0050100

引用:

原帖由 gainax 於 3-5-2023 23:41 發表

講過WA當年只係抄mgc道具槍，自己再將手槍設計慨念放去支m4到
問題多到嚇死人唔實用唔耐用設計，完全係試水溫產品賺頭啖湯，初代一班台廠抄WA設計改少少野未真係測試過關就不斷出槍
味完全變失敗產品比班玩家瓜瓜 ...

嘩！一枝cap另一枝WA係Bb蛋都有得抄，两枝起馬差十幾年，你唔講我都唔記得自己有買過MGC枝16a2,點解唔講埋mgc都係抄真馬記呢！

jn_jona

引用:

原帖由 Pvt.King 於 3-5-2023 20:41 發表
見講開SCAR H, 話說有冇廠出過長外管俾VFC既SCAR H可以砌到13”甚至16”既外觀 見到其他人都似係用返MK16果條駁管， 但兩者應該粗幼有明顯分別？

第一頁我個回覆枝mk17 係用左13 inch kit
Tonic airsoft出 我早幾個月買 以我所知仲有貨 問下’跑入’
Ecp火帽係鋼 但管係鋁 如果都係鋼就好
同埋差個fn suppressor

stevechau

引用:

原帖由 gainax 於 3-5-2023 23:17 發表

雖然好多人有舖手癮會改，但V記佢每一支都有問題等你玩家自己fix，有d問題仲係不能解決
長久玩一個系統唔可以安心穩定咁玩落去，要降低要求去遷就個系統，咁樣玩唔會玩得開心，就好似打機部機會lag機咁，
就住玩 ...

um......so far可能你要求高/唔好彩, 又或者真係自己幸運, 我未能經歷每一支V記"都有問題等玩家自己FIX"
反而有D問題我覺得係想變好但仲未成熟, 例如guidehop, 我真心極度討厭較個HOPUP手槍要拆SLIDE, V記MK18以前要拆埋套BOLT出黎撩咁搞, NPAS又係咁
(呢樣野G記就真係做得好D, 無NPAS原裝就有低火力孩機組可以友善玩, 而家果個較HOPUP既設計, 咪又係同當年V記舊版大同小異, 無左果個工具之嘛)
有D不能/短期難以解決既設計/使用問題又真係唔少廠家都會有, 例如馬記既trigger手感&原裝後座力不足, 例如G記初代AR匣重到HIHI咁, 例如K記漆面問題, 例如V記材質問題等
even馬記出槍都唔係款款大熱到可以好似MWS/HICAPA咁大把件搞到無問題既, 甚至真係大熱果D HICAPA, 1911, GLOCK都叫有過BUG FIX/改版新設計, 咁又點計??
係咪咁就代表馬記原本設計垃圾?? 我唔會咁去評定囉, 只係既然人地肯搞肯改, 你又明知佢有可能搞, 驚既咪好似CHING你想玩MP5 GBB咁壓抑自己既求知慾&恐懼, 同D廠鬥長命囉~
我有時有少少懷疑馬記GBBR&次世代出款咁慢, 除左產能未必足夠外, 就係自己都唔想搞多幾支不同款出黎到時好似早幾年堆新款槍咁要玩家bug fix, G記我都有少少咁既感覺~

問心講, 而家V記呢間廠大家年年鬧、月月鬧、日日鬧, 但講到尾係得佢肯比較快速去回應市場願望去出款, 有大部份真mark license仲要唔算貴有齊大眾想玩既基本野, 你唔望佢就乜都無得玩咁滯
你求馬記丫, 先唔講膠身(我唔反感的), 但當年支G19我都好似許願許左7-8年, 支V10由慶恰恰等到謝晒皮, 你學下薛凱琪首成名曲咁, 年年月月晚晚朝朝日日容信去馬記, 睇下佢三五年後回唔回應你??
你求G記丫, 你估下發佈會邀請信早到D定係律師信早到D?? even佢出槍都唔係快, 一樣有慢慢改版
你求K記丫, 3粒字果D而家都唔知間廠仲有無開工, 兩粒字果間又已經越來越少出槍, 係就係長短火都有相當不錯而且久經市場歷練既款式, 但結果而家咪又係主力做代工
唔爭在求堆W記, 日本W直頭消失咁滯, 台灣W出款咪又係比人X到暈, 偶爾有幾支佳作咁囉
結果呢幾年唔係靠V記咁推槍法, 大家X住買, 大眾有鬼咁多槍款玩

所以呢樣野暫且當係CHING你因愛成恨既針對性個人看法, 但其實咁既討論係唔大意義~

同埋有時真係好衰講句, 槍唔係開箱就壞/設計有問題, 但真係手賤一起手裝拆改就即壞, V記如是, 馬記如是......
難聽講句, 10年8載之前粗製濫做既大陸仔都係咁, 可能係佢D料唔得一拆就出現問題, 又可能人地特登SET到D料咁衰等你班人唔好拆佢呢

gainax

引用:

原帖由 stevechau 於 4-5-2023 09:52 發表


um......so far可能你要求高/唔好彩, 又或者真係自己幸運, 我未能經歷每一支V記"都有問題等玩家自己FIX"
反而有D問題我覺得係想變好但仲未成熟, 例如guidehop, 我真心極度討厭較個HOPUP手槍要拆SLIDE, V記MK18以 ...

咁啱見到fb有人話新槍g36爆煲，有時唔係唔想再玩佢產品，而係搞左咁多年仍未有信心再去玩
佢新產品psg1 mcx定mpx?又係有奇怪野爛，我覺得佢d鋁料係我們級數先成日爆身，佢所謂V3新hopup又比人彈會鬆變冇hopup
所以連台灣個面都得唔到自己人支持，反觀G香港初期鍋氣多改到而家完全掂哂人地真係有誠意改好產品比玩家
唔係不斷改版上代同下代相容性低迫你買過哂，佢連夾都改左幾代，你追佢夾都唔知換左幾次了
我就係睇到無止境咁升級先冇再追佢系統，但事實佢係開創好多新槍型外殼又正係讚，其實佢不如出套件方式比第二個系統用
我覺得咁樣先真係將自己產品優點發展到最好局面，拎哂板拳得佢先出到個d gbb，第二間想做都冇得做。。

stevechau

爆煲果單好似都好早, 同埋V記的確總有人會遇到, 所以大家多年經驗先有盡量唔好衝頭水之說

MPX我記得落場同玩家輕微交流過, 下身內件好似有D野要搞, 但執順即可
MCX就唔知喇

你係台灣果邊睇得唔到自己人支持, 但我又調返轉見到其實唔少人肯BUY V記果套喎
始終玩落仲肯買V記既人, 係會知自己要乜的
當然打從G記都拎到馬仔拉臣, 我都覺得AR可以唔使一定揀V記V3, 除非好似M733/XM177果D咁, 價格明顯有差
GUIDEHOP既問題唔少人都嘗試搵個方案, 好些人其實加個ORING攝實D等佢中間唔好震鬆就叫暫時解決
唔知未來V記會唔會再對GUIDEHOP有呢類UPDATE, 但整體V3至今既所謂問題正路都唔太影響玩家買V記開箱即打既(開箱打爛就另一回事了)
V記匣改過好多代咩?? 神奇416匣好似先係二代?? 之後出返軍版殼PMAG膠殼同短匣, 再之後就已經係而家加左個DRY FIRE制既V3匣了
但至少神奇匣至而家V3匣, 基本上係互通gabor

至於佢改做套件廠唔好出成槍就......
一來廠商間係咪肯比數你出殼
二來佢咁貴買拉臣返黎, 出個殼又賣返成槍咁上下價, 咁何不出返成槍呢??
你話佢出套件我地玩家可以平好多而廠家比起出成槍賺得更多就話啫
其實我都想知鍾意搞來搞去換野既玩家係咪超過主流一半
更唔講出套件以V記而家既產品線, 除左AR15系列其他款都無廠出, 佢咪又係要出返自家系統成槍~

你將V記發展看法太過焗限係AR系了

gainax

引用:

原帖由 stevechau 於 5-5-2023 16:26 發表
爆煲果單好似都好早, 同埋V記的確總有人會遇到, 所以大家多年經驗先有盡量唔好衝頭水之說

MPX我記得落場同玩家輕微交流過, 下身內件好似有D野要搞, 但執順即可
MCX就唔知喇

你係台灣果邊睇得唔到自己人支持,  ...

V2 g36 fb有人話新槍爆左煲唔係以前,我唔記得係mcx定mpx，個槍管座設計左右合埋一件斷外管既。。
就係而家得v3 ar系最少問題先拎出來比較嘛，所謂V3同其他系統一比都係有段距離，但價錢唔計款式唔比其他系統平
所謂買佢既人主要就係得返特別款式有吸引力先入手嘛，除ar其他仲係V2都未完全認真解決佢本身鍋氣問題
老實講我都唔敢推薦比朋友買V記，我覺得除非你識解決佢d鍋氣，唔係既話新時代明顯馬記同G香港先係穩定安心系統
佢m4出左幾代夾了，V1軍夾，V1膠夾，416夾，同而家新軍夾，得而家新軍夾先至氣化好d，未見過一個系統可以出幾隻夾唔同設計
佢而家新軍夾連像真外型都冇埋彈夾底又做左分體件，你哋真係追求像真冇可能會接受到佢新軍夾外型

不過玩佢系統既人仍然大把嘛，咁佢先可以少少咁不斷升級年年改版咁出貨，其實真係中意既可以繼續玩佢系統
只係作為一個良心用家，唔通明知件野未掂又有人問意見唔通係咁sell佢好好打冇問題好正咩。。 但佢哋係要玩，
一陣又出咩鍋氣你都幫佢唔到
到時又貼邊度爛邊度出問題上網求助，咁多年不斷重複呢d事真係愛莫能助，因為老玩家一早避開某d牌子大家見得多又中過招都共識左
我玩馬記一樣挑剔佢d低級設計問題，但整體上佢係貨真價實優秀產品先值得推薦比朋友仔玩嘛，實事求是V記除左內部像真同外表係優勝，
其他地方同其他牌子比真係有段距離，其他牌子外觀已經越做越靚V記得返內部像真同特別款式賣點，指定型號得佢有你都冇得簡，
咁就去馬然後接受佢d鍋氣自己解決，咁係最好意見？

gainax

https://cdn.shopify.com/s/files/1/0082/9502/2628/products/vfc-m4-green-gas-magazine-v3-30-rounds-airsoft-gray-360_686x686.jpg?v=1674928806
你哋成日話V記像真，唔知近年設計越來越唔像真
唔明點解簡單一體氣缸夾可以設計到咁，我手上有隻馬記夾玩左5年冇任何保養都冇漏氣。。
咪又係簡單一體氣缸夾冇任何專利設計。。   改左幾代夾我覺得都未有幾年前豬香港v1m4重夾咁慳氣好打。。

[ 本帖最後由 gainax 於 6-5-2023 00:30 編輯 ]

stevechau

引用:

原帖由 gainax 於 6-5-2023 00:13 發表

V2 g36 fb有人話新槍爆左煲唔係以前,我唔記得係mcx定mpx，個槍管座設計左右合埋一件斷外管既。。
就係而家得v3 ar系最少問題先拎出來比較嘛，所謂V3同其他系統一比都係有段距離，但價錢唔計款式唔比其他系統平
所 ...

我係話好早, 即係V2新槍出果期, 唔係以前~
匣果度佢係出左幾款, 而唔係幾代......唔怪得你描述D TIMELINE硬係覺得怪怪的, 明明我同你起手玩V記既時間都差唔遠
同埋我地無講過追求像真係會去到絕對像真喎, 呢個一向都係閣下自己既評定線黎, 我地無辜GA

老實講, 我同你一樣, 如果新玩家要入AR, 除非佢講明想玩平價性價比又要靚, 槍打得OK就夠, 咁我先會提下V記
如果唔係都係無腦推馬記先, G記我就覺得佢太貴, 而且匣&原廠件唔夠平&供應唔太穩定
同埋唔知你係點理解人地既VERSION改變, 我就一向認為邊個牌子出新VERSION都係未必解決得到本身"鑊"氣問題(最緊要正字XDDD), V記馬記G記乜記亦如是

而用家呢, 就無話良唔良心既, 無良心既玩家就會無咁多鑊氣咩??
真要講良心, 當然可以提人地出面同款已遇到咩問題比發問者參考, 但另一方面都請再良心D多講閣下自己果支同款到底遇過什麼問題, 無既就正正常常講返原來自己都無遇過
正如呢個POST咁多版以來, CHING作為良心用家我倒也仲未見你對小弟#1提及款式的擁有或使用417/SCAR/AKX有提過什麼用家良心意見/經驗播
一味就係度講MWS點好, 但原來MWS根本就無適合比對既款式作討論, 然後拉到9萬里遠去討論某牌既系統性問題(仲要係個樓主一早已知), 這也是良心的一部份嗎??
所以我咪一路問你, 到底馬記比閣下講到咁好, 佢有邊支原裝超大後座力的762 GBBR款式可供小弟做下功課甚至入手呢??
9頁以來CHING你既良心都仲係唔捨得比答案小弟/各師兄弟播

stevechau

引用:

原帖由 gainax 於 6-5-2023 00:29 發表
?v=1674928806
你哋成日話V記像真，唔知近年設計越來越唔像真
唔明點解簡 ...

咁佢內部設計越來越唔像真但性能又可以慢慢上升的話, 唔係喜聞樂見既事咩??
其實我隻神奇匣都係齋擺床底5-6年先初次出現漏氣
比FD搞果陣都話個匣設計垃圾, 但膠圈用料反而幾靚
但呢D對我呢D唔會&唔想識搞既用家黎講, 非優點亦非缺點, 得個知字就算
G記V1匣係打得呀, 但亦真心重丫嘛, 如果唔係我都唔使等唔到V2匣就賣走支好好打既G5啦
就算我留住套槍匣, G記出V2果陣我咪又係企左係度, 即係V記出新VER就有良心, 其他廠出新VER就係玩買家??
你估買馬記就唔曉漏咩, 買馬記新匣入氣即場CHECK果下即漏我都遇過添

gainax

引用:

原帖由 stevechau 於 6-5-2023 13:47 發表


我係話好早, 即係V2新槍出果期, 唔係以前~
匣果度佢係出左幾款, 而唔係幾代......唔怪得你描述D TIMELINE硬係覺得怪怪的, 明明我同你起手玩V記既時間都差唔遠
同埋我地無講過追求像真係會去到絕對像真喎, 呢個 ...

V記佢而家最新型號槍款唔見得冇鍋氣嘛，其實你哋冇發覺佢好多設計都係重看不重用。。
所以先需要不斷改版fix鍋氣，由玩家試驗去發現乜問題先去改嘛
幫佢解話就叫因為設計要配合像真所以難免有穩定性/性能未有高水平表現，實際情況我睇佢軍版夾要設計到出分體件先fix到漏氣問題
但其他廠未見要搞咁，就明佢設計底子有幾高水平，咁即係以前所謂像真設計係達唔到可靠實用性，但又要夾硬行像真設計？
結果咪mp5冇彈出，g36爆氣清唔到夾,m4爆身，sr25爆煲
Sr25ecc斷身，mp7膠外管，scar爛下身，mcx定mpx斷外管，psg1爛手托
仲有其他小問題要自己fix，唔係特別款得佢有，真係有人中意玩佢系統？

gainax

引用:

原帖由 stevechau 於 6-5-2023 13:55 發表



咁佢內部設計越來越唔像真但性能又可以慢慢上升的話, 唔係喜聞樂見既事咩??
其實我隻神奇匣都係齋擺床底5-6年先初次出現漏氣
比FD搞果陣都話個匣設計垃圾, 但膠圈用料反而幾靚
但呢D對我呢D唔會&唔想識搞既 ...

唔好聽講，佢係冇能力設計到又像真又打得既gbb出來，但又要硬設計出來硬sell自己系統點真點直上真件
最後咪成日比台灣個邊玩家話佢係掛牆槍，d鍋氣奇奇怪怪正常玩家都唔會中意佢設計，
點解唔正正經經好似而家249設計把爽爽性能走向既gbb玩具出黎？ 係一直得佢出極d gbb都有鍋氣嘛
有馬記同g香港呢d老實做好玩具槍設計唔好，走去繼續執著點像真咪永遠實用性局限左
大眾玩家其實只係要求外觀像真就夠，人地近乎成支珍件改出來過萬支ptw只係波箱氣筒內部，追求像真班玩家一樣中意咪大賣
先搞好實用性同穩定性先再提升像真程度既設計先係一件好玩具，十分像真但實用性同穩定性不足既設計只係不設實際
除非gbb唔係拎來射擊而係當操作槍玩拆解，咁就係像真最重要唔洗實用穩定了
我真係唔知佢想設計乜比玩家，樣樣想好但事實係冇可能做到嘛

~~方~~

引用:

原帖由 gainax 於 6-5-2023 14:19 發表

V記佢而家最新型號槍款唔見得冇鍋氣嘛，其實你哋冇發覺佢好多設計都係重看不重用。。
所以先需要不斷改版fix鍋氣，由玩家試驗去發現乜問題先去改嘛
幫佢解話就叫因為設計要配合像真所以難免有穩定性/性 ...

最近買左2 樣vfc 野, 都令我眼界大開

第一樣係：
Crusader Steel Recoil Spring Guide Set for VFC / /Umarex GLOCK G19X / G45 / G19 Gen 4 GBB Pistol Airsoft Series

條杆係膠
條杆係膠
條杆係膠

第二樣係mp5 個火帽

IMG_9971.jpg (1.05 MB)

6-5-2023 20:32

我拎番去鋪頭諗住換，個店員好客氣咁拎左幾包俾我

全部都歪

明明都2023 年啦，vfc d qc 仲衰過十年前

gainax

引用:

原帖由 ~~方~~ 於 6-5-2023 20:32 發表


最近買左2 樣vfc 野, 都令我眼界大開

第一樣係：
Crusader Steel Recoil Spring Guide Set for VFC / /Umarex GLOCK G19X / G45 / G19 Gen 4 GBB Pistol Airsoft Series

條杆係膠
條杆係膠
條杆係膠  ...

所以唔好話大家冇比機會佢改善設計/質量，但佢每次都有驚喜既野比玩家，你哋見得多，試過幾次自然對佢既野唔再感興趣了
唔係成日幫住其他廠講好野又睇低佢產品，你哋搜索返佢最新設計psg1/mpx既鍋氣，咁你哋就明點解咁多人己經對佢產品唔再感興趣  馬記都有低級設計錯誤問題例如mws分體尾通/玩具設計外管固定方式，只係可以簡單換走原件解決到所以大家仍然接受到，
但佢qc超級穩定所以推薦比朋友唔會出錯，V記唔知係唔係太多條生產線qc同設計要趕工先搞成咁，
我就唔想再搏等到完全體先買佢支mp5，如果你哋有興趣就繼續支持佢產品，將使用意見回饋比原廠等佢知道邊度要再良都係件好事

jn_jona

引用:

原帖由 ~~方~~ 於 6-5-2023 20:32 發表


最近買左2 樣vfc 野, 都令我眼界大開

第一樣係：
Crusader Steel Recoil Spring Guide Set for VFC / /Umarex GLOCK G19X / G45 / G19 Gen 4 GBB Pistol Airsoft Series

條杆係膠
條杆係膠
條杆係膠  ...

你意思係最入面枝桿？
真既都好似係膠？

stevechau

引用:

原帖由 gainax 於 6-5-2023 14:19 發表

V記佢而家最新型號槍款唔見得冇鍋氣嘛，其實你哋冇發覺佢好多設計都係重看不重用。。
所以先需要不斷改版fix鍋氣，由玩家試驗去發現乜問題先去改嘛
幫佢解話就叫因為設計要配合像真所以難免有穩定性/性 ...

看睇不看用......咁又點?? 枝槍落到場打到, 掛牆果陣好睇咪得囉
你咁唔鍾意改, 咁你拎住閣下口中支無敵萬能MWS係咪乜都唔改原裝落場丫??

出個新款由玩家試驗, 其實我都覺得好無奈, 但佢唔咁做大眾就直頭無得玩
想好似馬記果種接近全BUG FIX先出好未, 你有咁多青春等得到佢出再講囉
其實你話特別款得佢有, 佢出果D款其實係好大路, 只係無其他廠敢/肯出吧了
既然得佢有而又想玩果個款, 唔浪費時間計唯有買左再講, 直至有其他牌子出再算
即係閣下驚得要命果支MP5 GBB, 我尋晚拎落場玩, 後座叫扎實, 你驚到縮果D問題我又好彩今場無出現, 試槍&清彈果陣既清脆又吸引晒班玩MWS&G記AR齊齊湧過黎試玩
個個爽完先問咩牌子?? 我都係照答"網上過街老鼠垃圾V記"lor
玩果陣既開心邊有人走去問/睇到底有咩設計問題ga
玩槍既野, 且行且珍惜, 無得玩果陣心癢癢, 有問題果陣有愛都會令人肯KEEP下支槍既......
反正我手上D垃圾都係咁無乜保養有壞就換咁KEEP左咁多年lu

睇住G兄由之前V記打手變HATER呢個改變都幾有趣, 但顧左右而言他我都仲係不禁就住主題問一句, 到底你推薦到MWS系統762款式比小弟/大家去課金喪打未啫??

[ 本帖最後由 stevechau 於 7-5-2023 13:34 編輯 ]