响facebook見到篇文,借來分享!
三歲到三十歲前，以為自己黑白分明，為所有同事反對經理管理，好威，好勇敢，好正義，我地大圍前線意見先係啱嘅，老闆一定錯哂，前線話做唔到嘅嘢你地高層跟本離地唔知咩事，然後寫好橫額，比個就退休嘅行過問我地：「你地覺得咁樣做唔到，你反對，咁唔該諗個達到相同目的又長遠可行方法出來，先去同高層去反對過，後生仔唔好有破壞無建設」
眾人覺得佢食古不化，但又諗唔到建議，於是開始時最嘈，反得最大聲帶頭嘅人四散，剩下三數個一齊起哄嘅話「唔關我事，係佢﹙指我﹚話唔得，我地無話唔試老闆新方法架」
三十歲後，開始知道呢信世界唔係非黑即白，好多時睇你企邊個角度睇，其實灰色先係主調。
無論點講其實都會有人支持，有人反對，但我後悔年輕時偏激，然後望住後生仔女不斷重蹈覆轍，我明白果一剎那「官迫民反」要捨生取義嘅自我感覺良好，真係足以令當時年輕嘅我放棄前途，放棄工作，放棄反對嘅家人，因為有更多自以為「志同道合」嘅人一齊，互相鼓勵，然後先知「有難同當」講就容易，做就四散，眾叛親離環境下，繼續痛苦依上頭新方法，開始好唔適應，好麻煩，但運作熟練後果然新方法開始有成效，節省時間又節省人力，然後更多當初反對得仲大聲過我，推舉我去代表佢地談判嘅人來比說話我聽，話我意見唔代佢地，係我搞事兼擺佢地上枱，所謂正義，是非黑白即時變質。
我好彩身為女人，嫁咗咪搵過第二份工囉，成件事嘅後果，令我失去嘅只係份工，同幾百萬退休金，但認清哂身邊嘅牛鬼蛇神，經一事長一智，現在做事更圓滑順利。
時至今日睇返啲細路，只能講我明佢地點諗，不竟佢地嘅諗法我都曾經有過，但呢種諗法所有長輩，無論父母兄姊，師長政棍，都有責任，「冰封三尺非一日之寒」好明顯再上一代父母老師就已經行咗呢個方向，咁班細嘅又點會唔再跟住？再年長嘅呢一刻講乜對佢地都係枉然，如果唔係ISIS 就唔會越來越多年輕人支持，佢地嘅開始何嘗唔係鬧政府唔好，要革命要正義，只能祈禱香港唔好搞到變個「本土ISIS」 出來就萬幸, (唉！現在身在其中者無insight, 遲早出事﹚
其實現實世界裡有幾多野可以用黒白,對錯去分呢!
