Dave

引用:

原帖由 gainax 於 24-2-2026 23:20 發表

貼相最實際，瑕疵唔係花咁少事，係直頭凹左
321503
321504
日本賣緊實物相同佢自己網賣實物相個槍身冇店員所謂開模孔問題
321505
日本賣緊實物相已經一大片細片呢d所謂油污，黑色槍身又大量一達達一點點反 ...

其實主觀覺得係水口位 ( 這應該是尼龍件？)，剪完之後工廠大媽磨2 野的狀態，如果係撞凹，應該唔會甘齊整，旁邊的平面都會下陷，當然我沒買這槍我不能肯定是正常還是瑕疵。

如果認為自己非常有理，可以去申訴，消委會(不誠實銷售手法)，海關 ( 商品說明條例 )，警察的話就應該難因為不能證明存在刻意詐騙成分。

但你要預左任何一個部門都會問你3 樣野：
1 - 售賣時是否有要求你檢查，而你是否「檢查完」再「同意購買」？如是，可被視為雙方同意以「當時狀態」完成交易。
2 - 購買後一小時多，直到回程要求更換，你是否有使用或把玩，是否「有機會」是你自己製造的損傷？
3 - 其他同類產品是否都有相類似的痕跡 ( 建議現在找另一支實物對比，因為你給的圖片非常低清，甚至可能是廠家的3D 產品圖，一切以實物為準 ) ，如果有另一支產品有相同痕跡，那成個CASE 可以即刻CLOSE。

至於「是否貨物出門就可以不換，這樣消費者豈不心寒」VS 「是否客人要求更換就必需更換，這樣賣家豈不心寒」，其實放在天平上是一樣的，視乎你站在甚麼位置。

[ 本帖最後由 Dave 於 25-2-2026 09:05 編輯 ]

Dave

其實所有商業都係，比錢之前係店求你，比錢之後係你求店。
而事實上G 兄在付錢之前亦有足夠時間檢查貨品，如果成個程序是檢查完，雙方點頭，再付款，我會視為「現狀交收」，有時你好難判斷究竟係店鋪自己弄壞弄花，還是「由廠到倉」已經係呢個狀態，
你話店家不負責，其實人地都係入貨出貨收錢，買玩具槍唔係買新樓，無「交樓標準」，
並唔係話支槍上面細微瑕疵要少於幾多粒，成支槍要少過幾多條白痕，D 油唔可以沾染哪些部份等標準先可以交貨，
而且G 兄現在所指的瑕疵亦唔係「隱患」，而係明擺在你面前的表面痕跡，並唔需要長期操作才會浮現的東西，當時如果你有看到可以提出，如果當時你視而不見，你自己亦有責任。
所謂「CHECK 貨」就係比你時間檢查，並指出貨物有沒有問題，如果貨品品質不如預期，你是可以不買的，但如果當時不提出，其實我視為雙方均接受現狀並達成交易。

而最核心問題是，G 兄並唔係比完錢後立刻指出：「喂喂喂支槍有問題」，而係消失左一小時多，識G 兄是善良人士當然知道不會做假，但店家和小職員不會知，
在他們的視角入面，就是「客人明明CHECK完無問題比錢，成粒鐘後又話有問題，都唔知是否自己整花反屈我地」，
重申一次G 兄善良誠實大家都相信不會這樣做，但別人不知，亦不能禁止別人這樣想，所以說到底，如果覺得整個過程序存在瞞騙及不能接受，請訴諸法律機制。

至於為何大公司例如UNIQLO ，豐澤等可以7 日包換，不是因為店家特別好人，而是因為人家生意大，利潤入面亦早已計好退貨成本，長期經營下早已精算好常見退貨比例，而且連鎖店店大，要求供貨商換貨亦輕而易舉，
但用相同準則要求所有小本店鋪一樣「以客為本」是不可能的，氣槍本身就係小眾玩意，一支賺不了多少，與其接受有壞包退的話，倒不如得罪你更為化算。

[ 本帖最後由 Dave 於 26-2-2026 11:24 編輯 ]