Dave

安久無藥醫，年終咁多人走水貨氣槍零件比大陸拉，
佢又排住隊去...
人家包到實，話乜就乜，講個信字，到時比包海樂英你直接打靶都仲得...

Dave

引用:

原帖由 pbay 於 20-3-2018 12:15 發表
走私佬直頭搵中港學童帶貨,
駁海關唔check.

我覺得香港海關要強制每個人出境都過X-光,
一來杜絕奶粉黨, 二來防止無辜學童受利用.

無辜？無收錢嗎？

只係有人無知加上少少貪念之後要找數的故事而已。

至於強制檢查，是否只限行李？包唔包隨身物品，或者將彈匣零件縛係身？咁要照埋全身，不如通埋櫃照埋胃，
咁又算唔算侵犯人權？用侵犯既方式去保障市民，真是智慧到不行

其實市民有義務遵守法律，而不是執法人員盡力令你不犯法。

Dave

事實上警察係有權係任何地方拘捕任何人，無得SAY NO。
但總不見警察真係得閒無事係條街捉個阿婆話佢殺人放火，因為拘捕完佢唔係話告就告，
要落口供，落完寫紙比大SIR 睇，大SIR 睇完覺得有得告先會掟上律政師決定是否提告 ( 如有錯請指正)
亂捉人都算，總不能無證無據上紙比大SIR，真是會吊到你反皮的。
更甚者證據不足不提告，煩到市民比人投訴更加大獲也。

講番P 兄單野，提及「為救市民不要被拉而隨便找些罪名提告」云云，實在匪夷所思，
不但沒有警察/ 海關想捉虫入屎佛，實際操作上亦會做不到更會比人投訴到反眼，而且需要動用的起碼數百全職檢查員之人手更是關口不可能提供的。
做好事不是錯，但不能用人治方法去管理法治社會。

Dave

引用:

原帖由 wing383 於 21-3-2018 12:45 發表


"大陸人除非手羅工作簽證, 否則一般自由行簽證皆屬旅遊簽證, 不得在港從事業務或工作取酬...."
"海關肯執正黎做...."

違反逗留條件係海關做架咩?點執正嚟做呀?

入境處表示其實我好多野做架唔好咁啦

Dave

引用:

原帖由 pbay 於 21-3-2018 14:49 發表

人過金屬探測, 袋過X光, 直通車都係咁check, 機場都係咁check,  要好多人手咩?
唔夠人手咪請人, 有咩唔可能?

香港雖然大部份物品免關稅, 但仍有部份要付出口稅 - 如烈酒、煙草、碳氫油類及甲醇
仍然有好 ...

唔夠人手咪請 <-- 有 POINT

需知道金屬探測機一定係響的，因為任何一個正常市民身上都總有D 金屬，皮帶、手鏈、銀仔、手機、鞋扣，是否要除哂落黎先查？
一係人體都照埋X光，胸圍底褲矽膠假牙照哂出黎，你估會無人投訴？甚至入稟法院侵犯私隱又點呢？ 可能P 兄又會話大不了同佢打官司，後話吧。
現在平均一日大概65 萬 人次出入中港，平均一條友我當花你兩分鐘( 仲要身家清白無問題)，關口開6:30 ~ 24:00 或 6:00 ~ 10:00 ，是旦計 18 小時吧。
即係需要請 1200 個職位番來作全面檢查，別忘了一個人不可能當18 小時值，最少9 小時當佢冇飯食好了，請2400 人，先不論P 兄覺得正苦大把錢，單論要企齊呢1200 人係數個關口，
一個關口我當都閒閒地企300~400 人...之後300 ~ 400 人面前又有一堆排緊隊等檢查既有罪/無罪市民，一諗起個情景，即時想像到 P 兄的處事智慧。

唔夠人手咪請、唔夠地方咪起、唔夠時間咪24 小時通關... 又係WO...

好吧故事未完，P 兄此舉係為左「防止無知市民誤墮水貨陷阱」，真是大仁大義，
轉個頭有人表示為「防止無辜司機撞瓜亂衝紅燈者」，要求每個燈口都要長駐兩名交通警 / 交通督導員，如果是多燈口就請多幾個...
沒關係唔夠人手咪請

好了轉頭關心青少年協會又話擔心未成年少年少女性交問題，要求派員長駐各殘廁及時鐘酒店及其他高危地點，
並要求所有拍拖少男少女出外時需有人陪同，「防止心智未成熟者衰十一斷送一生」云云。
沒關係唔夠人手咪請

順手提供就業機會，一舉數得何樂而不為。

守法本應是市民責任，一個強加予人的「善意」即時包屎片式幫人家防止犯罪，仲講緊要花大量人力物力，不是說P 兄錯，簡直係佛心，只是離地。

Dave

引用:

原帖由 pbay 於 21-3-2018 18:45 發表
唔洗滑坡到咁遠的.
機場, 高鐵, 直通車都好多人搭, 都係咁check,
邊有人投訴私隱呢.

你搭飛機都唔會投訴安檢啦, 點解搬左去羅湖落馬洲就會有另一套價值觀 ?

1 - 出入境人數已經是 7 ~10 倍之差未計大時大節再 x 2
2 - 行李是先寄倉再慢慢照，人就簡單安檢上機，可分開做亦不需大量人手在大堂爆箱
3 - 陸路關口無人會同你身份核實收行李貼sticker 再搬去貨物區慢慢check，一律都係即時執行人同行李不會分開，
需同時操作的人手必然多並且需要快，別忘了check 完body 行李仲要排隊過關，
到時過一次關閒閒地花你廿幾三十分鐘以上，即係塞車，到時深圳灣條隊尾插到出深圳灣條橋應該感謝p 兄智計。

到呢刻p 兄是否仍然覺得「差唔多」呢？
即係好似秦王修長城咁款，我要萬里長城你班友就同我諗掂佢，唔夠人呀？請人啦，唔夠位呀？擴建啦？d 人排長龍呀？24 小時關口啦，
但目的係乜？目的竟然係為左「防止有人走水貨或危害無知小朋友」，呢個大義真係不得之了。
人既思想很獨立亦很自由，但談實務事請實務地想，不是掟一句「大義」出來就要人人披荊斬棘犧牲任何野都在所不計，p 兄呢種叫極權主義，
同p 兄平時口口聲聲的自由民主是背道而馳，當然龍門位置可升可跌，甚至變得無影無蹤射極都唔會中，在下完全明白及接受。

[ 本帖最後由 Dave 於 22-3-2018 10:36 編輯 ]