引用:
原帖由 ~~方~~ 於 8-5-2023 14:28 發表 
玩vfc 最矛盾既地方係, 大家都知vfc 係恨鐵不成鋼既廠
但好多gbb 又得佢先肯出, 而家出到叫做打得下
所以最後就跌落v1, v2, v3 輪迴
經過左咁多年, 我諗未來我會睇人玩vfc 多, 買就除非真係好鐘意
都 ...
所以我一直就係建議出完全體先值得投入去玩，完全體應該就係所謂v3,至少ar系列V3真係可以穩定落到場
我唔係針住佢舊產品點差而唔理性反埋佢新產品，你哋自己都見到佢所謂最新設計品質如何
佢產品外表好靚又多獨特款事實係好吸引，但每次都驚佢品質比驚喜你又下年改版擔心自己好快變舊版係多數呢2樣先縮沙冇入手之嘛
其他2大系統唔見有呢個問題，同樣台灣豬記佢V1同V2係可以互換所有零件，人地V2係將V1欠缺做得未到位地方改變得更美好冇結構性改變
你地睇返V記作風，V2同V3撞針係完全唔相容，即係V2冇得升級V3，彈夾直情出過隻新，但佢咁大改動只係將件產品設計不良地方修正返正常穩定，咁你叫上代玩家升級唔到V3點處理支V2？咪插水賣2手出去，V1升V2個年代又係咁，而家V2升V3又重複當年
咁我所為消費者點解要不斷大花金錢去升級？等完全體改好哂先入手唔係仲好？
就係咁既風氣好多人先唔再玩V記之嘛， 無奈又係得某幾個系列佢先有，最終一係繼續觀望一係玩住先算
我自己一直玩開像真系統點解又咁突然全部轉馬記？就係gbb改槍改到怕先妥協接受唔像真既馬記但安心爽爽玩落去，
唔係馬記個玩具內構我真係中意嘛，如果V記肯保持外觀優點再整返個馬記咁爽又穩定內構，到時我都唔玩馬記全部投入玩V記
希望佢支249係新轉型開始啦，老老實實做好玩具槍比玩家爽爽又保持外觀咁正，到時個個咪又爭住玩V記你地信唔信？
同當出mws一樣之嘛大部分人反馬記，點之冇幾耐個個轉哂會。。
