引用:
原帖由 呀健 於 14-10-2016 22:24 發表 
黎緊諗住同個fd去game
想買1狙1手槍
全新槍街買會唔會好貴
手槍諗住買1911/g系列
狙其實只係自爽同放屋企裝飾多
想要木色,跳殼之前睇過都要過千
跳殼邊到有平d/唔跳殼加埋鏡幾錢左右
同埋手槍的話係咪最少都要 ...
先假設你是新手，如否，下面全是廢話。
新手不要買狙，或者說，如果你唔介意由早到晚一個人都殺唔到，瞄2 瞄比人掃番轉死埋，成場毫無建樹齋企做空氣，可以一戰。
WARGAME 係一種運動，極少人玩一種運動可以一學即上手甚至做高手，至起碼我沒見過真天才可以一玩即PRO，
所有運動都是愈玩愈叻的，WARGAME 亦然，一開始唔知點行唔知點攻唔知點守，而手上既狙係WARGAME 來說亦不是一種易用的東西，結果自然是空氣味濃。
渣支步槍的話，人射你射都叫有D 存在感，狙的話，瞄準要時間，射中要技術，射不中無得補飛，瞄得準亦不代表粒彈要跟你支鏡去。
易用一定是連射步槍易用，正如真軍佬的狙擊手亦是從一般兵的精英中選出，而唔係星探咁飲飲下STARBUG 有人行埋來見你骨格精奇不如做狙擊手啦咁。
以下是一般資料。
無論街場或收費場，狙擊槍 ( 只說拉一發打一發那一種 ，半自動全自動不計 )都有比較優惠的火力，算是讓手拉狙易玩一點的因素。
跳殼的話就不要想落大場了 ( CQB 還好 )，跳出來的殼就算你執到，可能都跌左落泥，何況跳殼式的一般比較不穩定 ，想打準基本上不會考慮。
便宜的跳殼木色「狙」有DBOY 的K98k。
如是一般手拉狙不跳殼的，建議ares m40 或 ares as01，前者二千左右，後者千餘，都是一買番來已經有1.5 ( 0.2克bb ) ~ 1.8 j ( 0.4克bb )，
可以不改直接落場用。鏡的話瞄準鏡可以花多一點鏡買真品鏡主要貪其夠清，千餘起有交易，便宜的可以買些1~4 x 的30mm 鏡 五百餘元，缺點是有少少重，
但性能不壞。wargame 狙一般來說不會用太大倍數，有4x 已很足夠，本人多數用3x ~ 4x 落場。
不過舊話重提，都是一些有全自動的rifle 類比較合新手用，以電動為優先因為使用比較易亦沒多少問題要處理，主要考慮不同廠的火力有頗大不同，0.7j ~ 1.6 j 都有，
要考慮你朋友場的火力限制。如果想轉用連射槍再談。
