去番除銹/鏽
好多人見愛槍起銹, 本能都係覺得處理方法係磨/省走銹漬.
由於鐵、鋼才會生銹, 於是好多人又會直覺地聯想到因為鋼鐵硬, 所以要用砂紙磨.
但硬鬥硬用砂紙磨, 結果往往就係連本來的表面處理一併磨走.
鋼鐵的表面處理一般有保護作用, 令表面減低直接接觸空氣中的氧份和水份.
只用砂紙磨走銹漬的話, 不單令槍件見白, 更會產生更多額外的生銹機會.
所以, 最好, 先把這些概念放下.
銹是氧化層既一種, 銹既形成係一種電化學反應, 而各種常見金屬的表面處理, 基本上大部份都是氧化層, 例如經常提及的bluing、磷化處理、陽極處理之類.
但銹係會不斷侵蝕鋼/鐵令其氧化, 最終會把整件鋼/鐵蝕掉, 所以要避免生銹.
要移走銹漬, 其實最容易係從化學反應入手.
原理係用化學物, 把銹分解及脫離鋼/鐵表面, 這樣就可以盡量不破壞原來的表面.
而家居有好多普通材料都適用, 不一定要買什麼去銹劑或除銹液.
