以免運費返屋企, 唔使身水身汗係槍街托返屋企, 雖然無左個儀式感, 但多左好多舒適感囉

至於我地呢D開始變老既玩家, 既如大家所言身邊FD各有各忙越來越少玩, 越來越難開得成團
慢慢就會改左去半收藏玩法, 得閒拎出黎FRY FIRE幾槍索兩下, 有GAME搞得成既就出現
之前同某年紀比較大既CHING交收果陣吹水, 都講到而家大家開場CQB都係頭一個鐘慢慢SET裝&槍, 之後打1個鐘GAME, 再之後果個鐘就食煙吹水再慢慢碌入場打多一兩場, 跟著就攰ga喇, 執野走又一個鐘ga喇, CQB果4個鐘就係咁分配ga喇
(題外話, 果次大家真係傾得好開心, 好少有咁開心既印象的)

興其話而家WARGAME少左新一代玩, 我反而覺得可能IPSC呢D又困身又講技術門檻, 同樣又要燒錢既玩意, 可能會比較少左新血玩
唔知有無CHING可以簡介埋果迪邊既近況

gainax

引用:

原帖由 dickyli 於 4-5-2023 23:42 發表
行波士，好多操普通話的人幫襯。

個班係新移民學生？如果強國開放可以玩玩具槍，我諗多多貨都唔夠賣。。

hendry9881

自high咪算
打game咪搞我

gainax

引用:

原帖由 mouselkm 於 5-5-2023 00:13 發表
時代變了,正如70多歲老父說年青時喜歡跑山、到武館、公仔紙、第一、二代早期超人,我這80後不太理解這樣也好玩一樣,不同年代不同玩意,還記得當年第一支AEG 馬記MP5A4 購自灣仔UN ,好似1280一想成20幾年前,第一次「落場 ...

始終需要唔少體能既運動係比較難令人有興趣，可以打下cqb環境舒服d買set手槍都夠玩成本花費低
另外我估唔少人中意玩槍或想試下打wargame，只是未必有朋友仔玩埋一份搞到一丁友冇落場動力，我就係呢d人
而家都努力水班同事朋友落場 ，香港冇服役我覺得打下wargame訓練下體能都係件好事

gainax

引用:

原帖由 jn_jona 於 5-5-2023 03:54 發表
其他又可能呢gen既小朋友/年青人冇咁好動
同以前既教師傾開計 依家既小朋友乖左聽話左 但就冇咁好動同轉數快諗到野玩
可能係父母過度保護左 呢樣危險果樣危險 依家去公園都見係冇遊樂設施係好玩既

同埋打game真 ...

而家年代多左打機娛樂嘛，坐係度打機舒服又刺激係令人抗拒左做運動既
但男仔應該要keep住運動，打波某程度其實我覺得仲危險過打wargame，如果唔係成本同冇人一齊玩問題，
Wargame比年輕人感受軍人個種體能訓練真係有益身心
買支Mp7加4夾加彈同gas一個手提包都裝得哂  而家我都輕量化裝備，好似john wick咁，靈活性走位先好玩

jacko

引用:

原帖由 dickyli 於 4-5-2023 23:42 發表
行波士，好多操普通話的人幫襯。

引用:

原帖由 gainax 於 5-5-2023 10:15 發表

個班係新移民學生？如果強國開放可以玩玩具槍，我諗多多貨都唔夠賣。。

集中討論，唔好借題發揮

gainax

引用:

原帖由 stevechau 於 5-5-2023 09:46 發表
應該咁講, 其實WARGAME係KEEP住有新血玩的, 只係佢地同我地以前一樣, 自成一團, 我地呢D老野插唔到入去人地後生圈子啫~
當見過而家新一代之後, 其實佢地都幾肯科水玩, 對比起我自己差唔多年紀果陣, 佢地課GBB ...

如果多d john wick/戰爭片應該吸引到多d新人玩汽槍，而家呢個年代多人玩gbb閒閒地三千一支班學生買得起都幾幸福
我中學個陣記得第一支電槍係二手馬記mp5五舊幾水，當年冇記錯全新要一千二，三咁上下，
我買2手仲要係最舊560摩打冇錢買唔起新版eg700摩 但擁有人生第一支落場槍係好開心了
如果而家玩gbb最平價之選應該係馬記mp7，可以有班一齊玩既戰友係好難得既事，如果可以入新手gp埋堆又識下女仔
我會變成一個新人多多指教

Andylee2023

引用:

原帖由 stevechau 於 5-5-2023 09:46 發表
應該咁講, 其實WARGAME係KEEP住有新血玩的, 只係佢地同我地以前一樣, 自成一團, 我地呢D老野插唔到入去人地後生圈子啫~
當見過而家新一代之後, 其實佢地都幾肯科水玩, 對比起我自己差唔多年紀果陣, 佢地課GBB ...

exactly！完全講中小弟我既心態！（話姐係大部份開始上年紀既c兄既心態）

我都轉成網上消費多過實體店！