回覆 27# 的帖子
明呀
但個重點係
1. 其實我都係中意入去都係自己靜靜地睇下有無野啱
有陣時會見到有其他店員(我經常上去都係得我所講個位店員當值) 佢地都會好樂意走過黎講解下啲貨 我都會示意我自己睇睇先 有需要再搵佢地 所以我覺得呢間舖啲服務都算幾top 唯獨是我所講個位就無以上嘅服務 開完門比你佢就繼續做自己野 其實對我黎講真係無乜野 反正我都係自己睇 只不過對比起個落差好大
2. 其實我平時睇啱野 我都係直接叫店員拎 直接比錢買 完全係無野需要問or請教店員 因為呢啲gear野我會上網睇清楚了解曬先買 所以平時同呢位店員接觸只不過係拎貨比錢呢2分鐘 而我都係全程唔該前唔該後 但係呢位店員可以係同我完全0眼神接觸 0表情 收完錢我都唔期望你可能會講聲多謝(最終都真係無 次次都無 買幾千蚊枝電筒都無 明搶我買60蚊件都有) 重點係我唔明點解可以0眼神接觸 比我個感覺係好似我好阻住佢咁 可能我表達得唔好 各位師兄可以幻想一下我所講嘅情況 比我嘅感覺都真係幾難受
奈何呢間野賣啲野好多都係槍街無 又齊 又近我屋企(所以我都無考慮用佢網店)
