另外要指出一個認知錯誤，佢太行話既300個鐘係維修間距時間，按照俄式個保養習慣一般300到500個鐘就要拆落黎保養（現場保養），一般run到1500個鐘就要入廠，視乎損壞程度報廢拆解或者大修繼續用，根據引擎開發局俾既指引期限一般唔超過3000個鐘（引擎簡單分成熱端同冷端熱端個壽命係短過熱端）唔係粗用既話4000個鐘都可以。尼種做法有個極大既浪費之處就係，成個引擎入面有超過一半零件係未到壽都要報廢……
而西方既標準就係換零件用到盡，根據返佢個維修間距時間，對引擎既損壞零件更換，一直到成個無維修價值，除非係好嚴重既問題一般都唔翻廠，無論係民用同軍用都係根據尼個標準。
西式同俄式引擎個壽命係有差距，但并唔係話差到o甘離譜，應該話蘇聯人個習慣使然，一切武器都係for核大戰而做，粗擴式保養，換個新既算X數，蘇聯時代個設想係一架處於大規模戰爭既作戰飛機，好少壽命會超過220個鐘頭。唔係點解祇需要對某幾個經常處於高溫既零件做加一浸耐高溫塗層就可以將佢AL-31個使用壽命加一倍？兩個陣營個標準差異就o係尼度。
而家PLAAF個標準亦開始由俄式轉西式
[
本帖最後由 Hamlet 於 31-12-2015 20:29 編輯 ]
