最近忙於處理M4開業工程,D野真係多到做唔完,出Post慢就真係唔好意思!
繼續講下點樣DIY
本來打算一邊間場,一邊圍木板。
不過考慮到氣溫同空氣流通,都係等到冷氣工程完成之後先開始圍牆。
![](http://i.imgur.com/TWRh0PR.jpg)
由於一早度好晒尺寸,只好將塊板同木框對齊,就可以將整個CQB場圍起來。
![](http://i.imgur.com/Rx4T0aY.jpg)
本身都以為用釘槍釘實塊板唔難!
哈!點知竟然釘哂去隔離,最終要一口一口抆番哂D釘出黎再釘過!
![](http://i.imgur.com/UxIgaiJ.jpg)
呢度將會係其中一個CQB場既入口
![](http://i.imgur.com/YdP19uN.jpg)
裝左板之後既CQB場入口
將木板裝左上D框到之後,又可以去到下一個工序
「油油」
不過係油油之前緊係要執左幅牆先
![](http://i.imgur.com/cOm3BKI.jpg)
有D地方連灰都跌哂落黎,要先批蕩,才可以上到油。
以下油油方式經高人指點,自己家居裝修油油都希望岩用
![](http://i.imgur.com/ozM74en.jpg)
批完蕩之後,第一件事竟然唔係開油,而係去剪燒烤網??
![](http://i.imgur.com/V1r9rLI.jpg)
將個網摺好,並掛係個油桶入面
![](http://i.imgur.com/BnJ3a0T.jpg)
然後就可以倒油
![](http://i.imgur.com/7LSiRC5.jpg)
倒完油千祈記得加水
![](http://i.imgur.com/n6P4obS.jpg)
加完水記得要用同一個方向搞混
![](http://i.imgur.com/tTQhVEQ.jpg)
頭先整既燒烤網就係為左隔番油碌d油出來,咁樣又慳油而d油又唔會滴到一地都係
![](http://i.imgur.com/12Z1lrg.jpg)
咁樣就可以好輕鬆咁油牆啦
![](http://i.imgur.com/grfgtu5.jpg)
天花要執漏就只好擔梯用個油掃慢慢黎啦
油天花時咁岩比我捉到
![](http://i.imgur.com/WKPXgDg.jpg)
呢位師傅無做足安全措施,真係藝高人膽大!