本來想用迷思來做題目，不過又好似太俗，所以打番編開場白，各位看官齊來讀一讀 ( RAP ？
)
「你支槍未改唔好用11.1鋰電，用車仔電啦！」想信呢句野大家聽過冇一千都幾百次，
但究竟係唔係車仔電就一定安全？點解大家會有咁既「迷思」呢？
先來說說鋰電，一粒鋰電係3.7V ，7.4 V ，11.1 V 大家都很了解，
但其實一CELL( 粒 ) 鋰電叉到上限壓時係可以高達 4.2 V ，即呢3 種電叉滿將會係：4.2V , 8.4V，12.6V，
反觀車仔電，一粒車仔電通常寫 1.2V 一CELL，6,7,8 連的車仔電係分別係 7.2V ，8.4V ，9.6V ，是常用的。
大家就話：哇！11.1V 同 9.6 V 比！字頭都爭2 啦！11.1V ，用9.6V 低「咁多」！包生仔啦！
但有幾多人研究過車仔電滿左係有幾多V ？先唔開估，講一講小弟情況，
小弟手上有支 TAR 21 是 ares 出品，原裝1.6 j ，後來改到1.2j ，再後期改到 1 j ，就一路咁玩，就用9.6v 的，
就一直相安無事，但某日我知道左原來 「低 A 數叉電係可以叉滿D 」呢個新大陸之後，我用 1 A來叉滿左粒 9.6，就開開心心拎去玩...
就掃了...
事後上網搵，原來車仔電雖然個別存在差異，但NIMH 大概係1.5V 滿一粒，
換算番，6 ~ 8 CELL 的車仔電就係 ：9 V ，10.5 V ，12 V ，雖然鋰電同車仔電一樣，係一路用，個電壓就一路低，
但當你幾乎叉滿時，其實 9.6 V 車仔電同 11.1 V 鋰電既電壓係相差甚少，所以唔好以為車仔電就安安全全，
如果你玩11.1 V 鋰電係即掃，整番好，知錯啦我用車仔電啦.. 9.6 V 叉滿.. 分分鐘再黎多次
至於點先可以冇咁易掃，好粗略咁講，用大力D 彈弓，又或者用齒比低D 的齒，又或者用個轉數慢D 的魔打。當然各樣選擇都有相對要執的地方，唔係話換一件件就有病醫病無病強身也。
想長命百歲，打蚊咬力 + 慢頻 + 低 V 電吧。當然你肯唔肯又係一回事了。
[
本帖最後由 Dave 於 23-1-2013 21:53 編輯 ]
