純WARGAME技巧(冇軍事)軟件篇 by 6MM

(1)WARGAME ~ 時間；心理

前言

有次在家看釣魚書，成本書都係教釣魚技巧(軟件)，書中好少談論魚杆、衣物(硬件)。
在wargame，大家都係談論 槍、及衣物、軍事等硬件，軟件都係在戰場內談論多，我現試下談論一下Wargame 的技巧(軟件)，望有人支持下。

今次講下時間；心理。

(當然以下有地型、槍械、人數、任務等等限制。)

["呢場打幾耐？"] 係一個你一定一定一定一定一定要問的問題，

如你得一條友，你可以問自己好多問題，由於題目講時間，請你問自己：

(我想幾時死)

如你係小隊隊長，你一樣可以問自己好多問題，由於題目講時間，請你問自己：

(你想啊邊個邊個幾時死)

例如全場GAME一個小時：

0至10分鐘為勝負期

10-30分鐘為忍耐期

30-45 分鐘為鬆散期

45-60 分鐘為放棄及狙殺期

再看回之前問題：[你想幾時死]

我想你已經明白，幾時最好殺，幾時最好死。

你會問：咁對戰場如何啊？

筆者玩初WARGAME時，香港是沒有比錢場，100%打街，比錢場設計只為勝負期及放棄狙殺期，

所以比錢場的對戰GAME，頭10分鐘已經知道勝負，之後便很短的忍耐期。放棄及狙殺期，只維持最後1分鐘上下。

如你問我點打？我通常先打勝負期，令自己隊伍安穩之後，再打鬆散期。

至於心理，與時間更為息息相關。

想開槍、心急、等候其間叫喊、忘記開始前之前陣法...
這一切都係由忍耐期跳去鬆散期的明顯先兆。
如對方早過自己有此先兆，可以說勝了一半，
精準的致命射擊，這時便幫到你。

好多時候，及大多數game友，都是以(見步行步)的心態進行攻擊，
可能大家都習慣住在城市，眼睛望東西長期處於5米內，
所以在wargame中，越係新手就越望得近，相反越係老手就越望得遠。

時間因素是影響game友由最初的緊張狀態，變為放鬆狀態，
以一個非專業而未有經特殊訓練的wargame 友來說，
由正常到緊張狀態要2-3分鐘，保持緊張狀態少於8分鐘。
要打一個普通game友，等少於10分鐘，已經有7成勝算。
普通game友好快與隊伍及陣法分離，所以玩wargame，
學習在作戰其間，用時間開始想對手的戰意及實力，比(見步行步)好得多。

6MM
7-AUG-07

此章完成，下章為 "wargame ~ 戰略"

謝謝你的時間，腦汁。

P.S.

以WARGAME ~ 時間;心理 去看

體力最強為2-10分鐘，如全隊不好好運用，勝負已分

11-30分鐘，大家以大動態轉為靜態，戰意都係高。為忍耐期

31-45分鐘，沒有了開始的2-10分鐘殺氣及戰意，引身出大量錯誤出現，包括個人及團隊。

46-60分鐘，有人已經處於放棄心態；有人戰意突然加強，狙殺放棄心態的玩家。