引用:
原帖由 sunny2014 於 15-5-2010 17:25 發表 
首先，我見識少就亂講
我錯，我道歉
但我有幾樣野想講
1.我講緊佢幾兜友唔係成個社民連
2.「街頭活動」算「政績」？
咁紅衫軍都有唔少政績喎
3.你講呢當然都算民意
但而家根據「港大民意網站」既調查顯 ...
好多謝C兄回應但,我卻對C兄呢幾點有所疑問:
1.講真,其實我對毓民份人都有保留.但我有時會諗:"到底我對佢有GE保留會唔會只係局限係佢以前GE缺點而無睇佢E家GE優點呢?我又係咪果D盲目相信佢"從前係壞人,佢呢世都係壞人"果D人呢?呢個疑問我可能到依家都仲諗緊.但,C兄口口聲聲話果"幾兜友"點唔好點暴力,又無認真研究過佢地為低下階層,為市民,為民主爭取過D咩.有時我會諗: 如果唔係佢地做得較為激進,香港人會知起高鐵要用七百幾億?會知起個咁GE"膠鐵"要剷左人成條村? 佢地唔咁做,唔通靠民建聯幫我地爭取北極有企鵝咩~ 所以,如果C兄只係果D睇新聞見佢地丟蕉當笑話,當戲咁睇,知其丟蕉之行而不知其丟蕉之意義GE人的話.我諗, C兄對港人GE身份認同仲有一段好大GE路去探究.
2.街頭活動絕對可以說是政治的一部份! 言則C兄覺得政黨們發起簽名運動,遊行等為何? <<社區工作: 理論與實踐>>一書就明確指出,街頭活動(即社區工作之一種)的其中一個特點就是具政治性的. 書中提及,凡涉及資源和權力分配的都可視為政治. 政黨舉辦街頭活動,一方面無疑是為建立其政治力量.而另一方面,如何透過社區工作去促進”公民權的發展”,令港人明白並意識到何謂”政出人民”,亦是街頭活動的另一項目的.
3.C兄所講GE「港大民意調查」有否例明受訪者人數? 這個所謂的民意調查又是否另一個訪問一千人就說成全香港人意見的「民意調查」? 至於何解港人不支持是次投票,我認為這已經是一個根深柢固的港人「政治冷感」特色了, 或許就如我上個POST所說的,香港人就從來只是「各家自掃門前雪」罷了,你搞不到我我話知你阿,你搞到我我咪先黎反抗lo咁ge心感,本人亦對此深感遺憾. 不只說是次公眾對補選的冷感,港人從來對投票都不熱衷,要不然為何香港七百多萬人口已登記選民資格的人只有三百多萬,而上一屈立法會的選民投票率只有一百五十多萬?
當然,一樣米養百樣人,C兄所說的人在我身邊也大有人在.但如果慢慢去發掘,呢班人入面到底有幾多係盲從,有幾多係我地俗稱GE「唔知頭唔知路」,又有幾多係好似我上文提及「事不關已,已不勞心」的. 我相信,為數不少吧~
人,不能不問一已良知,到底你有幾關心你所身處GE香港? 有無察覺到佢回歸左十幾年之後各大大小小GE轉變?
開始我亦信不到如何作結,但當我看了狼C兄所說的” 香港人,當你還有投票的權利時,好好珍惜吧. 看看國內13億同胞...” 我深感認同,亦就此收筆.
