Dave

以下屬瘋言瘋語抹黑思覺失調傻仔文，喜歡者可選擇相信。

昨天熟人答熟人跟某較有能力人士閒談，我是後輩，那人是吃中港兩地飯，不是平民飯，是官飯。
言及占中之事，那人士曰他不支持也不反對，就是不參與，但跟參占者也相當相熟，
話說「人士」沒久前才跟勢力人士打牌吹水，打到入夜，「勢力人士」曰：先走了，我去睇下班靚仔。
是說去旺角。

那時正在銀行做業務，旁邊SALE 佬是熟到爛的好奇一問，他們有錢收的嗎？
「人士」瞟了一眼，問道：公司不出糧給你，你會坐係度嗎？緊係有啦。
SALE 佬行開去做文件，本來後輩不應多說太多閒話彷彿平起平坐，但在下素來喜歡尋真，
恭敬多口問問，「人士」曰：坐的 $500，前面的 $1000，推警察的 $2000 以上，
上面丟錢下來，判上判交人頭就是了。

事件之前泥志ENG 買了好多期指，賺到笑，同行係人都知了。
有人問曰：有冇幾憶？
「人士」曰：幾憶？點止，唔知幾多了，而家派錢，才洗了三憶左右，在他們眼中不過是我們十蚊雞一般。

我又問道：「那學生呢？也是收錢的嗎？」

「學生就比人騎劫的」人士爽快的回答。

又曰：「泥志ENG 的政治智慧真是跟梁ENG 冇得比，爭幾皮，最死係政府團隊唔得，梁ENG 跟本唔係從政出身，不過是商家而已，點鬥。
這些國難財，只要敢賺就行了。」

至於這些「人士」的程度，就是看完蘋果A7 版後，可以督下手提就打到比某人曰：喂你比人起名WO，快X D 澄清呀你唔係好蝕章架...( 對面曰：X ！蘋果亂九咁寫 )

以上屬瘋言瘋語抹黑思覺失調傻仔文，喜歡者可選擇相信。

[ 本帖最後由 Dave 於 28-11-2014 11:24 編輯 ]

Dave

引用:

原帖由 loveless 於 28-11-2014 11:44 發表
唔...
要表達想法...
一係要將原本極複雜既野簡單化..
一係就將本來係極簡單既事神檯化..

出面太多資訊,
若你冇明確既敵人,
又冇去兩極化今人可以快速埋位,
當人唔能夠盲目地去撐你或插你
人就冇耐性去同 ...

其實這文只是一聲嘆息而己，事件開始我已經是忍屎，sor 是隱士。
除了偶然抽水之外

Dave

引用:

原帖由 loveless 於 28-11-2014 12:00 發表
你要計算埋今日旺角企1000人,
有800個唔駛甪錢買的.
而600個係出黎開P
有得埋堆, 有得X警察 , 有得起哄, 有得唱歌, 玩完可以拍拍籮友走
有得玩點解唔玩? 有得反點解唔反?
每代既年輕人都經歷過

世界每個社會 ...

其實要玩野，真係有排玩... 無論做咩都好，你一有行動，隨之而來就係好痛痛我告比老師知，
從前玩online game 都明白一個道理，戰區不設觀眾席，我都認為好難話一定唔拉錯，亦冇可能，亦老早公布左旺角區相當危險，好人好姐請勿前往。
良好市民冇樣睇的，警方拉錯你可以做既就係投訴佢，冇話冇得投的。
正如now 記者，T 恤，老牛，大隻，衝向同市民衝突中的警察背後，手上渣住一張鋁梯，正常市民以佢呢一個打扮都應該判斷到佢係一個NOW 既記者 ，
執法同期望有誤差是必然發生的事。

治亂世用重典其實我幾BUY，但分別在於當年王帝真係話咁就咁，政苦而家SAY 都冇得SAY，亦唔到佢用重典，只可以靜雞雞咬少少咁清場，睇到都陰公。

[ 本帖最後由 Dave 於 28-11-2014 12:18 編輯 ]

Dave

引用:

原帖由 loveless 於 28-11-2014 12:00 發表
你要計算埋今日旺角企1000人,
有800個唔駛甪錢買的.
而600個係出黎開P
有得埋堆, 有得X警察 , 有得起哄, 有得唱歌, 玩完可以拍拍籮友走
有得玩點解唔玩? 有得反點解唔反?
每代既年輕人都經歷過

世界每個社會 ...

好似一條分叉路，100 個人，前面十個人帶頭走，毫不猶豫十個人轉左，
以現今社會市民智商，有幾多個會冷靜地企係原地思考應該左定右？
人多就是對的這種心態是人之常情，是群體生活的人類物種必然傾向，
要克服是要靠教育，及自身研考。
好了說回分叉路，十個人轉左，本身可能都有些許人會考慮轉右，
但社會又同你講：刻不容緩，水深火熱

需知道短促的時間是會讓人在未有足夠資信下作出決擇，
亦即係直覺，直覺分兩種，一種是人的本性即係跟風，
另一種是經歷過許多大小事得出來的經驗，但好玩的是分叉路口那一班是沒有經驗的學生，那選擇只餘下一個，跟住去，包冇死而已。

[ 本帖最後由 Dave 於 28-11-2014 12:19 編輯 ]

Dave

引用:

原帖由 reniless 於 28-11-2014 12:48 發表
十月期指結算日上升定下跌？
---
題外話，著衫打扮晤好問高登仔同跌級仔，死X硬。

期指野堅唔識，SO 頭盔笠左先

網上討論就有人話真，有人話不可能，有人話「說不可能的人不懂其實是可能的」，SO ..

話冇可能賺到10 憶：
http://www.ettoday.net/news/20141006/409961.htm

話有可能賺到10 憶：
http://lianghaiming.baijia.baidu.com/article/31370

利申：我識條鐵

Dave

引用:

原帖由 reniless 於 28-11-2014 13:14 發表
期指係乜？
我都唔識，喺今次革命或運動裡，我個人心靈同資產都無受衝擊，應該話本來身無分文。

係今次運動入面，我個人心靈同資橙都冇受衝擊，同埋同老婆政見近似就係「咪攪屎棍啦大佬主義」，
反觀朋友間面紅耳赤有，據理力爭有，2 姐飽毒C 書做緊小學教師更係走在尖端對老豆睇法句句窒住哂 ，
係果次我先係飯台上面出聲，當然我既動機係接招卸力算數，有時靈牙利齒是因為讀過番書，唔代表有理也。
尤其是果個係你老豆，拎上飯台嘈做咩？屋企入面拗嬴即係輸的道理應當要懂。

Dave

引用:

原帖由 loveless 於 28-11-2014 13:20 發表
我未見過10 億...10 億即係幾多錢?

行過娘爆士多買罐可樂, 係3.5
行多兩步就有間7-11, 同一罐一模一樣既可樂要6.9

即係10億原來可以買到...哇! 2億8千5百7十幾萬罐可樂.
又或者噢....1億4千4百9十幾萬罐...
...

生平接觸過的有錢佬唔多，亦唔算有咩瓜角，但以我所知，當一個一渣住咁上下錢，佢身上通常會有幾十間公司或鋪頭，有幾十間物業，一買一賣賺一、二千萬先似樣...
是我暫時甚至我到死果刻都未必做到的境地

但話分兩頭，我對於此時此刻唔洗點為食飯住屋憂心已經好滿足。

Dave

引用:

原帖由 loveless 於 28-11-2014 17:44 發表


既然冇時光隧道,
就尊重以前
挺身面對未來.

好老實講
不論立場,
2014年仲要唱海闊天空,
毛管都戙
亦顯示出文化既貧乏

拾粒兄的牙慧，複雜簡單化，即食的理想模型，是推動旁人盲目向命定方向前進的重要一環，
因為跟每隻工蟻級的力量慢慢分析的話，總有些不對路和值得深思的旁枝矛盾，是群體力量不需要的東西。

在整個事件入面，我對政治花槍其實沒太大感想，
在下素來深信不同聲音的衝突就形成平衡，如何在當下平衡生存是需要考慮的事，如果簡陋的分類就是隨波逐流。
然而對於現今年青人缺乏深思，卻認為自己已具大智大慧的情狀感到心冷。

Dave

引用:

原帖由 tango1997 於 29-11-2014 02:29 發表


我讀得書小。。。我亦唔識乜野大道理。。。更加對政黨政治無興趣 。。。我淨係見到。。。被佔領既馬路。。。堆滿雜物卡板。。。成何體統？。。。OK，要表達要show力量。。。點解唔去維園同特首辦搞佔領。。。 ...

ai 式回答：雖然我地未知將來會點，但而家唔行出黎 (攪事），我地第時既仔女 ( 如果有 ) 就會生活係極權之下 ( 其實香港老早有地產極權 ) ，所以我地而家要DO STH ...

以我毛知既理解就係：我係唔鋸明知唔WORK 但我係要攪九鳥佢

Dave

引用:

原帖由 tango1997 於 29-11-2014 01:28 發表

未睇晒 。。。。不過答左先。。。抄人牌ID....發告票阻街。。。每日罰。。。唔交罰款就通輯。。。班年青人唔好話去日本韓國台灣玩。。。唔交錢交罰款連深圳刀去唔倒。。。日日罰款。。。有老世墊底泵水分錢比罰 ...

前2 日睇報紙，都有提到警方影哂班占中棟梁相，逐個捉，其中有個疑似背景人士棟梁係深圳歌舞廳時比公安執左去，
當然香港同大陸C 法毒立兩者是沒有關聯這是肯定的。

至於有消息指其他背景人士亦獲O 記提供茶點，傾過下計，傾嘜我當然唔知了。

似乎呢單野有排夾公仔... 香港核心價值第九百幾項是秋後算帳

Dave

引用:

原帖由 tango1997 於 29-11-2014 10:16 發表

早晨Dave兄
我睇係會爆煲。。。世界性

MORNING

阿米利堅咁大個吹水國都未爆，應該都仲有得玩

岩岩先唔起訴殺黑人警察，但決定起唔起訴果班大陪酒員得3 條黑人十幾個白人，點玩呀

Dave

引用:

原帖由 tango1997 於 29-11-2014 10:41 發表

所以其實好多人等緊。。。第三次

第三次衝激... 旺角

Dave

引用:

原帖由 tango1997 於 29-11-2014 10:41 發表

所以其實好多人等緊。。。第三次

睇番死海文書，話說第三次大戰是由東方大軍發起WO，聽到都驚驚，深夜怪談

Dave

引用:

原帖由 loveless 於 29-11-2014 17:00 發表


只要文明尚未崩潰
講禮貌講道理永遠係好事

我會睇佢點回應
暫時佢表達既民主立場、觀點及憧憬
好似童話故事o甘美好.

好似玩玩具槍，想DIY 改動某些東西以滿足個人喜好，
想的時候總是覺得WORK，做落才知A 跟B 唔對數，B 跟C 有干涉，解決C 才可以令D 進行，但製作D 部份的先決條件是A 條件先完成，ABCD 都做好了，才發覺整個結構強度不足...
好吧扑散佢再重整，卻發覺原件早已經千瘡百孔，再做的時候要增加E, F 程序去美觀和加固。

理想國，睇書，照讀，不看書？ FB 廣傳文亦已足料夠吹。世界沒有完美政制，但青年人總是深信「我會做得比他們好」的道理。
不單政治，就算讀書考試溝女番工，青年人總是崇尚「努力加把勁，夢想可成真」的道理。
這其實沒錯的，但一百個「努力加把勁」，可能有兩三個「夢想可成真」。
所有LAST STAND 者腳下都總是踩著一大堆屍體，當中有不少是自信家。

當然... 年青的火熱不是錯。

Dave

引用:

原帖由 loveless 於 30-11-2014 15:06 發表


你肯罸打字去講道理
我肯罸打字去講道理
But
講道理兩邊都冇錢收
好唔公平
我要示威

所以網上或私底式討論，就係冇見證人，亦冇裁判，
講唔掂，玩單打，玩過濾，話你離題，話你踩場過主，已經可以唔洗玩。
一係好似特首選舉咁玩法，一人問一樣野，你必須要答，冇得人多蝦人少，冇得路過抽水貼圖JPG
咁先有得玩，但邊個願得咁玩？
有時打字說道理真係打完，重睇一次，再改，看看有冇矛盾，有冇理虧之處，有冇過份主觀不理性的點。
先按送出。
倒不如一句食屎左膠五毛又或者英奴甲由來得方便。

其實立場從來都是大部份相近少部份不同的思想，
好似金庸笑傲肛湖，氣宗劍宗其實有計傾，但當大家已經演變為攻擊的時候，所有相近點也會被輕視，分歧會被放大至絕對。

用番在此次事件，也是一樣，香港人不見得真的想要絕對自主，而中共亦不見得想執行極權統治，因為大家有腦的都知兩種都是不行的，但既然要打交，總不可能跟自己友說其實對面人品都唔差吧。