KurtznsR

人，每當態度強硬時，或者心境、態度性急而變得強硬，掘強，都會給人家一種感覺-不可一世。

但，可想言之...往往都是被動...

有句說話...叫做 迫虎跳牆~

當自己一個冷靜落黎...回想...

反省...其實當時此刻都一直無奈，甚至覺得自己太狠。

今晚與太太返外父度食飯，件事未解決，反而仲俾佢執多劑，
被佢兩父女唱雙黃，百般凌辱，講到我好似賤男咁為禍人間。

男人可以風流，但唔可以下流~

又唔諗下迫人做草和尚，四大皆空係有幾為難同痛苦。

宜家我唔係搞/玩/包 女人啫~

風流下d玩具嗜好，咁都大不敬有錯~

我今晚拍台走人，單拖走，屋企見，

結果，佢未又係凹水返來啦~

有時，我都唔知係咪真係要搞到咁大件事。

但依然不抽不插，不理不睬，繼續冷戰。

宜家，我索性唔理x佢，
嚮屋企著住條孖煙通，手持para，擺出高姿態練draw槍。
吹咩~  要收樓，夠膽就黎。

但宜家一個人返房對住部腦，一個人睡，
其實，軟硬都想有個老婆訓嚮隔離，陪下我都好丫。

自己又講唔出口，又不於示弱，就範妥協。

真犯賤。

每當變硬時....男人都是野蠻的。我自問。









直到23/7今晚為止，問題已解決左~!
coo~lala

太太"有"條件投降，
革命尚算成功，同志仍須努力~

迫遷終止、禁制令解除。
update新政權，都係我揸旗。
暫時解決左，鬆返一口氣。

代價都唔細。  
不過真係愛你嘅~ 我又邊會捨得同你去計~

希望佢唔會反悔啦~

[ 本帖最後由 tonyjaa 於 23-7-2008 20:20 編輯 ]

KurtznsR

我都明白你地的意思，謝謝你地嘅支持，

首先，太太唔係要摺埋個檔口，係要摺埋我。

你地明唔明白~
哩個太太係我95年返香港玩時認識，
返美國兩年後我就當兵，哩段時間，除左我老母過份憂心，我大哥話我贛居之外，我太太當時都冇意見，而且非常支持我關心我。當時大家分開左兩地，佢對我嘅心靈影響同支持，使我吃緊堅持到底，渡過左很多難關。
果時我覺得有佢實在太好，並唔係宜家咁樣，唔支持不打緊，反而迫丈夫走上絕路，真係參不透佢痴左邊條根~?!

出去打wargame?! 我返左黎差不多十年，都唔知有冇去玩過2次~ 或者，應該話，我唔打wargame嘅~
大家可能當左我係典型wargame友，我其實凈係收藏軍品、玩具，燒槍，係咁多。有好多嗜好我都已經冇玩。
佢識果陣我已經儲開軍品架啦~ 正如我識佢果陣佢都好鍾意打保齡一樣~
冇奶油，突然解放我~!!moc奪我嘅自由~ 做人倒得返轉頭先得架~ 我都冇理由禁止佢玩保齡~ 係咪先?!

我冇厄佢大話~ 頂籠佢冇問，我冇講啫~
好似燒槍買槍...但由於係槍會進行，有時去完返黎，佢都只係以為我收工收得夜dd，從來冇俾人小過，追問時實認去左過喎。佢都冇乜野，我嚮屋企拿住支玩具槍四圍走位，draw槍，嚮食飯台拆槍整野，佢都陣係笑我痴線，細路仔。

再者，佢識我嘅時候都知我咩野料架啦~係個咩野人，跟得我，點可以到宜家反手，想操控我架~!
我好細過已經同我大哥d同事朋友玩，有d係英兵，大部份係警察，同燒槍人仕，很很細已經培養出對軍警槍械濃厚嘅興趣。所以你教我點改?
收藏軍品~ 就算當兵前，初中仲嚮香港嘅時候，我已經鍾迷軍品，時至今日絕對唔可以話戒就戒，話禁就禁。
玩具~ 我屋企好嚴，十歲打後屋企係唔可以有玩具，老豆見一件丟一件~
我都好D，我初中，呀哥都會買野俾我，佢屋企係我第一收容所，我都可以偷偷地買，儲同玩，不過當時錢財有限。
每個人都有佢嘅童年，而我同我大哥就只有童年陰影。
大個左，我大哥鍾意收藏唱片、相機、工程車玩具、燒槍、揸車。
而我，就係收藏我童年時代無法擁有嘅日版玩具、 玩具槍、軍品，仲有燒槍。

我大哥四十幾歲人，生左兩個，最細個女都十一歲~ 大嫂從未炸型~ 至少唔會好似我咁大獲。
我~ 同人唔同命~

如果果種方法係可以解決問題。我早就做左。
早已看透......卻未感化。


宜家都係見步行步。不過昨晚真係佢地兩父女真係吃x左屎，無程程借d耳搵我黎插，我覺得我冇錯。

[ 本帖最後由 tonyjaa 於 20-7-2008 00:07 編輯 ]

KurtznsR

控制我嘅性慾趣 (性格和慾望和興趣)   

又真係控制慾強~ 中呀~   

但係以前佢冇控制我，我都冇控制佢。大家都不受控制。  

頂多摸下佢。宜家佢直頭想將我握到實哂。

KurtznsR

已解決!!!  解除武裝敵對。

齊齊返房訓。

KurtznsR

引用:

原帖由 莊家-犯罪無間 於 24-7-2008 00:11 發表
呢次只係預演之後陸續有來

乜你咁架~
仲諗住你明白我。

大家要明白，我係將我本來屬於我自己嘅野轉左一半俾佢，
係我自發性去做，

佢擒晚知道左，即時攬實我。
老實講，我唔可以去衡量佢愛我有幾多，
但人一世物一世，我嘅野同佢分享，同時希望佢都會接受我嘅野。

可能女人係現實嘅，不過，我真係愛佢，我應該一早想到這種問題。

之前大家財政獨立，我有我嘅，佢有佢嘅，

真係冇照顧到佢嘅哩方面。

不過，佢有左我b， 當初一切我都覺得理所當然，

宜家，俾足信心佢，佢應該安心吧。


不過，佢唔知我嚮會度擁有幾多支槍，俾佢知又係煩，找屎吃。

所以弟兄講得arm，哩個係一個未完的結局。

但願人長久...

KurtznsR

引用:

原帖由 jwlchan 於 23-7-2008 23:59 發表
小弟结焝成三十幾年, 吵交唔少, 亦"牀尾和"唔少..........

小弟好杯中物, 在當兵時常流連兵房Mess, 或與三五知己暢飲, 老婆時時炸形, 有時做完大件嘢, 就與同事共飲減壓, 但老婆時常不 ...

我嚮佢心目中永遠係滲蚊仔，除左xx時。

不過我今晚真係好興奮。心頭大石我放下了。

老婆點會唔緊。

希望佢唔好再咁火爆，體貼下啦。

KurtznsR

引用:

原帖由 louisli 於 23-7-2008 22:00 發表

如果真係鬧過先知錯咩野就好囉
鬧完仲要將所有錯歸究為"誤會"，又將責任推開，你都咪話唔激氣
明明嬲果個係我嘛... 唉

你係幫男家女邊邊先?

不過事過境遷， 唔好諗喇。

總之，feel so good 啦。

[ 本帖最後由 tonyjaa 於 24-7-2008 02:12 編輯 ]

KurtznsR

多謝各界弟兄支持。

我會好好打好我嘅槍，完成我嘅目標，同時會好好愛惜家庭。

KurtznsR

引用:

原帖由 jwlchan 於 24-7-2008 02:11 發表


我今年五＋幾歲, 我老婆细我成十年, 佢而家都當我係細佬.......唉, 女人係咁既叻!
師兄, 信我啦, 雖然有時我個人好衰格, 但我仍然係忠既, 生個细佬, 有事就"牀尾"和左去.....做男人係咁既啦, ...

收到，明白的，很好的交談。