話說若干時間前在下攪過一支VZ61 AEG，用意是用來做狙擊槍的副武器，
雖然整體達到水準，但VZ61 的彈量跟電池井都算是弱點，沒法子那槍真的極度緊湊，而上排友人買了一支VFC MP7，
身痕之下的又買了一支，卻是電槍，在十四樓花了450 蚊買的WELL牌MP7 AEP，COPY MARUI 的，順手在EH 花$200 買了一盒五隻彈弓匣，100 粒一隻。
前車可鑑，彈量跟電池都是重點處理位置，彈弓匣一隻100 粒已經非常夠射，比起VZ61 45 定50 粒一隻好一點，
而電池加強主是是加射頻，11.1V 電是本次重點。
買番來幾靚仔，加個紅點仔總重大概1.3KG，以全自動電槍來說是非常輕。
初時以為幾百蚊買番來應該垃圾料，點知大謬不然，原裝一條頂骨兩條SIDE 骨都是金屬的，尾托金屬線 但沒有軟膠底 ( MARUI 應該軟膠底的 )，
另外金屬前後西，金屬火帽 ( 但發覺扭不下來 )，金屬SELECTOR，頗為出人意料的冇用全膠宴。
但一試之下，發覺火力只有0.3J... WHAT？ 之前買的VZ61 原裝都有0.5...
研究了非常之耐，初時以為推咀不夠長，走去磨HOP 坐背部，仲衰小便彈.. 又貼番塊膠片扮無野..
又試過拿VZ61 那份HOP 隊入去試火力，發覺加強彈弓後的波箱，打MP7 那HOP 總成只有0.4~0.5，打VZ61 足有0.7，
原來MP7 的HOP 坐，就算安裝正確，HOP 膠跟管之間都是漏氣的，很簡單測試，隊一粒BB 彈入HOP 膠，由槍咀吹氣入去，係明顯涼風送爽.. D氣由內管跟HOP 膠接合位置漏出來，
需包膠紙加強氣密。而VZ 61 那HOP 坐係非常緊的，難裝非常，但密氣。
至於彈弓老生常談拿VSR 彈弓剪就好，注意不要貪心太長，會掃的。
最終火力0.7~ 0.75左右，對這槍仔來說交到功課。
至於外觀... 有時人就是身痕，有棍就變魚骨，魚骨之後又加番支棍上去...
斬立決... 初時以為好易，點知原來MP7 槍仔入面有舊金屬的... 一來加重二來定管二來可能幫助合埋兩邊膠身，
需要拆出舊金屬分開鋸，但爆開槍身又係麻煩.. 拆哂D FIRE SELECTOR ( 打PIN )，DUMMY BOLT RELEASE 制之類.. 總之整支拆到碎哂先攪到.. 小心砌唔番...
PS. 因為改電位，拆開槍身時順便駁多兩條線加T 插
土炮SEAL 版MP7... 底骨是垃圾堆入面的一條短G36 骨，打兩個洞，螺絲，再AA膠痴死佢。。。 反正冇野裝。。
原裝的尾托只有一段即是拉到最盡，自己加凹位整個中段出來，另外原本的拉最出那坑位有點淺。。。 有時太肉緊抵肩時可能自己鬆開宿埋，撞親個鼻。。。 最好把原來的坑也加深一點，
注意除了上部的一個直角坑一個曲坑，曲坑底下都是要開個直角的，注意。
這次改槍，11.1V 是必然的，因為發覺，自己攪呢類槍的定位就是救命用，或者支援用，走位用，而此槍仔先天問題，比較難打得準，那就靠彈幕幫補一下，11.1V 電的時間可以打22 RPS ，0.7 J ，嚇下人還是OK的。
紅狼特價時買的電盒連一舊1300 MAH 11.1V 電，盛惠$230，最有型佢真係有一條紅LASER 的. .. 雖然自己唔會在GAME 用紅哩，但用來撚貓都好。
不計電池，PEQ 15 盒皮重100 克不到... 輕到呢.. ( 已連埋FUNCTIONAL 紅哩+小電 )，開紅哩的方法是扭一扭個LASER 頭，OK 方便。
原裝是跟一塊貼紙的，而原裝的膠身亦非常之膠，自己先噴一下黑色，才貼貼紙，不過貼紙有一點點不FIT ，自己稍為做一下美勞好了，
貼完後發覺膠紙非常之亮面... 消光保護友稍為噴一層就OK。完成後頗為精美。順帶一題，噴之前用BLU TAP 先遮紅LASER，不然噴完會整個廢了.. 打出來會變成一劈紅色而不是紅點了。另外，真PEQ 那選擇制有一粒藍色阻礙螺絲，
為防止無意扭向高輸出的，噴油前也先移走。噴完才裝回。
走線又是一個學問，醜醜的吊出來當然可以，但也可考慮這方法，在頂骨下面的膠位偷一個洞 ( 盡量開前一點，不然走線入去很難把母頭拿出來 )，走線出來才裝頂骨，那T 插公/母都在電池井中，美觀大方。
理論上充電時先把PEQ 蓋打開，抽出平衡線，整支槍仔拎去叉就好 ( 理論上，未實測 )
完成後的樣子，裝上COPY 558 後總重1.6KG 左右，如果覺得重，可以轉成T1 小紅點，約1.35KG，以一支22 RPS , 0.7 J , 100 連射的槍仔來說，1.6 KG 應該可以接受吧。
[
本帖最後由 Dave 於 30-5-2015 00:41 編輯 ]
