no-name

見大家講得咁高興我又差 2 咀。

馬記 M4 我有 2 支，一支第一水 MWS 一支第一水 MTR，
2 支插馬匣都係輕搖，插 iron 又係緊到插唔入
的確 2 支匣井都有一忽我唔知叫燒㶥位定批鋒，總之唔係順滑平面黎
再加埋咁多師兄 D 又插到又插唔到既結果睇黎，呢個位的確係存在公差

但在下唔明既係，關馬記責任同 QC 咩事呢？
姑勿論馬記係有心定無意做細左隻匣，總之馬記自家個配搭真係冇問題
即然冇問題佢 QC 又有乜問題？

同魚骨唔同，魚骨係公家數，做錯左上唔到其他件一定係整魚⻣果個有問題
但有冇問過馬記想唔想副廠幫佢出匣先？
如果馬記係開左條數出黎叫大家幫佢整，咁就另一個 story

當然作為玩家，我都好希望正廠出完副廠跟手出 D 好野
比如呢隻 Pmag 同馬匣一樣價仲靚仔咁多，D 魚骨飛機乜乜有咁多出咁多係好
但調返轉站喺馬記立場，做好自己唔爆炸己經做晒份內事，仲要顧埋副廠，咁要求就過高了

no-name

補返一句先，唔係話副廠好錯乜乜乜
做錯左大家都唔想，由其副廠投資左一舊錢，生意黎，做完先發覺點搞又入唔到真係跌一百幾十萬完全唔奇
不過公關可以做好 D，想當時在下乜都唔知，P 記聲明在下第一個印象係 "我 8 隻原廠都冇事，你出隻副入唔到就賴原廠有公差？"
如果文字寫得大器 D，甚至教埋人點處理，咁可能會贏多少少掌聲
呢個年代，關公比一切重要