RCOOH

引用:

原帖由 pbay 於 2-5-2019 09:53 發表

呢枝叫咩型號? 第一次見

AR57衝鋒鎗，由AR介面改裝發射5.7亳米手鎗彈既潮鎗。

委內瑞拉根本冇可能大批採購呢d怪獸，而且AR57係美國既改kit而唔係FN原廠野，加埋個Trijicon SRS（仲貴過支鎗）。

哼哼。

[ 本帖最後由 RCOOH 於 2-5-2019 10:10 編輯 ]

RCOOH

5.7彈手工reload非常危險，多0.幾grain都可以炸到你殘廢，收殼重裝弊大於利，而且軍隊裝集殼袋根本講唔通，有景轟。

[ 本帖最後由 RCOOH 於 2-5-2019 11:37 編輯 ]

RCOOH

你要知道委內瑞拉已經國不成國，連基礎民生都出哂事，大量難民走到全世界，可能同北韓冇乜分別。一支AK103批發講緊係兩百美金有找，一支AR批發係座底650美金，潮鎗更貴，SRS零售成千蚊美金，5.7彈亦係貴野，除非軍援唔使錢，否則點用？

而且5.7彈專門針對避彈衣，對肉身威力驚人（地雞），落後國家本身避孕套都唔多，仲講避彈衣？擺明啫住俄軍甚至老解砌。

[ 本帖最後由 RCOOH 於 2-5-2019 13:05 編輯 ]

RCOOH

引用:

原帖由 48191 於 2-5-2019 13:49 發表
呢枝槍一開Auto，前後配重會越來越失衡，越打越難控制槍口上揚問題。
P90短，重心在後，前後Balance還勉強可以；一去到AR咁長，而前端越打越輕，個槍手只會越打越辛苦。

膠匣，再加5.7本身係非常輕而且以低後座力作賣點，影響有限過乜。

RCOOH

引用:

原帖由 48191 於 2-5-2019 15:14 發表
咁又奇怪，敘利亞都遠吖，咁又有俄羅斯傭兵？

代理人戰爭。

而家已經唔係大國對打既時代，係大國叫馬仔打，自己係後面輸血，比鎗炮彈藥同訓練，偶然派自己既特種部隊或者遠征軍出手放下人血。

[ 本帖最後由 RCOOH 於 2-5-2019 16:01 編輯 ]

RCOOH

引用:

原帖由 48191 於 2-5-2019 20:13 發表
睇下會唔會成為代理人戰爭先。

望都唔好望。

代理人戰爭打起黎就係老鼠拉龜，一打十年八年冇結果，今日美國要我坐低聽日俄國叫佢反台，人地既細路隨便死，大國賺錢賺政治影響力。

而且委內瑞拉唔係中東，中東係你老美搞事之前都係小康之國，叫做有老本可以咬一陣，但委記一早已經比小麗老屍成日嗌果d超福利搞到國家半殘廢，一打後果不堪設想。

[ 本帖最後由 RCOOH 於 2-5-2019 20:28 編輯 ]

RCOOH

引用:

原帖由 48191 於 3-5-2019 00:06 發表
其實高稅都係其次，起碼知道自己退休之後有機會享用到；反觀香港，我只知道唔投資就65歲領生果金，就真係只係夠買生果食...

你以為就次，個個牙痛咁聲。

加拿大薪俸稅20幾，消費稅12，份糧1/3入左庫房，歐洲國家通通重稅，樣樣計錢，超速牛肉乾罰款係計收入既百份比，瑞士唔當兵就罰錢抵役，是但一樣係香港實施，睇下生果會唔會作到1300萬人上街丫？

北歐相對與世無爭，而且國家體質夠，例如瑞士既有自然資源又有高科技，金融軍工又唔少得佢，都係高增值野，一樣波動有第樣頂上，但委記同中東一樣係石油佬，經濟根基太單一，國際油價一跌庫房即乾，再加上委記唔知乜野叫好天收埋落雨柴，順境果陣屠富濟貧，全面控制大企業，向基層係咁派錢，假民主真共產，逆境搵屁人救你。

香港？一樣，產業單一易波動，稅基收細再收細，再學小你老屍果套，唔搞大白象改養吸血鬼，香港咪話要2047，十年都死呀。

[ 本帖最後由 RCOOH 於 3-5-2019 09:02 編輯 ]

RCOOH

要經濟穩陣，重點係創造唔係製造，做龍頭而唔係跟尾狗，唔係望天打卦靠賣資源，更加唔係玩數字泡沫。北歐就算蚊到如列支敦士登都有國際工程標準既Hilti，盧森堡烏蠅既銀行體系頂住歐盟半邊天，肥到出油，歐盟PK我都有水抽。

點解中國製造2025咁多人關照姐，一旦中國製造轉營成中國創造，帶領標準，到人地睇你面色，捉住人春袋到佢唔比錢？

南美一味就係賣野賣野賣野，割肉餵鷹，或者做d隨時可以搬走既低層加工，原料價格、需求一變你即刻化灰，委記賣油賣到80％於國家出口收入，好景果陣屠富狂派錢，油價一跌，國庫空哂，停派錢即刻民變都似，又唔敢放生大企業自治，冇錢仲要充大頭鬼，咪直哂囉。

[ 本帖最後由 RCOOH 於 3-5-2019 20:26 編輯 ]