發新話題
打印

[others] 細說HPA系統

細說HPA系統

自己好鍾意研究不同氣槍的原理同運作,最鍾意就係由零件開始砌起。由AEG、GBB到PTW到而家迎興的HPA系統,我都想知每種系統的優缺之處。就係我決定要試下研究下HPA系統的時候,有好多人都表示好笑或者好多疑問。
店員A: 「下, 玩反轉頭,唔係呀嘛。」
朋友A: 「傻左咩! 咩年代呀,仲玩拖喉。GBB唔好玩咩?」
朋友B: 「聽講HPA好似準D,係咪架?」
自己細過的時候無機會接觸過以前真實「拖喉」的年代,不過好在有上左年紀的朋友表示有玩過,問下以前的歷史不難明白點解會有咁多人對「拖喉」存在咁大恐懼同反應,不過細心D諗又覺得無咩可能。過左廿幾年都仲無變過,講比你地聽你都唔信啦。
近排又見到E何B出左段片係G&P同Polarstar的HPA槍(呢段片比好多外國玩家話到飛起)
有見及此,所以出POST同大家分享一下HPA係點樣一個系統,一步一步帶大家入呢個新世代(唔知係唔係)
當然會同大家分析一下AEG, GBB, PTW同HPA的長短處啦
PS: 以我一人之力真係好有限,你地諗到咩,歡迎PM。

============================================================================分隔線============================================================================================
準備
要玩HPA, 以下幾樣野唔少得:

1.        HPA Engine
HPA主要而家係美國好HIT, 好多唔同牌子的Engine. 每個牌子都有佢地的獨特之處, 今次我就買左Polarstar的JACK。
大家可以LINE上去睇下佢地的產品:
Polarstar- http://polarstarairsoft.com/
Wolverine- https://wolverineairsoft.com/
Tippmann- http://www.tippmann.com/c/automatic-airsoft-gun
Redline- http://www.redlineairsoft.com/
Daytona

2.        空氣樽Air tank
故名思義,就係裝住不同壓力空氣的樽。樽身的材料主要有鋁同碳纖,分別在於前者多數係3000PSI, 比較平同重;後者係4500PSI, 比較貴同輕。PSI的分別在於同一SIZE的容器PSI較高可裝多D空氣,咁擊發BB彈的次數會較多,反之亦言。CI就係樽身大細,CI多就裝多D氣,常用有13,48,68,90,當然樽身愈大就愈貴同愈重,反之亦言。
睇左好多片, Polarstar的jack同13ci, 3000psi大約可以打到1000發左右, 當然好睇你點set支槍。
另外樽有分SLP同standard(正常),通常都會用SLP, 但有其他廠用standard的, 要小心留意。
今次用左NINJA 68CARBON SLP TANK

3.        Regulator及喉
由於樽身壓力好大, 就咁駁出就射,支槍會頂唔順。因此要加個regulator(限流閥)去減低到自己想要的力度。亦都係係呢到調較自己支槍幾大力同細力d。
Regulator都用SLP同STANDARD的分別, 簡單講:SLP 樽可以用係SLP同普通的regulator,但SLP的REGULATOR只可用係SLP 樽身到。
如果唔識: 買SLP regulator同SLP樽就OK
Regulator都有不同的牌子選擇,今次就買左wolverine的STROM.

4.       
電通常大家都用鋰電,用7.4V就最好, mah就無咩所謂。自己就用緊250mah, 一黎細, 二黎輕。細細一舊電可以stay一星期或者打1萬發左右


5.        打氣方法
呢個好特別, 一般你玩GBB就會買氣, 但HPA係要自己泵氣。可以用手泵, 可以用機泵,又可以去潛水店過D已經打左氣的好大支樽去過落自己個樽到。
用手泵或者潛水店個樽就最好買3000PSI, 手泵我睇過3000PSI 打13定係48CI的樽好似要打300下
聽人講話係金魚街搵人泵氣, 但係點都好。一定要問佢可打到幾多PSI或者MPA。
3000PSI=20.68MPA
4500PSI=31MPA
個樽3000PSI就唔好打4500PSI, 如果唔係………個防爆片會爆
另外唔好係樽口見到有O RING就加油, 想知有咩後果, 自己自行查diesel effect。

============================================================================分隔線============================================================================================

安裝

而家好多HPA ENGINE好容易安裝,佢地強調DROP-IN, 如果你熟識你自己的氣槍的結構,其本上可以係20分鐘完成。今次我用左G&G新出的ARP-9為藍本,一步一步教你地點樣將AEG變成HPA SYSTEM。

今次用的係Polastar的jack, 一開箱會見到jack本體(紅圈), v2波箱用的電子板,一條連接電子板同FCU(Fire Control Unit)的電線,盒會有FCU送的(忘記左左放埋一齊XD)。
購買HPA ENGINE時要留意自己支槍波箱的version. V2, V3,V6, V7有不同的電子板同HPA ENGINE的分別,今次ARP-9的波箱係2號,所以就買反V2的

基本上好簡單,零難度。
Jack本體連接電子版的左面
電子板右面接口,連接FCU的電線及FCU本身
FCU本身用的係JST頭,所以買電池的時候要注意。

將個波箱散開,所有野好多唔唔使要。要留的用有顏色的圈圈表示左
包括:
綠色: 波箱的選擇安全、單發及自動的撥片
黑色: 以頂住TRIGGER及撥片的一組零件
黃色: trigger及彈弓
藍色: 原波箱的trigger組的小螺絲
紫色: SPRING GUILD
白色圈住的地方要留意的係本身波箱會好多雪油,一定要清乾淨。
另外就係啤呤可拎走或者留低都得,如果好鬆都建議拎走。不過本身佢就好實,所以可以唔使拎走。

首先安裝電子板,波箱本身有的小螺絲扭緊。不用太實,不會掉落黎即可。
黑色2圈分別有J2及J1,J2連接為JACK本體;J1為連按電線及FCU。
藍色為TRIGGER組。

整個安裝過程最緊要呢到!!!!!
電子板及撥片會有機會頂住大家(綠色圈位)。要做的野好簡單,就係將圈內撥片頂住左的位用砂紙磨一磨(我用180號砂紙),磨到過到就可以,不要磨太多(我都只係磨左3-4下左右)
請不要強行推撥片,以為咁可以會順,否則灰色小零件會彈飛
(我就係係呢到用左4個鐘去搵加整反好2粒小零件)

過左撥片個關就所以野好易,基本放入去波箱到,唔使改野,唔使扭咩螺絲麻煩野。就好似圖中咁放就OK啦。

合上波箱後的情況。見到波箱後有條電條連去尾托及FCU,下面黑色膠管連空氣瓶。

裝上槍身前可試一下電線有無連錯或有無野唔順。扣動trigger去試單發及連發,成功的話會有細細的「噠」聲及見到FCU上有FIRE字眼。咁就可以上槍身啦。

上落槍身後,連按空氣瓶,試下單發及連發。查看有無咩唔順呀,LU氣的聲音。無的話已經差唔多完成呀啦。

最後完成晒!!!加1500飛彈鼓成為CQB之王……..哈哈哈

============================================================================分隔線============================================================================================
後記:

好多人問咁要點充氣,其實係香港要充呢隻氣都幾煩
因為4500PSI都好高壓,你要去新填地街買部機,我行完都唔見。
唯一我見過係軍軍軍有得賣,但個價嚇死寶寶。所以就投入TB去買部機啦。
好多人話金魚街話有得充,我就無真身行過,原因好簡單。因為我唔想次次都去個到充,而且買部機最平7百人仔就有交易。玩下手隨時平過買氣,我之前有整過之馬記18C前前後後一共用左我2支氣。上網見有人用SCUBA tank(即潛水用個隻瓶)去充,但要買個充件加香港地有幾多間潛水店,佢地咪又係用機充,所以我覺得買機係最實際。

誠實話比你聽HPA的好處我覺得佢有主要2個:
1.        可即時增加或減力
圖中係regulator, 佢較佢的地方只係用六角匙插落下面個位就可以即時見到個錶增加或減少。就算係PTW都要開一條PIN去換筒,莫講話快拆彈弓及傳統波箱。
2.        RPS可以好高
呢點都係Polarstar的特色之一,我試過1秒45飛無問題,youtube上仲有人可以1秒72飛,e何b新個段片中5x飛每秒一d都唔出奇。
3.        支槍輕左
可能因為無左馬達,彈弓,三齒等等零件的關係,手中的槍輕左好多。咁對玩家係一個好大的好處。

4.        出氣量比較穩定
先講GBB。就算係夏天你都要受氣化問題影響,因為歸根究底佢係由液化氣體轉成氣化氣體,過程中一定要吸收能量。所以你打到隻匣凍,唯有用方法回暖番佢,仲唔可以入太滿等等其他問題,HPA係高壓氣,唔會有以上問題。再講AEG,傳統AEG因為無MOSFET等電子野介入,機械式咁去拉彈弓一定會有DELAY或者唔穩定的地方,但隨住MOSFET或者PTW的介入。其實問題解決左好多,PTW的穩定性同HPA有得FIGHT。呢點可以留意下。至於係咪準過其他槍,可以好肯定答你,係或者唔係。因為仲要睇你的HOP UP,管,同BB彈。AEG係可以做到穩定出氣的,但一定要好多技術同時間(例如SET齒、密氣等),要不斷去試先有,而且每支槍的構造唔一樣;對比起HPA,我呢支只改左楓葉HOP膠,係日本訂左支PDI 6.01 141mm管番黎,就咁上左支槍到,最多搞個hop同set dwell (FCU)花左我20分鐘到,HPA無疑簡單好多。
另外見到E何B片中50M打到3INCH到咁細咁準GROUPING,雖然唔知佢係咩SETTING,都睇下另一大牌子點回應呢段片啦,我就唔多講啦- https://youtu.be/14U4nbX95y4

唔好的地方
1.        一D都唔像真
我呢個SETTING,你係要帶住條喉(你地最驚的),而且係無咩BLOW BACK(後座力),咁係咪代表HPA一定要拖住條喉同無後座力呢,非也!!最近E何B新出左一段片就係可以將空氣樽塞落個尾托到,個REGULATOR係個波箱同槍身之間,我相信咁做都係為左合大家的口味,但咁樣個樽最大只可以到13CI,13CI大約可打到1000飛(當然要睇你點SET DWELL同打幾大力),至於BLOW BACK你可以上YOUTUBE打Wolverine quake,或者係DAYTONA, 震過貓王

2.        鬼火
呢個問題好顯然易見,就咁用六角匙就可以改大力(相信D曲街應該就唔會改番細力呀啦),不過想帶出一點的係D仆街係要濫用任何系統的槍,佢都要有方法做到(PTW可換筒,快拆波箱可換不同力度彈弓)差在係快同慢的分別,而且HPA系統中有個叫tournament lock(唔知中文係)佢可以CUP住六角匙位再用索帶索實去防呢樣野,有D牌子仲係FCU到著手,所以鬼火問題都唔係解決唔到,當然曲街的會KEEP住曲街的。

3.        你要帶多個樽
我呢個SETTING係要帶個樽,樽就其實唔多重,半公斤都無。但佢點都有個體積,以68CU 4500PSI黎計打3000飛以上無問題,所以先會買呢個樽。不過你買左G&P X Polarstar(E何B)個支槍毫無呢個問題啦。順帶一提12g的CO2樽都可以打到架,當然就唔同牌子啦。好似Wolverine的Wraith就做到,1支打200發到。

4.        $$$$$$$錢$$$$$$$
呢點好多人都好關心,要搞個咁的系統的槍要幾多錢?
如果你只玩最平最機本
你都要:
1.        JACK V2+空氣瓶加regulator要2900到
2.        電約80
3.        空氣機約800
一共都要$3500-4000到(要計埋運費個D野)
但玩PTW最平都要成萬蚊(講緊好個隻),所以如果你係學生哥、有老婆仔女、有港女女友就玩AEG算啦XD

5. 充氣好鬼唔方便
HPA主要係高壓氣,唔係求期用氣球泵或者用口吹就得,佢一定要特定條件;好似有打氣機或者高壓手泵等等。香港地未普及就無晒方法,唯有自己解決,另外如果你支樽無氣就企左係到,你唔似AEG或者係GBB咁,你要加氣或者換電就解決到,雖然國外WARGAME埸有充氣站,但實情係香港有邊間WARGAME埸有得比你充氣呢?所以一係你就充滿氣先好去打GAME,一係你就買多個樽保平安。

6.基本的氣槍構造的知識
世界上有N咁多個廠家出過N咁多次槍,雖然主要都係圍繞住馬記的波箱,但問題係你要都要識拆個波箱出黎。呢點對於有波箱恐懼症的朋友黎講就唔多好啦(你PM我幫你改啦),但想話而家YOUTUBE咁多片,Polarstar同wolverine官網再加其他玩家改裝的片,再加我呢個post,真心無可能唔識。
不過有另外玩家係只想玩槍,對改槍構造無咩興趣,都可以知大約支槍出現少問題時點解決,到真係有大問題再比熟悉的朋友或槍店解決都未遲的。


好啦,打到好鬼攰。希望大家對HPA系統有多少少認識啦。都想借呢個機會問下有無師兄肯借支槍比我試其他野(或者有機會第一身試到E何B段片的新槍)。有的話就PM我啦。唔好唔記得睇埋我先前個D二戰POST。遲D再出一D有關HPA的POST啦。

[ 本帖最後由 adamhaha2002 於 22-9-2017 00:02 編輯 ]
本帖最近評分記錄
  • gtoray 威望 +50 高質素文章!! 21-9-2017 23:11
  • gtoray 金錢 +50 高質素文章!! 21-9-2017 23:11

9 個讚好! TOP

非常詳盡高質既文章!

TOP

難得有心人,終於有HPA玩家肯完完整整貼出來仔細資料,以正視聽。
亦熱切希望一眾傳統AEG/GBB 玩家不要有色眼鏡睇任何系統,不安往往來自缺乏認知,
無論有心玩或是純粹花生,清楚了解再作下判語是需要的。
身邊早有人玩HPA 系統,雖然在下不喜歡拖多個樽,但其穩定性及便利性實在是無出其右,
如果接受到,M249 /RPK + DAYTONA 系統真的是很好的玩具機槍(BLOW BACK )體驗
至於鬼火...只能說玩家自律,確實有些系統是方便調力,但設計原意是好的。

[ 本帖最後由 Dave 於 21-9-2017 23:24 編輯 ]
原創小說:黑鷲

http://ck101.com/forum.php?mod=viewthread&tid=2660842&extra=page%3D3

TOP

Delete

[ 本帖最後由 tanker 於 21-9-2017 23:27 編輯 ]
TM ......TM...........回來了! 重裝人形戰車
(影相................. 見乜影乜!)

TOP

詳盡文章..!.不過今時今日.又要叉電、再叉氣(·好麻煩禾)個系統又易改出力!除非想打鬼火!
要像真玩GBB.要準確~玩PDW..

[ 本帖最後由 tanker 於 21-9-2017 23:31 編輯 ]
TM ......TM...........回來了! 重裝人形戰車
(影相................. 見乜影乜!)

TOP

令人回想起拖喉年代
比現在麻煩 ,不便攜帶 , 受氣溫影響.
但 o彭 o澎 o彭....看見槍咀輕微跳動 , 鎗咀前的野草不斷訓低
感覺良好 :

TOP

提示: 作者被禁止或刪除 內容自動屏蔽

TOP

引用:
原帖由 新手一隻 於 21-9-2017 23:36 發表
講起hpa就想起g&皮嗰50米2寸 grouping,簡直公關災難,連p*都急急腳劃清關係話未掂過支槍唔清楚準度如何。
師兄、G&皮 支HPA 由高人調教及QC 架、再由某雜誌力推架-點會吾準呀??
TM ......TM...........回來了! 重裝人形戰車
(影相................. 見乜影乜!)

TOP

Polar star 好易過火,玩家要自律

TOP

提示: 作者被禁止或刪除 內容自動屏蔽

TOP

多謝師兄詳盡介紹!
個人最接受唔到的確係條喉唔像真,新gp個款我覺得非常靚仔值得一試
我估現階段最大困難係充氣,但我相信假而時日可以更普及,到時充氣唔係一個問題就可以暢玩

配合blowback 真係超正,仲穩定輸出
鬼火呢啲老生常談唔洗講 從來係人既品格問題

TOP

引用:
原帖由 新手一隻 於 21-9-2017 23:50 發表

我仲等緊佢地個乜嘢詳盡測試,點知條片都未出就話聽日接受預定。
師兄、有人話支槍只可以用點2珠.試槍!大過點2珠會過火!你信吾信!
TM ......TM...........回來了! 重裝人形戰車
(影相................. 見乜影乜!)

TOP

提示: 作者被禁止或刪除 內容自動屏蔽

TOP

精品文章...心機之作

TOP

晚輩就認為其實香港玩家怕HPA槍除咗誤解之外,並唔係認為HPA好兇狠之如此類,而係香港玩家既質素,思維同誠實。。。。

TOP

發新話題