reniless

【晴報專訊】養兒一百歲，長憂九十九，在樓價高昂年代，生仔或需「包供樓」。有港媽指，親友苦勸要為囝囝儲定首期，否則恐遭埋怨。有親子理財顧問指，「以樓為先」的理財觀念有負面影響，親子關係建立於金錢上相當危險。
https://hk.mobi.yahoo.com/home/% ... 7%92-225018476.html
---
睇網上留言，先發覺自己價值觀跟很多人不同。
還好老虎的想法跟我一致。

sovietarmy2012

首期屋企出？！無野化。。。不如老婆同佢拮埋

rho837

供書敎學以經超出做父母工作範圍! 重要謂左住香港及將來生活俾埋首期.......!

最多住到24歲就一定要他們自己搬出去租樓住及自力根生!

70后的師兄們! 我地當年80年代(1991)咪又係一樣"冇"! 當年一層新樓要280~380萬左右, 當年月薪7~9千, 開埋OT最多萬四!  同而家冇乜分别一樣買唔起樓! 就算現在500~650萬一層新樓, 你都可以揾到400尺30年樓都係講380萬左右, 但而家一條新仔都講萬一底薪, 很做點會搞唔掂.......

買唔到私樓咪租樓住, 唔夠錢洗咪唔好洗, 見到其他人有$有車有女都冇計呀! 係人地既事!

我成40幾歳人至有多如錢買到心頭好既玩具槍, 當年俾班老屎忽同事笑 "講車經就凶狠; 見架舊車就碌撚." 係冇就冇但唔代表將來冇!

FBC1

真係睇父母揾得多定揾得小啦,唔係唔想幫,而係有無能力幫.
老實...生得佢出,供書教學,又食又住,我認為做父母責任巳盡啦.
唔須要幫佢聚埋老婆幫佢養埋仔啦. 大個仔自己負起做人既責任啦.

rho837

人生在世! 自力根生係必然! 本身係勤力就一定唔會餓死凍死! 好多褲易袋一出世就含住條金X長大! 我見好多结局都係得啖笑! 攑個例.......70s有一位槍友(X子X)一出世就好似有幾層太古成在手! 由细到大寸到七彩, 玩槍可以玩到天文數字(同一般香港人比較)! 一世人九成時間威到盡但今天的他.......做實Q! 完!

掂唔掂! 七成勤力, 有可能三成講運氣!

想生存! 靠自己啦!

[ 本帖最後由 rho837 於 29-4-2016 17:42 編輯 ]

FBC1

引用:

原帖由 rho837 於 29-4-2016 17:39 發表
人生在世! 自力根生係必然! 本身係勤力就一定唔會餓死凍死! 好多褲易袋一出世就含住條金X長大! 我見好多结局都係得啖笑! 攑個例.......70s有一位槍友(X子X)一出世就好似有幾層太古成在手! 由细到大 ...

做實Q? 由天堂跌落地獄.

sovietarmy2012

好仔不論爺田地

kornhill401

引用:

原帖由 rho837 於 29-4-2016 17:39 發表
人生在世! 自力根生係必然! 本身係勤力就一定唔會餓死凍死! 好多褲易袋一出世就含住條金X長大! 我見好多结局都係得啖笑! 攑個例.......70s有一位槍友(X子X)一出世就好似有幾層太古成在手! 由细到大 ...

大丈夫,能屈能伸. 好過怨天怨地果D Thx for sharing

Dave

而家香港風氣係咁的，生得我出就幫埋我生老病死茶煙飯炮樓車狗女，事實上父母果一代可能都係捱到50 歲+ 先叫有一層自己名既樓..
而家d 仔仔女女唔好咁矜貴唔該... 無私樓就住公屋吧.. 之後事業有成或投資有道先諗樓，本身樓就唔係一樣易得既野。
老豆老母真係捱蕃薯捱到層樓比你，你都係nothing，分分鐘可能當奉旨要比，一樣野如果覺得係奉旨就唔會有感謝之心，貼錢買難受也。
有本事既自己賺錢，我當你想買樓，首期我出一半你出一半都可以，但絕對唔係我貼哂分分鐘幫你供埋，如果要做到呢個份上，呢個仔好極有限。

至於父母有米買樓送比你係你福氣，最好收埋唔好講，因為唔係你貢獻，拎來曬既唔係樓而係自己層面皮。身邊最少2 個富2 袋又係有樓牙擦擦，
問圍內fd 買樓要注意d 嘜，大佬你圍內圈子大部份都係一皮鬆d 人工廿幾歲仔，你真心想問「專業意見」定係真心想曬命呢？
至於另一個佢老母翻頭嫁左個有錢佬，直接買層樓比佢5 百萬鬆d，呢個就比較有上進心自己開鋪做老闆，雖然渣架純紅type r 番工都係牙擦，
但叫做生意遇困境都頂硬上的，賺唔賺到錢我都有少少佩服佢。

[ 本帖最後由 Dave 於 30-4-2016 03:17 編輯 ]

tinyau1134

有資源我都一定會幫下一代的。

生仔送層樓比人
生女有層樓送

暈又暈

有沒有想過這可能又是另一單假新聞?
自己一手一腳攪掂既遇到一個
自己同老婆係外面租房等上樓又有一個
老豆出首期俾個仔結婚，淨底既要個仔自己供都有一個
至於公屋，果種思維根本係阿爺果代留落黎，一個人搵一份，兩個人竟然唔可以搵到(最少)接近兩份，全家人只有一個人做野?  等上樓就變成一個鬥窮既遊戲

sovietarmy2012

引用:

原帖由 暈又暈 於 1-5-2016 15:59 發表
有沒有想過這可能又是另一單假新聞?
自己一手一腳攪掂既遇到一個
自己同老婆係外面租房等上樓又有一個
老豆出首期俾個仔結婚，淨底既要個仔自己供都有一個
至於公屋，果種思維根本係阿爺果代留落黎，一個人搵一份 ...

咁睇...新聞真偽難求正,這社會有最上進的,亦有最仆街的,重點係新聞的在社會上有冇普遍性