上文提要，朋友玩模型貼上FACEBK 問點整舊化.. 整到一劈黑色好似跌左落屎杭，
忍不住PM 佢講下我的方法 ( 不一定全對，但應該唔會似屎)，
之後佢千恩萬謝，又話想整多隻，但老婆同BB 在家實在難抽空整，
我抽起條根話不如我幫你整一隻啦，收番你盒毛型錢就好。
自己其實都係貪玩，無情情就開工了。
對上一隻是6, 7 年前的INFINITY JUSTICE , GUNDAM SEED D 的主角機體，但那時只是簡單組裝，噴了METAL BLACK 骨架，補上少少色 (不喜歡用貼紙），
噴了消光就上碟，自娛而已。
要數說全體上色應該已經廿歲仔果陣，
再數上去就係初中時代第一次玩噴槍。。 開心又好玩，但沒ＰＵＭＰ ，用類似TOPGAS的來噴，學生哥邊有咁多錢。。。
噴多２ 隻就收工用番筆了。。。
實戰：
素組是一切的基本，比你知道究竟邊D 件要拆開黎噴，或砌左先噴，或要遮膠紙噴，不得不提BANDAI 今時今日的無印 ( 連HG 都不是) 的1/100 毛型，
已經有當年MG 版的風範，夾口 ( 兩件膠件拍埋之後果條線 ) ，少之又少，手腳等亦係先有骨架再砌外皮，上色已經好簡單了。
為本次製作買入的小型氣PUMP 連槍，加埋人仔三舊幾，抵到核爆，而且頗靜，大概只有手提入電池風扇仔咁上下聲，夠壓即停，冇氣再開，不似以前咁長開長嘈...
想當年小學玩時是買GAS 來噴的... 噴2 野要回暖...
同色的件坐埋一台，噴油之道，干爽，距離足，氣壓夠，薄噴多層就是靚。
牙簽，棉棒，衣夾是你的好朋友，底墊是在家品店十蚊四塊的BB墊，隨便插
初部完成，由於成隻野都好深色，除了比較白的位置滲線外，其他都懶了不做，噴上消光COATING
呢度又要講一講，雙星隻X21 叫咩消光BASE 的，問老細可否直接噴上去做保護，又話得，已經開到非常希.. 一噴.. 即時變雪地型.. 白到XX
抹左我勁耐有D 位又要重上色.. 攪左2 個小時.. 多謝哂...
第2 日問番老細佢又話得，我話我尋日噴左，白哂WO~ 我話已經1 開5 倍開油水..
之後佢先改口話應該係用黎調色的不可直接噴.. 花腰...
最後噴消光是罐仔油，很臭...
打陰影，先指聲明我自己打得麻麻偏向差的一類...
打陰影即係將呢隻只有18 CM 高的公仔，想像成係18 米高的實物，究竟陽光打落黎，究竟會發生嘜野光暗表現呢？
基礎就是這樣，做法大概都是被遮位就深，太陽直射位就淺，
完美的做法是逐隻顏色打，綠色的高光位是淺綠，暗位是墨綠，我就懶，用極細極希黑色就咁噴，完~
由於物主本身話要做「舊化」，戰損，自己之前有玩過，但其實唔太喜歡，做都只係非常輕手，但既然物主要玩重口味我亦只好FOLLOW...
一隻整槍用辣雞一隻，需知道戰損多數幾種，一係撞擊，一係摑傷，一係被子彈擊中。
都是一隻雞了事，撞傷可以參考路邊P 牌車，直擊可看手留彈爆炸位置，中間是灰色，旁邊放射狀是一些黑煙色，
而上面一個個洞是機槍擊中，先用銀色掃出被「唧起」的金屬，再用黑色做污糟。
故事中呢D一塊塊既野係用黎頂子彈的 （好似浮油炮咁浮)，SO 會特別傷。
完成品，舊方法大概都是銀邊，干掃 (即係將毛筆上的油抹在紙上，８ ， ９ 成乾，直接掃上部件，
想靚就不要大刀闊斧，用龜筆慢慢攪最好睇，最角角位可以直接上純銀色，扮撞損。
腳部份有些泥色，都是干掃法，９０ 度垂直「督」上去的。
舊化要考慮實況，例如頭頂不會有泥，愈外圍的地方愈易受損等等。
[
本帖最後由 Dave 於 19-6-2014 18:42 編輯 ]
