在車行買車先落訂後驗車, 咁做法到底好唔好 ?
最近有好多裝音響客戶在車行買車時未驗車前便落訂, 但當驗車後發現車有問題, 想取回訂就非常困難 ! 因在簽合約時, 賣方通常會說 : 放心 ! 如水浸, 大撞, 積木車會退訂, 買家在聽賣 家這樣說都很放心 ! 其實問題就在水浸, 大撞, 積木車, 這三個名詞, 大家試想全世界有誰能夠為這三個名詞定義 ! 往往驗完車, 明明駁陣, 紅過火, 有焊接, 賣家都堅持是小事 ! 老實講 : 不是受到嚴重撞, 又怎會要維修 ? 賣家會說 : 你話積木車, 又沒駁頭, 又沒駁尾 !
大撞車應該是什麼定義 ?
大撞車原車主發生嚴重車禍事故, 汽車前後車陣變型, 以致原有汽車結構改變, 影響機件穩定性及操控性, 一些無良車房或二手車買賣公司為求圖利, 將汽車維修及翻身, 通常將車頭, 車尾或部分車身「駁頭駁尾」重新接駁後噴油, 如新車般出售, 每當發生意外, 可承受的衝擊力較正常車輛大幅減少, 一撞即散, 車上乘客隨時一命嗚呼 ! 水貨車當中之大撞車出口比例, 90% 以上主要銷售地區更是香港.
水浸車應該是什麼定義 ?
水浸車顧名思義, 車輛曾被水浸過, 車架生銹及部分汽車配件發霉並失靈, 行車時隨時「死火」, 令怕麻煩的車主不為頭痛, 而且維修頻繁, 所花費的也不少, 水貨車當中之水浸車出口比例, 90% 以上主要銷售地區更是香港, 買車人士必須小心注意.
點解車行要賣水浸車及大撞車 ?
講個故事咁講, 一個賣車場內, A 車行, B 車行及 C 車行一同開業, A B 車行大家都是賣正路車, A 車行唔明點解 C 車行的車賣得好平, 所以好好生意, A 車行明查暗訪發現 C 車行原來主要賣水浸車及大撞車, 同一型號車 C 車行的賣出價, 仲平過 A 車行之成本價, 而且 C 車行賣出之車輛, 好多都有上架驗車, 但從未被人發現過是水浸車及大撞車, 原來 C 車行有自己的維修部, 而且師父手工一流, 於是 A 車行入左幾部事故車返來試下, 再比相識車房維修, 才發現原來事故車利潤係幾咁吸引, 之後 A 車行只做水浸車及大撞車, 而且做到有自己的維修部, 最慘的是 B 車行因正路車成本貴好多, 生意一落千丈, 最後只有兩條路可行, 一是結業, 二是改做水浸車及大撞車, 但因想到轉行真係好難, 最後 B 車行也要向現實低頭, 加入水浸車及大撞車行列了.
http://www.naka.hk/faq.htm
一篇幾好嘅文章
