話說我係一個中五仔，打左四年game，我好鍾意打game
我都有買下槍同gear
頭兩年都冇咩野，可能係我買d basic野，或者d平copy gear，
後兩年開始有要求，開始買d平價真品gear(us army infantry)，
件件都唔過650，如boot,盔布,otv,flc，
屋企人開始話我買d野又貴又冇用，話買枝槍好過
但槍呢d野一兩枝就夠啦
講番我平時，我日日lunch都係十蚊，當然飽啦
衫來來去去都約件，鞋就兩件都係一對
我唔會問屋企人拎錢買潮衫潮鞋，更唔會出d冇必要娛樂
打game係我唯一花費，自問都用左唔少

每次考試我老豆都主動應承我有進步就買槍比我
我有進步都唔主動出聲，我覺得努力係應份既
有時冇左回事我都唔出聲
但今次想買下gear，特別係護目
咁我就話要買近視框比個風鏡，
係ess p2b rx,加鏡片，total 600
屋企人話我晒錢，
我諗左好耐，連最大花童既家姐都話我錢唔係咁洗
我只係想保護對眼，
我係唔係一個敗家仔？

tf141

佢地唔明啫...你可以試下同佢地解釋
如果都係唔明, 咁咪由得佢地囉, 佢地而家又唔係要做d咩阻止你...你既然對打wargame咁有熱誠, 唔會俾人話兩句都受唔住掛?

Yuri

Army infantry同好!!
小弟都係升中五，都係玩真品，屋企唔係話特別有錢，買嘢都係靠自己零用錢，死慳死抵，每次買完嘢都有內疚感，但自己又極鍾意，所以最後都係繼續買- -

Yuri

BTW家人唔比咪自己草lol

jackieyue

首先你係用自己儲返嚟d零用錢買定叫屋企人買俾你先?
如果係叫屋企人買俾你, 我就冇野講。
但如果係用自己儲返嚟d零用錢買既話, 我就覺得冇問題。

因為d錢係你自己死慳死抵儲返嚟, 雖則講到尾d錢都係你老豆老母搵既, 但既然俾咗你, d錢點洗係你既自由。
問題係在於你屋企人唔識呢d野。冇打開game, 唔係軍事迷, 你同各位師兄d寶貝係普通人眼中只係一堆爛銅爛鐵爛布爛膠, 你屋企人亦然。

小弟除咗打game同你一樣儲軍品之外, 亦鍾意玩耳機同單車, 仲有間中upgrade吓d電腦零件。
係我屋企人眼中, 跟電話、mp3機送既耳機同幾千銀d耳機毫無分別, 周街亂咁泊嗰d單車同成萬銀架既MTB、RB一模一樣, 3千幾蚊既電腦同一萬蚊既電腦一樣係咁玩。
我初初儲軍品、打game嗰陣都同你一樣, 成日比人哦...唔使一千銀既軍袋, 一買返嚟就比人話...但幾千銀個嗰d潮牌背囊就覺得冇問題, 仲成日問我想唔想要, 話買比我......
所以唔關金額事, 其實只係大家睇既野唔同, 有誤會。

小弟之後多咗同老媽子傾, 講比佢聽d野有咩唔同, 有咩特別, 點解我會鍾意, 雖然佢都係唔多明, 但而家冇再哦我。
所以最重要就係多d溝通, 講多d你既諗法比屋企人聽, 用朋友既角度去講, 當佢地開始對wargame既野有d認識, 知道副鏡既重要性, 咁就自然唔會再哦你架啦!

yiuyiusiu

老豆老母無欠你
我到咁大個先明呢個道理 努力唔係應份 係報答佢養你咁多年
佢地係用黎錫 唔係ATM
老老實實諗深一層 佢地對唔到你幾多年
係興趣緊要 定係要因幾百蚊攪到咁樣
興趣 : 等你養得起自己 對得住家人既時候 你先至應該擁有 到時無人會反對

EF66-1192

我同你相反，唔係屋企人話，係d同學成日咁同我講…個個都當我米王咁…但係實際上我係最窮果個！
但係第個又點知你d錢點來？，我d相機、鏡、閃、車、船、飛機咁，我有時草個控都一年啦，小小、小小咁積番來。好多時仲係買2手添。
人地又意為你有米到成日買expensive野，其實咪又係草番來…

match_man

下下都要老豆老母比既，不論你其他幾少洗錢都有問題，
我自己中四開始打，但我D'軍費'自問老豆老母無乜參與過。
家下六七枝槍，十幾套gear(全英，真品)全部都係自己用零用玩既，
老豆老母間中都會講一兩句，但極小話我亂洗錢…頂多都係話我太多Gear
我家下先21，重讀緊U，但係軍費開支一向不會被家人干擾因為軍費都係全數自資。

FNP90xvhk

朋友，呢個係理財態度問題呢。
我唔識你邊位，亦唔知你幾歲，所以係好難分析你成唔成熟以及應唔應該繼續買你喜歡既野既。
只係一句少少奉勸：多d 企係各人立場諗下(當然也包括自己立場)，咁你自然就識點做喇

marcowong

引用:

原帖由 Anonymous 於 17-7-2012 02:36 發表
話說我係一個中五仔，打左四年game，我好鍾意打game
我都有買下槍同gear
頭兩年都冇咩野，可能係我買d basic野，或者d平copy gear，
後兩年開始有要求，開始買d平價真品gear(us army infantry)，
件件都唔過650， ...

做學生，讀好書就夠。錢呢d野真係一千幾百尤如垃圾。
你讀得好伯母真槍都買俾你，讀唔好買粒糖都話你哂錢，道理？就係噤簡單 。

allen.W

好神奇，明明一把槍都唔奀反而家人會支持
不過老實講,錢唔系自已出既屋企人點都會有野講既

[ 本帖最後由 allen.W 於 17-7-2012 11:59 編輯 ]

rho837

你年紀是否16歲?

就算你屋企係富戶予否? 父母係冇必要比錢你買玩具! 無論年紀屬於50後; 60後; 70後; 80後; 90後任何一級, 父母話事仔女冇得出聲, 要買自己玩具就自己掙錢買, 重要問父母比唔比擺放在家中!

1997前我打工仔時識一個舊同事, 佢呀媽過生留下呀爸照顧幾兄弟姊妹, 因家景貧窮, 呀爸傅命做地盆掙日薪養家, 所以崖到周身病.......! 之後佢根大佬日日無柳過日晨(玩車玩氣槍打機), 佢細妹就晚晚出去K場做DJ掙錢幫首養家.....因晚晚"對"酒"對"煙! 做了四年後有天傞佬上門話個妹卒死係K場! 致此佢睲翻曬, 開頭乜工都做, 去讀書.......佢呀爸講左句! 佬頭失敗冇錢買玩具比係開心.......家下有小小錢比你讀書! 之後.......

家下! 呢個人有起碼幾仟萬身家! 買左間丁屋比呀爸住同收租, 又洗錢翻生一架舊日本車送比呀爸玩!

當然佢買好多玩具比個仔! 但無論點樣都要教個仔18歲打後要自食其力! 唔好賭唔比錢養囡囡

[ 本帖最後由 rho837 於 17-7-2012 12:26 編輯 ]

tf141

如果你係每個月係自己固定既零用錢到慳出嚟其實冇咩問題, 我自己都係咁
但係我就真係唔會為咗呢d野問屋企人攞錢....你屋企人同你一早有咗共識, 講好俾幾多零用錢你, 咁係雙方都認為OK, 佢地負擔得到, 你亦都夠洗夠用....打wargame係你個人既選擇, 冇人逼你, 但係你屋企人冇話過要打...點解要佢地為咗你既興趣, 額外拎一筆錢出嚟?

我自己玩wargame, 唔會額外問屋企人攞錢...我每個月有$1500零用錢, 每件利是錢有$1000, 生日會有幾百蚊....基本上呢到就係我一年所有既資產, 點樣係日常生活之中開源節流, 自己諗掂佢。先唔好講開口問屋企人攞佢地肯唔肯俾, 就算肯我都問唔出口。

有時呀媽會見我慳晒d錢去買wargame野, 見我好耐都冇買過新衫新鞋, 都會主動話買俾我....佢主動開口即係佢能力負擔得起, 咁我都樂意接受, 畢竟父母買野俾仔女, 雖然唔係話天經地義, 但係都合情合理....佢唔買我亦冇所謂。

tf141

引用:

原帖由 allen.W 於 17-7-2012 11:51 發表
好神奇，明明一把槍都唔奀反而家人會支持
不過老實講,錢唔系自已出既屋企人點都會有野講既

而家樓主面對既唔係純粹係金額既問題
係價值觀唔同

mujiadam

引用:

原帖由 yiuyiusiu 於 17-7-2012 05:15 發表
老豆老母無欠你
我到咁大個先明呢個道理 努力唔係應份 係報答佢養你咁多年
佢地係用黎錫 唔係ATM
老老實實諗深一層 佢地對唔到你幾多年
係興趣緊要 定係要因幾百蚊攪到咁樣
興趣 : 等你養得起自己 對得住家人既 ...

講得好