法國仔KhanSeb響youtube拍片review氣槍都成十年, 佢D片特色係簡單明快, 無廢話,
爽快利落咁將支槍既外觀, 特色同功能多角度示範一次, 並付上測速同上靶數據, 片段可謂短少精幹.
加上佢本身有玩開真槍, 示範氣槍功架十足又有型, 所以好受網友歡迎, 相信唔少ching都俾佢毒過.
最近一年佢無再發表任何新片, 引起左唔少猜測, 前排佢終於拍片開腔, 解釋自己遇到一D事令人生觀大變,
忽然對氣槍活動無晒興趣, 搞到連返氣槍公司份工都由天堂變地獄, 但佢強調唔係工作或公司導致,
只係一D私人事件發生, 令自己對呢種興趣忽然唔再有動力.
佢話會賣晒大部份裝備, channel唔會關閉刪除, 但亦唔會再更新.
的確呢兩個月佢fb, IG, youtube既更新都全部停擺, 告別槍界似乎唔係一時意氣,
KhanSeb既片成絕響, 真係槍界一大損失.
希望佢響新既範疇搵到新既人生路向, 感謝佢多年來既付出. 有緣再見.
Salute you, khanseb ! Wish you all the best in the future !
KhanSeb宣佈告別槍界片段
https://www.youtube.com/watch?v=6nQbyRHWBMY
