pik825

葛咸城,蝙蝠俠,小丑這些名字我已遺忘很久,原因係愈拍愈垃圾0既電影,縱使一集比一集卡士強勁,但係又一集比一集垃圾,對呢系列電影完全失望,又加上近年其他美國英雄電影又拍得非常精彩,就更加淡忘蝙蝠,但係美國人好似想極力拯救呢個沒落英雄,拍左一套batman begins,個戲名叫begins,劇情一樣從頭開始,唔係連貫之前,就好似叫人忘記過去0既蝙蝠俠,從頭睇過一套新0既美國英雄片,又真係ok喎,到今日The Dark Knight上畫,繼begins之後再出現係大銀幕,今次真係好震撼!所有人都會諗,係啦,呢套先係蝙蝠俠電影呀~不過蝙蝠俠真係好慘,戲中已經不太受市民歡迎,仲要每集都係俾奸角搶曬鏡,今集最大劑,由希斯萊傑主演0既小丑好得可以攞影帝,連第一代小丑積尼高遜都贊比自己好,無錯積尼高遜演小丑好經典,佢係壞,但壞得幾童真,但係你唔會驚佢,有時仲會覺得幾風趣,但係希斯演0既完全係另一個層次,佢將小丑0既瘋狂,暴力,狡猾,唯恐天下不亂赤裸裸呈現你眼前,好鍾意佢對住一個黑道老大的一句對白"這城市需要更高級的罪犯",希斯演的小丑將會取代積尼高遜成為經典,別了希斯萊傑,我會懷念你,戲中你係蝙蝠俠死對頭,現實中你精湛演出拯救了蝙蝠俠.

~小藍孩~

我要batman

pik825

引用:

原帖由 ~小藍孩~ 於 22-7-2008 11:40 發表
我要batman

唔洗返工咩今日?

~小藍孩~

放假...

甜甜

小丑真係好搶鏡~
睇完之後，仲記得佢既戲份

pik825

引用:

原帖由 甜甜 於 22-7-2008 12:43 發表
小丑真係好搶鏡~
睇完之後，仲記得佢既戲份

係呀,基本上佢一出場就令人難忘,印象最深係炸醫院果PART.

豬肥

引用:

原帖由 pik825 於 22-7-2008 12:59 發表


係呀,基本上佢一出場就令人難忘,印象最深係炸醫院果PART.

玩remote果下應該係成套戲入面唯一一個gag位喇..

pik825

引用:

原帖由 豬肥 於 22-7-2008 14:13 發表

玩remote果下應該係成套戲入面唯一一個gag位喇..

gag位我反而覺得係,同班sdu一齊衝上國金果個便衣阿sir,個樣gag到呢

豬肥

引用:

原帖由 pik825 於 22-7-2008 16:05 發表


gag位我反而覺得係,同班sdu一齊衝上國金果個便衣阿sir,個樣gag到呢

呢個我唔係幾記得..

餅

我見到鮑魚生個樣好似打左格仔咁.....呢個先係GAG位 !!

起香港個幾幕好有親切感 ~

成套戲睇完之後既感覺係......

如果Heath Ledger 拎影帝絕對實至名歸 !!

只可惜 " 最經典的小丑 " 成為絕唱......

甜甜

引用:

原帖由 餅 於 23-7-2008 01:01 發表
我見到鮑魚生個樣好似打左格仔咁.....呢個先係GAG位 !!

起香港個幾幕好有親切感 ~

成套戲睇完之後既感覺係......

如果Heath Ledger 拎影帝絕對實至名歸 !!

只可惜 " 最經典的小丑 " 成為絕唱......

鮑魚生個樣，真係唔講唔覺佢出左場

pik825

引用:

原帖由 甜甜 於 23-7-2008 09:40 發表

鮑魚生個樣，真係唔講唔覺佢出左場

個"實Q"戲份,對白同出鏡時間都多過佢

豬肥

引用:

原帖由 甜甜 於 23-7-2008 09:40 發表

鮑魚生個樣，真係唔講唔覺佢出左場

喺直昇機場度一聽聲就知係佢

destiny

batman炸毀了國金炸得好  
p.s:好佩服小丑的才智 but 係滅絕人性的才智

甜甜

引用:

原帖由 pik825 於 23-7-2008 10:51 發表


個"實Q"戲份,對白同出鏡時間都多過佢

係呀，雖然個樣唔太清楚，但係有幾個清楚對白